Ովքեր էին լավագույն 4 ֆուտբոլիստները ԲԽ-ի 10-րդ տուրում ըստ VNews-ի (+խորհրդանշական հավաքական, քվեարկություն) - VNews
Բաժիններ

Ովքեր էին լավագույն 4 ֆուտբոլիստները ԲԽ-ի 10-րդ տուրում ըստ VNews-ի (+խորհրդանշական հավաքական, քվեարկություն)

Ավարտվել է Բարձրագույն խմբի առաջնության 10-րդ տուրը, որը թիմերի ցուցադրած խաղի տեսանկյունից ամենահիասթափեցնողն էր։ Գրանցվել է միանգամից 2 գոլազուրկ ոչ-ոքի․ միմյանց դարպասը չեն գրավել «Շիրակը» և «Բանանցը», «Արարատ-Արմենիան» ու «Լոռին»։ Չեմպիոն «Ալաշկերտը» 2-1 հաշվով առավելության է հասել «Արարատի» նկատմամբ, իսկ «Փյունիկը» նույն հաշվով պարտության է մատնել «Գանձասար-Կապանին»՝ ստանձնելով առաջատարի դերը։

Այս անգամ անչափ բարդ էր ընտրություն կատարելը՝ որոշելու տուրի լավագույններին, և խնդիրն ամենևին էլ գոլերի սակավությունը չէր։ Ձեր ուշադրությանն ենք ներկայացնում իրենց խաղով տարբերված 4 ֆուտբոլիստներին և խորհրդանշական հավաքականը՝ VNews.am-ի տարբերակով։

4․ Գուստավո Մարմենտինի («Ալաշկերտ»)

«Ալաշկերտի» բրազիլացի լեգեոներներն աստիճանաբար սկսում են ցուցադրել իրենց լավագույն որակները։ Մարմենտինին այս խաղից առաջ ընդամենը մեկ անգամ էր հայտնվել չեմպիոնի մեկնարկային կազմում առաջնության շրջանակում․ խոսքն 1-ին տուրում «Արարատի» հետ կայացած հանդիպման մասին է։ Նույնիսկ կային խաղեր, երբ Վարուժան Սուքիասյանը Գուստավոյին չէր ընդգրկում հայտացուցակում։

Սակայն, երևում է, Արամ Ոսկանյանի գալով իրավիճակ է փոխվել։ Խաղալով առաջին րոպեից՝ Գուստավոն պայթյունավտանգ էր, անընդհատ սպառնում էր աջ եզրից և դարձել էր «Արարատի» պաշտպանների գլխացավանքը, հատկապես առաջին խաղակեսում։ Անհատական փայլուն անցումներից հետո ունեցել է 2 իրական գոլային պահ, բայց բախտը երես էր թեքել։ Այդուհանդերձ, դարձել է գոլային փոխանցման հեղինակ՝ հաշվենկատորեն գնդակը հասցեագրելով Ուրոշ Նենադովիչին։

3․ Մաքսիմ Ժեստոկով («Փյունիկ»)

27-ամյա կենտրոնական պաշտպանը դարձել է «Փյունիկի» հետին գծի հենասյուներից մեկը։ Նա կարողանում է կառավարել ամբողջ պաշտպանությունը, իր ներկայությամբ վստահություն ներշնչել թիմակիցներին։ «Գանձասար-Կապանը» միայն սկզբնամասում ուներ որոշակի գոլային պահեր, հետագայում «Փյունիկի» պաշտպանությունն աչքի էր ընկնում հուսալիությամբ։

Ժեստոկովը դրսևորում է նաև ռմբարկուական հատկանիշներ։ Պատահական չէ, որ գոլի հեղինակ է դառնում առաջնության 2-րդ խաղում անընդմեջ՝ աչքի ընկնելով գլխի դիպուկ հարվածներով։ Նա վերածվում է «հայկական Սերխիո Ռամոսի» և Անդրեյ Տալալաևի գաղտնի զենքերից մեկն է։ Իսկ մրցակցի գոլի դրվագում օդային պայքարում պարտվել է Արթուր Քարտաշյանը, որից հետո գնդակին տիրել է Միհրան Մանասյանն ու գրավել «Փյունիկի» դարպասը։

«Փյունիկը» վերջ դրեց 3 տարուց ավել ձգված «անեծքին», Կորյանն էլ գոլ խփեց առաջնությունում նորամուտի խաղում

Միացի՛ր հայկական ամենասպորտային Instagram-ին:

1 2

Էլ ե՞րբ էր եղել, որ միանգամից 3 թիմեր առաջնության ավարտից 2 տուր առաջ հավակնեին Հայաստանի չեմպիոնի կոչմանը

4 ֆուտբոլիստներ հեռացել են «Ուրարտուից»

«Փյունիկից» հեռացել է ևս մեկ ֆուտբոլիստ

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը

Արմեն Սանամյան․ «Փորձում ենք եղած ֆուտբոլիստներով ու այս ֆիզիկական վիճակով բարելավել թիմի խաղը և հաղթանակներ տոնել»

«21 գոլը ռեկորդ է նույնիսկ ինձ համար». Երեք տարի անընդմեջ լավագույն ռմբարկու ճանաչվող Մորի Կոնեն

Եղիշե Մելիքյան․ «Ժամանակ չկա․ պիտի շատ արագ հասկանամ իմ թիմի հնարավորությունները» (տեսանյութ)

«Արարատ-Արմենիան» չհաղթեց ԲԽ-ում 4-րդ անընդմեջ խաղում. VNews-ի ֆոտոշարքն «Ալաշկերտի» հետ հանդիպումից

Բարձրագույն խմբի 3 ակումբ ապահովել է իր տեղը եվրագավաթային խաղարկությունում

Գոլազուրկ ոչ-ոքի․ «Արարատ-Արմենիան» մնաց 2-րդ տեղում (տեսանյութ)

5 ֆուտբոլիստ հեռացավ «Փյունիկից»

Չեմպիոնը շանս է ստանում վերադառնալու. «Արարատ-Արմենիա» – «Ալաշկերտ». Մեկնարկային կազմեր, ուղիղ հեռարձակում

«Շիրակը» չի կարողանում պահել չեմպիոնական տեմպը. Գոլազուրկ ոչ-ոքի «Լոռիի» հետ

Վերջին մարզային դերբին. «Շիրակ» – «Լոռի». Մեկնարկային կազմեր, ուղիղ հեռարձակում

Արամ Բարեղամյանը ավարտել է ֆուտբոլիստի կարիերան

Ռոման Բերեզովսկի․ «Շատ ուրախ եմ մեր երիտասարդ տղաների խաղի համար» (տեսանյութ)