fbpx

Առաջին և Բարձրագույն խմբի առաջատարների պայքարը. Ամենահետաքրքիրը՝ «Յունիոր-Սևան» – «Լոռի» խաղին ընդառաջ

«ՅՈՒՆԻՈՐ-ՍԵՎԱՆ» – «ԼՈՌԻ»

20 սեպտեմբերի, ժ.16:00, Ձորաղբյուրի մարզահամալիր, Հայաստանի գավաթի խաղարկության 1/8 եզրափակիչ

Թիմերն առաջին անգամ են հանդիպելու

Առաջին խմբի հայտնություններից մեկը

Առաջին և Բարձրագույն խմբի առաջնությունների առաջատարների մրցավեճը մեծ հետաքրքրություն է առաջացրել: Ինչպես «Լոռին» է դարձել Բարձրագույն խմբի առաջնության հայտնությունը, այնպես էլ նորաստեղծ «Յունիոր-Սևանն» է հիանալի հանդես գալիս Առաջին խմբի մրցաշարում՝ 6 խաղում վաստակած 16 միավորով գլխավորելով մրցաշարային աղյուսակը:

52-ամյա ուկրաինացի մասնագետ Սերգեյ Գերասիմեցի գլխավորությամբ հանդես եկող «Յունիոր-Սևանում» էլ մի խումբ լեգեոնականներ են խաղում, որոնք զգալի ներդրում ունեն թիմի հաջող մրցելույթներում: Բավական է նշել, որ առաջնությունում խփած 12 գոլերից 10-ը բաժին է ընկնում լեգեոնականներին, որոնցից Սուլթան Ակսանովը 3 գնդակով թիմի լավագույն ռմբարկուն է:

Տեղացի ֆուտբոլիստներից Բարձրագույն խմբում հանդես գալու փորձ ունեն դարպասապահ Գոռ Մարտիրոսյանը, Արամ Հովսեփյանը, Ռևիկ Եղիազարյանը, Հակոբ Լոռեցյանը, Արմեն Դուրունցը, որոնք մշտապես թիմի մեկնարկային կազմում են:

Առաջին խմբի մրցաշարում առայժմ միայն «Ալաշկերտ-2»-ին է հաջողվել միավոր վաստակել «Յունիոր-Սևանի» հետ մրցավեճում՝  2-րդ տուրի հանդիպումն ավարտելով ոչ-ոքի՝ 1-1: Սեպտեմբերի 17-ին 6-րդ տուրում կայացած վերջին խաղում «Յունիոր-Սևանի» ֆուտբոլիստները 3-0 հաշվով հաղթել են «Արարատ-2»-ին՝ տոնելով խոշոր հաշվով առաջին հաղթանակը:

«Լոռիի» հետ գավաթային դիմակայությունը նորաստեղծ թիմի անդամների համար ուժերի հիանալի ստուգատես կլինի, հնարավորություն կընձեռի գնահատելու ֆուտբոլիստների իրական հնարավորությունները:

Ուժերի փորձարկում սկզբունքային մրցախաղից առաջ

Թեև «Լոռին» նախորդ մրցաշրջանում հանդես էր գալիս Առաջին խմբի մրցաշարում, սակայն չմասնակցեց գավաթի մրցաշարին: Այնպես որ «Յունիոր-Սևանի» պես «Լոռին»  էլ այս խաղում նորամուտն է նշելու Հայաստանի գավաթի խաղարկությունում:

Առաջնությունում իր գերազանց ելույթներով «Լոռին» արդեն հասցրել է վայելել ֆուտբոլասերների համակրանքը և լուրջ հայտ ներկայացրել չեմպիոնության համար մղվող պայքարում: Անկասկած, գավաթի մրցաշարում էլ «Լոռին» լուրջ մտադրություններով է ասպարեզ դուրս գալու, այնպես որ մրցակցին թերագնահատելու մասին խոսք լինել չի կարող:

Ճիշտ է, բացառված չէ, որ այս խաղում Արմեն Ադամյանը թիմի մի խումբ առաջատար ֆուտբոլիստների հանգիստ տրամադրի, քանի որ գավաթային մրցախաղից ընդամենը 2 օր անց «Լոռին» առաջնության 9-րդ տուրում սկզբունքային մրցախաղում մրցելու է չեմպիոն «Ալաշկերտի» հետ:

Աշոտ Հայրապետյան

Հետևե՛ք VNews.am-ին նաև Youtube-ում, Instagram-ում և Telegram-ում:


Արմեն Ադամյան․ «Արտյոմ Խաչատուրովը նոր լիցք է տվել Հայաստանի հավաքականին» (տեսանյութ)

«Սա աբսուրդ է»․ Ռաֆայել Նազարյանը՝ նախկին «Միկա» ստադիոնի խոտածածկի վիճակի մասին (տեսանյութ)

Գոլային հերթական շքերթն՝ «Արցախի» և «Լոռիի» կողմից․ կրկին գրանցվել է 3-2 հաշիվը (տեսանյութ)

«Արցախ» – «Լոռի» խաղում տուգանայինից կատարված հարվածով 2 գեղեցիկ գոլ է գրանցվել (տեսանյութ)

«Արցախ» – «Լոռի»․ Մեկնարկային կազմեր, ուղիղ հեռարձակում (տեսանյութ)

«Արցախ» – «Լոռի»․ Ամենահետաքրքիր տեղեկությունները, հավանական մեկնարկային կազմեր

Հայաստանի հավաքական է հրավիրվել «Լոռիի» պաշտպան Արտյոմ Խաչատուրովը

Ովքեր էին լավագույն 4 ֆուտբոլիստները ԲԽ-ի 11-րդ տուրում ըստ VNews-ի (+խորհրդանշական հավաքական, քվեարկություն)

7 անընդմեջ անպարտելի խաղ, 6 հաղթանակ․ Երևանյան «արծիվները» «ճախրում» են

Անհավանական 2 գոլ և վերջաբան «Բանանց» – «Արցախ» խաղում, մարզային դերբին Վանաձորում (տեսանյութ)

«Լոռի» – «Շիրակ»․ Մեկնարկային կազմեր, ուղիղ հեռարձակում (տեսանյութ)

«Փյունիկ» – «Ալաշկերտ»․ Ամենահետաքրքիր տեղեկությունները, հավանական մեկնարկային կազմեր

«Լոռի» – «Շիրակ»․ Ամենահետաքրքիր տեղեկությունները, հավանական մեկնարկային կազմեր

Աբրահամ Խաշմանյանը վերացրեց «Արարատի» վրա եղած 9-ամյա «անեծքը»

Բարձրագույն խմբի 11-րդ տուրի բոլոր հանդիպումները տեղի կունենան հոկտեմբերի 7-ին

Անակնկալ Գյումրիում․ Հայտնի են գավաթի խաղարկության քառորդ եզրափակչի բոլոր զույգերը (տեսանյութ)