Թիմ, որն իրեն լավ չի զգում մրցակցի հարկի տակ․ Ամենահետաքրքիրը՝ «Ալաշկերտ» - «Արցախ» խաղին ընդառաջ - VNews
Բաժիններ

Թիմ, որն իրեն լավ չի զգում մրցակցի հարկի տակ․ Ամենահետաքրքիրը՝ «Ալաշկերտ» – «Արցախ» խաղին ընդառաջ

«ԱԼԱՇԿԵՐՏ» – «ԱՐՑԱԽ»

1 սեպտեմբերիժ.16:00, Երևան, «Նաիրի» մարզադաշտ, 7-րդ տուր

Թիմերն առաջին անգամ են հանդիպելու առաջնությունում

Հաջող մեկնարկից հետո չեմպիոնն «արգելակեց»

Մեկնարկում տոնած երկու հաղթանակներից հետո «Ալաշկերտը» հաջորդ 2 հանդիպումներում ընդամենը մեկ միավոր վաստակեց: «Արարատ-Արմենիայի» հետ մրցախաղում ալաշկերտցիներին ոչ միայն չհաջողվեց շարունակել հաղթարշավը, այլև առաջնությունում առաջին պարտությունը կրեցին:

Գյումրիում «Շիրակի» հետ կայացած սկզբունքային մրցավեճում երկու թիմերն էլ միմյանց ապացուցելու շատ բան ունեին: Սակայն այդպես էլ ֆուտբոլասերները դարպասի գրավման ականատես չդարձան, թեև Էդգար Մանուչարյանին լավ հնարավորություն էր ընձեռվել բացելու հաշիվը: Բայց 11մ հարվածն իրացնելիս նրան չհաջողվեց հաղթող դուրս գալ Վսևոլոդ Երմակովի հետ մենամարտում:

Ովքեր էին լավագույն 4 ֆուտբոլիստները ԲԽ-ի 6-րդ տուրում ըստ VNews-ի (+խորհրդանշական հավաքական, քվեարկություն)

2 միավորի կորուստը չեմպիոնին թանկ արժեցավ: «Ալաշկերտը» 7 միավորով նահանջեց 5-րդ հորիզոնական: Առաջատար դիրքերը վերականգնելու համար ալաշկերտցիներին առաջիկա խաղում անպայման հաղթանակ է անհրաժեշտ: Իսկ դրա համար ալաշկերտցիները պետք է աչքի ընկնեն ագրեսիվ գործողություններով, ինչը նախորդ հանդիպումներում նրանց մոտ պակասում էր:

«Լոռի» ⬆, «Փյունիկ» 🔝. Բարձրագույն խմբի ուժերի հարաբերակցությունը 7-րդ տուրից առաջ

«Արցախը» կփորձի առաջին միավորները վաստակել հյուրընկալվելիս

Բարձրագույն խմբի նորեկն առայժմ հաջող է հանդես գալիս միայն սեփական հարկի տակ, որտեղ անպարտելի է: Առաջնությունում վաստակած 5 միավորներն էլ արցախցիներն իրենց օգտին են գրանցել սեփական հարկի տակ անցկացրած 3 հանդիպումներում:

Նախորդ տուրում էլ «Արցախը» սեփական դաշտում իրեն լավ դրսևորեց «Գանձասար-Կապանի» հետ մրցավեճում: Սակայն հաշվի մեջ առջևում գտնվելով 2 գնդակի առավելությամբ՝ արցախցիները ձեռքից բաց թողեցին հաղթանակը:

Իսկ ահա հյուրընկալվելիս Ռաֆայել Նազարյանի սաներն առայժմ միավոր չեն վաստակել՝ պարտվելով «Լոռիին» և «Փյունիկին»: Այդ բացն «Արցախը» կփորձի լրացնել «Ալաշկերտի» հետ մրցախաղում:

Գլխավոր հակամարտությունը՝ Գագիկ Դաղբաշյան VS Մարատ Բուրաև

Պատկերացնո՞ւմ եք՝ ինչ հետաքրքիր կլիներ, եթե կազմուպատրաստ լիներ Ռոբերտ Արզումանյանը և խաղադաշտում մրցակցեր «Ալաշկերտի» հարձակվող Էդգար Մանուչարյանի հետ։ Ինչևէ։ «Արցախը», ամենայն հավանականությամբ, հերթական անգամ խաղալու է խորքից, իսկ հիմնական զենքը լինելու են հակագրոհները։ Արցախցիների կազմում հանդես է գալիս աջ եզրային ճարպիկ կիսապաշտպան Մարատ Բուրաևը։

Զարմանալի զուգադիպություն՝ «Փյունիկի» գրանցած արդյունքներում

Նա «Գանձասար-Կապանի» հետ նախորդ մրցավեճում հիմնական կազմում փոխարինել էր Էմիլ Եղիազարյանին և հատկապես առաջին խաղակեսում փայլուն տպավորություն է թողել։ Գերազանց դրիբլինգի է տիրապետում ու բավականին արագ է։ Նա «խոցել» էր Գևորգ Կասպարովի պաշտպանած դարպասը։ «Ալաշկերտի» ձախ պաշտպան Գագիկ Դաղբաշյանը գրոհների ժամանակ վերածվում է ձախ հարձակվողի, ուստի «Արցախը» կփորձի օգտագործել ազատ տարածությունն ու այդ եզրում հենց Բուրաևի օգնությամբ սրընթաց հակագրոհ կազմակերպել։ Հարկավոր կլինի ապահովագրել Դաղբաշյանին, որպեսզի «Արցախի» խաղացողն ազատություն չստանա։

Աշոտ Հայրապետյան

Միացի՛ր հայկական ամենասպորտային Instagram-ին:


Թովմաս Գրիգորյանի COVID-19 երկրորդ թեստի արդյունքը բացասական է

Էլ ե՞րբ էր եղել, որ միանգամից 3 թիմեր առաջնության ավարտից 2 տուր առաջ հավակնեին Հայաստանի չեմպիոնի կոչմանը

«Փյունիկից» հեռացել է ևս մեկ ֆուտբոլիստ

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը

Արմեն Սանամյան․ «Փորձում ենք եղած ֆուտբոլիստներով ու այս ֆիզիկական վիճակով բարելավել թիմի խաղը և հաղթանակներ տոնել»

Վադիմ Բորեց․ «Լավ է, որ բնավորություն դրսևորեցինք, բայց մեզ նաև խաղային որակ է պետք» (տեսանյութ)

Եղիշե Մելիքյան․ «Ժամանակ չկա․ պիտի շատ արագ հասկանամ իմ թիմի հնարավորությունները» (տեսանյութ)

«Արարատ-Արմենիան» չհաղթեց ԲԽ-ում 4-րդ անընդմեջ խաղում. VNews-ի ֆոտոշարքն «Ալաշկերտի» հետ հանդիպումից

Բարձրագույն խմբի 3 ակումբ ապահովել է իր տեղը եվրագավաթային խաղարկությունում

Գոլազուրկ ոչ-ոքի․ «Արարատ-Արմենիան» մնաց 2-րդ տեղում (տեսանյութ)

5 ֆուտբոլիստ հեռացավ «Փյունիկից»

Ազարովի ֆանտաստիկ գոլը հաղթանակ պարգևեց «Նոային» «Արարատի» դեմ խաղում (տեսանյութ)

Չեմպիոնը շանս է ստանում վերադառնալու. «Արարատ-Արմենիա» – «Ալաշկերտ». Մեկնարկային կազմեր, ուղիղ հեռարձակում

«Շիրակը» չի կարողանում պահել չեմպիոնական տեմպը. Գոլազուրկ ոչ-ոքի «Լոռիի» հետ

Տապանը՝ լեռան վրա. «Նոա» – «Արարատ». Մեկնարկային կազմեր, ուղիղ հեռարձակում

Վերջին մարզային դերբին. «Շիրակ» – «Լոռի». Մեկնարկային կազմեր, ուղիղ հեռարձակում