Գևորգ Կասպարովը՝ «Գանձասար-Կապանում» երբևէ հանդես եկած ամենատարեց ֆուտբոլիստ - VNews
Բաժիններ

Գևորգ Կասպարովը՝ «Գանձասար-Կապանում» երբևէ հանդես եկած ամենատարեց ֆուտբոլիստ

«Շիրակի» հետ հանդիպման առաջին խաղակեսի ավարտին փոխարինելով խաղադաշտից հեռացված Գրիգոր Մելիքսեթյանին՝ Գևորգ Կասպարովը բացառիկ ցուցանիշի հասավ: Նա դարձավ Բարձրագույն խմբի առաջնություններում «Գանձասար-Կապանում» հանդես եկած ամենատարեց ֆուտբոլիստը՝ գերազանցելով թիմի նախկին հարձակվող Արսեն Ավետիսյանի ռեկորդային արդյունքը, ով թիմի կազմում իր վերջին հանդիպումն անցկացրել էր 38 տարեկան 21 օրականում:

«Շիրակի» հետ խաղում ընթացիկ առաջնության ամենատարեց մասնակիցը 38 տարեկան 31 օրական էր: Հարկ է նշել, որ Կասպարովը նաև մինչ օրս «Ալաշկերտում» հանդես եկած ամենատարեց ֆուտբոլիստն է: Թիմի կազմում իր վերջին հանդիպումը փորձառու դարպասապահն անցկացրել է 36 տարեկան 310 օրականում: Այդ առումով Կասպարովի ցուցանիշն իրոք բացառիկ է հայկական ֆուտբոլում:

«Շիրակը» հետամուտ է ոչ-ոքիներ խաղալուն, կապանյան թիմի առաջին գոլն այս առաջնությունում (տեսանյութ)

Գևորգ Կասպարովը «Գանձասար-Կապանի» կազմում ընդգրկվեց նախորդ մրցաշրջանում՝ տեղափոխվելով «Ալաշկերտից»: «Գանձասար-Կապանը» հայկական 9-րդ ակումբն է, որի դարպասը պաշտպանում է Կասպարովը ֆուտբոլային իր երկարատև կարիերայի ընթացքում:

Նա Բարձրագույն խմբում իր ելույթները սկսել է 17 տարեկանում՝ 1997թ. հանդես գալով Արտաշատի «Դվինի» կազմում: Հետագայում Կասպարովը պաշտպանել է «Ղարաբաղի», «Զվարթնոցի», «Միկայի», «Փյունիկի», «Ուլիսի» և «Ալաշկերտի» դարպասները:

Ընթացիկ մրցաշրջանը հոբելյանական՝ 20-րդն է Գևորգ Կասպարովի համար: Ընդ որում նա չի մասնակցել 2003 և 2007թթ. ՀՀ առաջնություններին՝ հանդես գալով արտերկրում: Այլապես Կասպարովը Բարձրագույն խմբում անցկացրած մրցաշրջանների քանակով (22) յուրօրինակ ռեկորդակիր կլիներ: Իսկ առայժմ նա ռեկորդակրի տիտղոսը կիսում է «Շիրակի» նախկին ավագ, ՀՀ առաջնություններում բոլորից շատ խաղ անցկացրած Հովհաննես Թահմազյանի հետ, ով ևս 20 մրցաշրջան (1992-2011թթ.) հանդես է եկել Բարձրագույն խմբում:

VNews.am-ը ներկայացնում է «Գանձասար-Կապանում» հանդես եկած ամենատարեց ֆուտբոլիստների տասնյակը:

Ֆուտբոլիստներ Տարիքը Վերջին խաղը
1. Գևորգ Կասպարով 38 տարեկան 31 օրական 25.08.2018 «Շիրակ»՝ 1-1
2. Արսեն Ավետիսյան 38 տարեկան 21 օրական 29.10.2011 «Իմպուլս»՝ 1-0
3.Վիրգին Մարշավելա 37 տարեկան 73 օրական 22.05.2011 «Շիրակ»՝ 2-0
4. Արթուր Քոչարյան 37 տարեկան 52 օրական 05.11.2011 «Բանանց»՝ 0-0
5. Էդիկ Երիցյան 36 տարեկան 213 օրական 26.10.2007 «Փյունիկ»՝ 0-0
6. Կարեն Զաքարյան 34 տարեկան 245 օրական 29.09.2012 «Բանանց»՝ 0-0
7. Անգել Ֆլորին 33 տարեկան 250 օրական 08.05.2011 «Ուլիս»՝ 0-0
8. Արա Խաչատրյան 33 տարեկան 239 օրական 19.08.2018 «Ալաշկերտ»՝ 0-1
9. Միխայ Դոբրե 32 տարեկան 327 օրական 18.09.2007 «Բանանց»՝ 0-3
10. Անտոն Մոնախով 32 տարեկան 282 օրական 09.11.2014 «Բանանց»՝ 3-3

Աշոտ Հայրապետյան

Հայկական ֆուտբոլի բոլոր նորություններին ծանոթանալու համար հետևեք Vivaro News-Armenian Football էջին։

Միացի՛ր հայկական ամենասպորտային Instagram-ին:


VBET-ը ներկայացնում է Հայաստանի առաջնության հունիս ամսվա 5 լավագույն գոլերը (տեսանյութ)

9 նկատառում. «Շիրակը» հայտարարություն է տարածել

«Արարատի» 700-րդ խաղը․ Միայն 2 թիմ է ավելի շատ հանդիպում անցկացրել Բարձրագույն խմբում

Մելիքյանի առաջին հաղթանակն «Ալաշկերտում», որը պարգևեց եվրագավաթի ուղեգիր․ VNews-ի ֆոտոշարքը «Լոռիի» դեմ խաղից

«Ալաշկերտ» – «Լոռի» խաղում հայտնի դարձավ Եվրոպա լիգայի վերջին ուղեգրի տիրակալի անունը (տեսանյութ)

Խաղ՝ Եվրոպա լիգայի ուղեգրի համար․ «Ալաշկերտ» – «Լոռի»․ Մեկնարկային կազմեր, ուղիղ հեռարձակում (տեսանյութ)

«Նոա»-«Շիրակ» հանդիպման վիճելի դրվագները՝ ՀՖՖ մրցավարական բաժնի մեկնաբանությամբ

Կառլեն Մկրտչյանը նույնպես հեռացավ «Փյունիկից»

«Նոան» խոշոր հաշվով հաղթեց «Շիրակին» և գլխավորում է Բարձրագույն խմբի մրցաշարային աղյուսակը (տեսանյութ)

«Նոա» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Տուր, որում թիմերը ոչ թե խաղալու են, այլ մարտնչելու․ Ամենաուշագրավ փաստերը՝ ԲԽ-ի 27-րդ տուրին ընդառաջ

Բարձրագույն խմբի 26-րդ տուրի խորհրդանշական հավաքականը և լավագույն ֆուտբոլիստը

«Գանձասար-Կապանի» 7 ֆուտբոլիստ խզել է պայմանագիրը թիմի հետ

Էլ ե՞րբ էր եղել, որ միանգամից 3 թիմեր առաջնության ավարտից 2 տուր առաջ հավակնեին Հայաստանի չեմպիոնի կոչմանը

«Փյունիկից» հեռացել է ևս մեկ ֆուտբոլիստ

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը