fbpx

«Աչք չթարթեցին», և կրկին խաղալու են իրար դեմ․ Ամենահետաքրքիրը՝ «Փյունիկ» – «Գանձասար-Կապան» խաղին ընդառաջ

«ՓՅՈՒՆԻԿ» – «ԳԱՆՁԱՍԱՐԿԱՊԱՆ»

3 հոկտեմբերի, ժ.19:00, Երևան, «Հանրապետական» մարզադաշտ, 1-ին տուր

55 խաղ, «Փյունիկը» հաղթել է 26 անգամ, «Գանձասար-Կապանը»՝ 14,  գրանցվել է 15 ոչ-ոքի, խփած և բաց թողած գոլերի հարաբերակցությունը՝ 92-51

2-րդ շրջան. 30.09.2018 «Գանձասար-Կապան» 1-2 «Փյունիկ»
Գոլերը՝ 0-1՝ Ռուսլան Կորյան 72՛, 0-2՝ Մաքսիմ Ժեստոկով 86՛, 1-2՝ Միհրան Մանասյան 90+2՛
34-րդ րոպեին Ռումյան Հովսեփյանը չիրացրեց 11մ հարվածը (գնդակը դիպավ հորիզոնական ձողին):

Նոր շարժառիթ «Փյունիկի» համար

Ընդամենը 3 օր առաջ մրցակիցներն ընթացիկ առաջնությունում առաջին անգամ մրցավեճի բռնվեցին՝ անցկացնելով 10-րդ տուրի հանդիպումը: Եվ ահա կրկին «Փյունիկն» ու «Գանձասար-Կապանը» խաղադաշտ դուրս կգան՝ իրենց հարաբերությունները պարզելու առաջնության մեկնարկային տուրից հետաձգված խաղում:

Նախորդ խաղում «Փյունիկը» հաղթանակի ձգտելու համար լավ շարժառիթ ուներ, քանի որ հաջողության հասնելու դեպքում կշրջանցեր «Լոռիին» և «Բանանցին» ու կստանձներ միանձնյա առաջատարի դերը: Եվ փյունիկցիները հիանալի կատարեցին իրենց առջև դրված խնդիրը:

Մրցակիցների առաջիկա մրցախաղից առաջ էլ «Փյունիկը» նոր, ոչ պակաս կարևոր շարժառիթ ունի: Հաղթանակի դեպքում փյունիկցիները կամրապնդեն առաջատարի իրենց դիրքերը՝ 4 միավորով առաջ անցնելով մոտակա հետապնդողներից: Կասկած չկա, որ փյունիկցիները ջանք չեն խնայի կրկին առավելության հասնելու մրցակցի նկատմամբ:

Գանձասարցիները կրկնեցին վերջին 9 առաջնություններում գրանցած վատագույն արդյունքը

9-րդ տուրում «Գանձասար-Կապանին» վերջապես հաջողվել էր ընդհատել առանց հաղթանակների 6 խաղերի շարքն ու առաջին անգամ վայելել հաղթանակի բերկրանքը՝ 4 անպատասխան գնդակ ուղարկելով «Արարատի»  դարպասը:

Հետաքրքիր է, որ նախորդ առաջնությունում էլ գանձասարցիներն անդրանիկ հաղթանակը տոնել էին «Արարատի» նկատմամբ, որից հետո բռնել էին վերելքի ուղին՝ 9 հանդիպումներում մնալով անպարտելի, տոնելով 5 հաղթանակ, 4 խաղ ավարտելով ոչ-ոքի:

Սակայն պատմությունը կրկնելու կապանցիների առաջին իսկ քայլն անհաջողության մատնվեց: «Գանձասար-Կապանն» առաջնությունում 4-րդ պարտությունը կրեց և 6 միավորով մնաց 7-րդ հորիզոնականում, ինչը վերջին 9 առաջնություններում 2008 և 2010թթ. գրանցած վատագույն արդյունքի կրկնությունն է:

Հետաքրքիր 5 փաստ՝ խաղին ընդառաջ

  • 3 տարվա ընդմիջումից հետո «Փյունիկին» վերջապես կրկին հաջողվեց հյուրընկալվելիս հաղթել «Գանձասար-Կապանին»: Մինչ այդ վերջին հաղթանակը մրցակցի հարկի տակ «Փյունիկը» տոնել էր 2015թ. ապրիլի 26-ին Կապանում անցկացված խաղում՝  1-0, որից հետո կայացած 8 հանդիպումներից 6-ում պարտվել էր, 2-ն ավարտել էր ոչ-ոքի:

  • Նախորդ մրցաշրջանի նույն ժամանակահատվածի համեմատ «Փյունիկը» զգալի առաջընթաց է գրանցել՝ 13 միավոր ավելի վաստակելով: Թիմի ներկայիս արդյունքը (18 միավոր) լավագույնն է վերջին 8 առաջնություններում: Իսկ մինչ այդ ավելի հաջող փյունիկցիները հանդես էին եկել 2010թ. առաջնությունում՝ Վարդան Մինասյանի գլխավորությամբ մեկնարկային 8 հանդիպումներում վաստակելով 20 միավոր (6 հաղթանակ, 2 ոչ-ոքի):
  • «Գանձասար-Կապանը» նախորդ առաջնության 8 հանդիպումներում ներկայիս 6-ի փոխարեն 9 միավոր էր վաստակել: Ավելի անհաջող գանձասարցիները հանդես են եկել միայն 2009թ. առաջնությունում: Թիմը Սամվել Պետրոսյանի գլխավորությամբ մեկնարկել էր 3 անընդմեջ պարտությամբ, որի պաշտոնանկությունից հետո Ավետիք Սարգսյանի օրոք անցկացրած հաջորդ 5 խաղերում ընդամենը 4 միավոր էր վաստակել:
  • «Փյունիկն» առաջնության 8 հանդիպումներից 7-ում գրավել է մրցակիցների դարպասը՝ ընդհանուր առմամբ խփելով 16 գնդակ, ինչը լավագույն ցուցանիշն է առաջնությունում: Առավել արդյունավետ են գործել Մոհամեդ Կոնատեն և Էրիկ Վարդանյանը, որոնց հաշվին 3-ական գոլ է գրանցված:

  • «Գանձասար-Կապանը» միայն 4 խաղում է գտել մրցակցի դարպասի բանալին՝ խփելով 8 գնդակ: Լավագույն ռմբարկուն թիմի նորեկ, 3 գոլի հեղինակ դարձած Միհրան Մանասյանն է:

Դիմակայության լավագույն ռմբարկուները՝

«Գանձասար-Կապան»՝ Արթուր Քոչարյան, Ալեքս Քրիստիան Ջունիոր, Գեղամ Հարությունյան՝ 4-ական գոլ

«Փյունիկ»՝ Գևորգ Ղազարյան՝ 8 գոլ

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Պերուացի պաշտպանը կարիերան կշարունակի «Գանձասար-Կապանում»

Տրանսֆերային ձմեռ․ Բարձրագույն խմբի ակումբների ձեռքբերումները և կորուստները (թարմացվում է)

ՊԱՇՏՈՆԱԿԱՆ. Մուսոնդայի հաջորդ թիմի անունը հայտնի է

Պեպեի կոպիտ սխալը Գևորգ Ղազարյանի թիմի դեմ խաղում, որը հանգեցրեց 11 մետրանոցի (տեսանյութ)

«Գանձասար-Կապանը» գերխոշոր հաշվով հաղթել է «Լոկոմոտիվին» (տեսանյութ)

«Փյունիկի» ֆուտբոլիստները բռնցքամարտիկներին բնորոշ մարզում են անցկացրել (տեսանյութ)

Անդրեյ Տալալաև․ «Անչափ լուրջ առաջարկներ կան Պետրոս Ավետիսյանի և Անդրիա Դրագոևիչի համար»

Արման Հովհաննիսյանը և Համլետ Ասոյանը՝ «Գանձասար-Կապանի» ֆուտբոլիստներ

Quiz. Ինչքանո՞վ եք տեղյակ հայ ֆուտբոլիստների կարիերայից

ՊԱՇՏՈՆԱԿԱՆ. «Փյունիկը» համալրվեց ուկրաինացի ֆուտբոլիստով

Պաշտոնական. «Գանձասար-Կապանի» լեգեոները համալրեց «Արարատ-Արմենիան»

Պաշտոնական. Ռոբերտ Արզումանյանը պաշտոն է ստացել «Փյունիկում»

«Գանձասար-Կապանն» առաջին մարզումն է անցկացրել 2019 թվականին (լուսանկարներ)

Հայտնի են «Փյունիկի» մրցակիցներն Ալանիայում կայանալիք ուսումնամարզական հավաքում

«Գանձասար-Կապանի» ֆուտբոլիստը կտեղափոխվի՞ ՄԼՍ

«Տամբովի» ամենաարդյունավետ ֆուտբոլիստներից մեկը կտեղափոխվի «Փյունիկ»