fbpx

Ուեյն Ռունին փայլեց Յուրա Մովսիսյանի թիմի դեմ խաղում, Օզբիլիսը կրկին վնասվածք ստացավ (տեսանյութ)

Հայ ֆուտբոլիստներն՝ արտասահմանում

Ֆուտբոլային աշխարհի հայազգի ներկայացուցիչների մասնակցությամբ վերջին ժամերին կայացած հանդիպումներում գրանցվել են այսպիսի արդյունքներ․

Անգլիայի Պրեմիեր լիգա, 8-րդ տուր․ «Ֆուլհեմ» 1-5 «Արսենալ»Հենրիխ Մխիթարյանը մասնակցել է ամբողջ հանդիպմանը։ «Արսենալը» 20 թիմի պայքարում 4-5-րդ հորիզոնականներն է բաժանում «Տոտենհեմի» հետ։

Հոլանդիայի Էրեդեվիզե, 8-րդ տուր․ «Վիլլեմ II» 1-1 «Ֆեյենորդ»․ Արաս Օզբիլիսը եղել է մեկնարկային կազմում և վնասվածք ստանալու պատճառով փոխարինվել 50-րդ րոպեին։ Արասը հենց վնասվածքի պատճառով էլ չի մասնակցի Հայաստանի հավաքականի առաջիկա հանդիպումներին։ «Վիլլեմ II»-ը 18 թիմի պայքարում 11-13-րդ տեղերն է կիսում «Ուտրեխտի» և «Էքսելսիորի» հետ։

Ղազախստանի Պրեմիեր լիգա, 29-րդ տուր․ «Ակտոբե» 1-2 «Աստանա»․ Մարկոս Պիզելին բացակայել է դաշտի տերերի հայտացուցակից։ «Ակտոբեն» 12 թիմի պայքարում ընթանում է 6-րդ տեղով։

Ամերիկյան ՄԼՍ, Արևելյան Կոնֆերենցիա, 32-րդ տուր․ «ԴՍ Յունայթեդ» 2-1 «Չիկագո Ֆայր»․ 5 համարի մարզաշապիկով հանդես եկող Յուրա Մովսիսյանը եղել է պահեստայինների թվում և փոխարինման մտել 73-րդ րոպեին։ Նա մրցավարի կողմից ավելացված ժամանակի 4-րդ րոպեին զգուշացվել է դեղին քարտով։ Այս խաղում դուբլի հեղինակ է դարձել Ուեյն Ռունին։ Մովսիսյանը «Չիկագո Ֆայրի» կազմում հայտավորված է եղել ՄԼՍ-ի արդեն 4 հանդիպման՝ 2-ում մնալով պահեստայինների նստարանին, մյուս 2-ում մտնելով փոխարինման (խաղադաշտում, ընդհանուր առմամբ, անցկացրել է 27 րոպե)։ «Չիկագո Ֆայրը» զբաղեցնում է նախավերջին՝ 10-րդ տեղը։

Լատվիայի Բարձրագույն խումբ, 24-րդ տուր․ «Լիեպայա» 0-1 «Վենտսպիլս»․ Արսեն Բեգլարյանը մասնակցել է ամբողջ հանդիպմանը։ Հայ դարպասապահը սեփական դարպասն անառիկ էր պահել առաջնության վերջին 4 անընդմեջ մրցավեճում։ «Լիեպայան» 8 թիմի պայքարում եզրափակում է լավագույն քառյակը՝ 3-րդ հորիզոնականը զբաղեցնող ՌՖՍ-ին զիջելով 7 միավոր։

Ռուսաստանի Պրեմիեր լիգա, 10-րդ տուր․ «Ենիսեյ» 2-3 «Սպարտակ Մոսկվա»․ Արթուր Սարկիսովը եղել է մեկնարկային կազմում ու փոխարինվել 90-րդ րոպեին, իսկ Դավիդ Յուրչենկոն դեռ շարունակում է ապաքինվել վնասվածքից։ «Ենիսեյը» զբաղեցնում է վերջին՝ 16-րդ հորիզոնականը։ Թիմը տոնել է ընդամենը մեկ հաղթանակ և կրել 7 պարտություն։

Սլովակիայի 2-րդ դիվիզիոն, 12-րդ տուր․ «Ժիլինա Բ» 4-3 «Ինտեր Բրատիսլավա»․ Վահան Բիչախչյանը հերթական անգամ բացակայել է թիմի հայտացուցակից։ Նա չի մասնակցում նաև «Ժիլինայի» գլխավոր թիմի հանդիպումներին։ «Ժիլինա Բ»-ն 16 թիմի պայքարում զբաղեցնում է 7-րդ տեղը։

Լեհաստանի 2-րդ դիվիզիոն (հզորությամբ 3-րդ լիգա)․ «Օլիմպիա» 1-2 «Գրիֆ»․ Աղվան Պապիկյանը մասնակցել է ամբողջ հանդիպմանը։ «Օլիմպիան» 18 թիմի պայքարում 3-4-րդ հորիզոնականներն է բաժանում «Բելչատովի» հետ։

Ուկրաինայի Պրեմիեր լիգա, 11-րդ տուր․ «Վորսկլա» 0-2 «Արսենալ Կիև»․ Գեղամ Կադիմյանը հերթական անգամ չի ընդգրկվել իր թիմի հայտացուցակում։ «Վորսկլան» 12 թիմի պայքարում եզրափակում է լավագույն քառյակը։

Դանիայի Սուպերլիգա, 12-րդ տուր․ «Հոբրո» 3-2 «Նորդշելանդ»․ Էդգար Բաբայանը բացակայել է հայտացուցակից, քանի որ դեռ շարունակում է ապաքինվել վնասվածքից։ «Հոբրոն» զբաղեցնում է վերջին՝ 14-րդ հորիզոնականը։ Թիմն անցկացրած 12 մրցավեճում տոնել է ընդամենը 2 հաղթանակ՝ կրելով 7 պարտություն։

Գևգեոզյանի փայլուն գոլային փոխանցումը, Ադամյանն այս անգամ զարմանալիորեն «լռեց»․ Հայ ֆուտբոլիստներն՝ արտասահմանում (տեսանյութ)․ Հոկտեմբերի 6

Հետևե՛ք VNews.am-ին նաև Youtube-ում և Instagram-ում:


Մերոնք պարզապես «ռմբահարեցին» մրցակիցներին․ Հայ ֆուտբոլիստների ելույթներն արտերկրում վերջին օրերին

Օբամեյանգն ու Ազարը «պոպկորն են ուտում»՝ հետևելով ԱՊԼ-ի չեմպիոնական պայքարին (ծաղրանկար)

«Արսենալն» առանց Մխիթարյանի պարտվեց «Քրիստալ Փելասին» (տեսանյութ)

«Արսենալի» մեկնարկային կազմը «Քրիստալ Փելասի» դեմ խաղում

Էմերին՝ ռեկորդների մասին․ «Ցանկություն ունեմ «Արսենալի» հետ կարևոր տիտղոս նվաճել»

Էմերին ռեկորդային ցուցանիշ է գրանցել «Արսենալի» ղեկին անցկացրած առաջին 50 խաղերում

«Խաղից առաջ»․ Մխիթարյանը լուսանկար է հրապարակել «Արսենալի» վերջին մարզումից

«Արսենալի» վերջին մարզումը «Քրիստալ Փելասի» դեմ խաղից առաջ (ֆոտոշարք)

Արկադի Անդրեասյան․ «Լսել եմ՝ Գյուլբուդաղյանցին Մխիթարյանի ասելով են նշանակել հավաքականի մարզիչ» (տեսանյութ)

«Արսենալի» կիսապաշտպանի համար մրցաշրջանը համարյա ավարտված է

«Նապոլիի» դեմ խաղը հոբելյանական է եղել Մխիթարյանի համար

Հենրիխ Մխիթարյանը միացել է ռասիզմի դեմ հատուկ ակցիային (նկար)

Եղե՞լ է Հենոյի թիմակիցը, թե՞ ոչ. VNews-ի Quizz-ը

«Արդարացրեց իր փոփոխությունը». Հենրիխ Մխիթարյանի գնահատականները «Նապոլիի» դեմ խաղում

Էմերի. «Եվրոպա լիգայում հաղթանակը կարևոր է «Արսենալի» ու ինձ համար»

Հայտնի են Եվրոպա լիգայի կիսաեզրափակիչ հանդիպումների օրերը