fbpx

«Արարատ» – «Արարատ-Արմենիա»․ Ամենահետաքրքիր տեղեկությունները, հավանական մեկնարկային կազմեր

«ԱՐԱՐԱՏ» – «ԱՐԱՐԱՏ-ԱՐՄԵՆԻԱ»

7 հոկտեմբերի, ժ.15:00, Երևան, «Նաիրի» մարզադաշտ, 11-րդ տուր

1 խաղ, որում հաղթել է «Արարատը», խփած և բաց թողած գոլերի հարաբերակցությունը՝ 2-1

1-ին շրջան. 11.08.2018 «Արարատ-Արմենիա» 1-2 «Արարատ»
Գոլերը՝ 0-1՝ Զավեն Բադոյան 16՛, 1-1՝ Իվայլո Դիմիտրով 21՛, 1-2՝ Հրայր Մկոյան 46՛, ինքն:

Խաշմանյանի օրոք առաջին արդյունքն արդեն առկա է

Առաջնության 11-րդ տուրի խաղում չորսամյա ընդմիջումից հետո արարատցիների գործողությունները խաղադաշտում կրկին ղեկավարելու է մեր փորձառու և բանիմաց մարզիչներից մեկը՝ Աբրահամ Խաշմանյանը: Նա ընդամենը մի քանի օր է, ինչ ստանձնել է «Արարատի» ղեկը, սակայն արդեն առաջին հաջողությունն է գրանցել:

Նրա գլխավորությամբ «Արարատը» հաջողությամբ հաղթահարեց գավաթի խաղարկության 1/8 եզրափակչի արգելքը՝ պատասխան խաղում 3-1 հաշվով վստահ հաղթանակ տոնելով «Լոկոմոտիվի» նկատմամբ: Այդ հաղթանակն առաջին հերթին արժևորվում է նրանով, որ Հայաստանի գավաթի նախորդ 9 խաղարկություններում արարատցիներին ոչ մի անգամ չէր հաջողվել հաղթահարել առաջին փուլի արգելքը:

Թիմի նախկին գլխավոր մարզիչ Արմեն Ստեփանյանն իր հետնորդին լավ ժառանգություն չի թողել: Բացի այն, որ «Արարատը» կրկին անհաջող հանդես եկավ առաջնությունում ու եզրափակում է մրցաշարային աղյուսակը, 5 լեգեոնականներ էլ հեռացել են թիմից:

Այնպես որ Աբրահամ Խաշմանյանի գլխավորած մարզչական շտաբը մեծ ծավալի աշխատանք ունի կատարելու ֆուտբոլիստների ֆունկցիոնալ վիճակը բարելավելու, թիմի խաղը կարգավորելու ուղղությամբ: Լավ ճանաչելով Աբրահամ Խաշմանյանին` վստահորեն կարել է փաստել, որ նրան կհաջողվի «Արարատին» վերադարձնել երբեմնի փառքը: Միայն թե ակումբի ղեկավարությունը հնարավորություն ու պայմաններ ստեղծի մարզչի ծրագրերի իրականացման համար: Դրանցից առաջնահերթը ձմռան նախապատրաստական շրջանում թիմի կազմն ուժեղացնելն է, որը պատրաստվում է իրականացնել Խաշմանյանը:

Իսկ առայժմ իր տրամադրության տակ ունեցած ֆուտբոլիստներով գլխավոր մարզիչը փորձելու է շտկել թիմի մրցաշարային վիճակը և հնարավոր առավելագույնն անել հաջող ելույթներ ունենալու համար: Այդ առումով «Արարատ-Արմենիայի» հետ կայանալիք հանդիպումը շատ կարևոր է: Ավելորդ չէ հիշեցնել, որ առաջնությունում առայժմ միակ հաղթանակն արարատցիները տոնել են հենց «Արարատ-Արմենիայի» նկատմամբ:

Մինասյանի նորամուտը տպավորիչ ստացվեց

Դեռևս առաջնության մեկնարկից առաջ մասնագետների ու ֆուտբոլասերների շրջանում բավական դրական կարծիք էր ձևավորվել հայկական ֆուտբոլ մուտք գործող «Արարատ-Արմենիայի» մասին, նշելով, որ ֆուտբոլային մարտունակ կոլեկտիվ է կազմավորվել, որն ունակ է պայքարելու ամենաբարձր տեղերի համար: Առաջնության շեմին նորաստեղծ ակումբի ներկայացուցիչներն էլ չէին թաքցնում իրենց մտադրությունները, որ թիմը պայքարելու է չեմպիոնության համար:

Սակայն առայժմ սպասելիքները չեն արդարանում: «Արարատ-Արմենիան» 9 հանդիպումներում վաստակած 12 միավորով ընթանում է 5-րդ տեղում՝ բավական հետ մնալով առաջատարներից: Եվ հենց դա էր պատճառը, որ թիմի գլխավոր մարզիչ Վադիմ Սկրիպչենկոն «Բանանցի» հետ խաղից հետո պաշտոնանկ արվեց:

10-րդ տուրում գլխավոր մարզչի պարտականությունները կատարած Արտակ Օսեյանի գլխավորությամբ «Արարատ-Արմենիան» գոլազուրկ ոչ-ոքի խաղաց «Լոռիի» հետ:

Եվ ահա «Արարատի» հետ խաղում ֆուտբոլիստների գործողությունները ղեկավարելու է Վարդան Մինասյանը, ով օրերս է նշանակվել գլխավոր մարզչի պաշտոնում՝ տևական ընդմիջումից հետո վերադառնալով ակումբային ֆուտբոլ:

Նրա նորամուտը թիմի գլխավոր մարզչի պաշտոնում տպավորիչ ստացվեց: Գավաթի խաղարկության 1/8 եզրափակչի պատասխան խաղում «Արարատ-Արմենիան» ոչ մարտական կազմով 5 անպատասխան գնդակ խփեց Առաջին խմբի առաջատարներից մեկի՝ «Երևանի» դարպասը:

Ճիշտ է, Վադիմ Սկրիպչենկոյի օրոք էլ «Երևանի» հետ անցկացրած գավաթային առաջին խաղում «Արարատ-Արմենիան» կրկին խոշոր հաշվով էր հաղթել (4-1):

Հավանական մեկնարկային կազմեր՝

«Արարատ»

«Արարատ-Արմենիա»

Աշոտ Հայրապետյան

Հետևե՛ք VNews.am-ին նաև Youtube-ում, Instagram-ում և Telegram-ում:


«Արարատ-Արմենիա» – «Փյունիկ»․ Ամենահետաքրքիր տեղեկությունները, հավանական մեկնարկային կազմեր

«Շիրակը» Գյումրիում հաղթանակ տոնեց հետնապահ «Արարատի» նկատմամբ (տեսանյութ)

«Շիրակ» – «Արարատ»․ Մեկնարկային կազմեր, ուղիղ հեռարձակում (տեսանյութ)

«Շիրակ» – «Արարատ»․ Ամենահետաքրքիր տեղեկությունները, հավանական մեկնարկային կազմեր

«Թարմ արյուն» ունեցող 10 ֆուտբոլիստ, ովքեր կարող են շանս ստանալ Հայաստանի ազգային հավաքականում

Մարկոսի ցուցանիշը, Մովսիսյանի հոբելյանական գոլը և Հայրապետյանի փայլուն վիճակագրությունը

Հոկտեմբերը «դաժան» ամիս է Հայաստանի հավաքականի համար

Ովքեր էին լավագույն 4 ֆուտբոլիստները ԲԽ-ի 11-րդ տուրում ըստ VNews-ի (+խորհրդանշական հավաքական, քվեարկություն)

7 անընդմեջ անպարտելի խաղ, 6 հաղթանակ․ Երևանյան «արծիվները» «ճախրում» են

Աբրահամ Խաշմանյան․ «Իմ ու Տալալաևի միջև կոնֆլիկտ չկա․ ես նրան չեմ ճանաչում, նա էլ՝ ինձ» (տեսանյութ)

Վարդան Մինասյանը դիմեց լրագրողներին․ «Ես կպատասխանեմ Հայաստանի հավաքականի վերաբերյալ ձեր հարցերին» (տեսանյութ)

Վարդան Մինասյան > Աբրահամ Խաշմանյան․ 2 «Արարատների» պայքարում ուժեղ էր առաջնության նորեկը (տեսանյութ)

Անհավանական 2 գոլ և վերջաբան «Բանանց» – «Արցախ» խաղում, մարզային դերբին Վանաձորում (տեսանյութ)

«Արարատ» – «Արարատ-Արմենիա»․ Մեկնարկային կազմեր

«Բանանց» – «Արցախ»․ Մեկնարկային կազմեր, ուղիղ հեռարձակում (տեսանյութ)

«Փյունիկ» – «Ալաշկերտ»․ Ամենահետաքրքիր տեղեկությունները, հավանական մեկնարկային կազմեր