fbpx

Որքանով էր տեղին Հայաստանի հավաքականի ղեկը վստահել Արմեն Գյուլբուդաղյանցին

Հայ երկրպագուների շուրթերին վերջին շրջանում ամեն օր պտտվում էին արտասահմանցի տարբեր մարզիչների անուններ՝ սկսած Դե Բիազիից, վերջացրած՝ Վան Մարվեյկով։ Բոլորի «պարտքն» էր դարձել ՀՖՖ-ին հուշելը, թե ում է պետք նշանակել ազգային հավաքականի գլխավոր մարզիչ։ Երկար տատանվելուց հետո այդ պաշտոնը վստահվել է ոչ իտալացու, ոչ էլ հոլանդացու, այլ հայ մասնագետի՝ հանձին Արմեն Գյուլբուդաղյանցի։

Իր խարիզմայով և ֆուտբոլի նկատմամբ մոտեցումով հայ բոլոր մարզիչներից տարբերվող մասնագետի՝ ազգայինը գլխավորելու շուրջ կարծիքները միանշանակ չեն։ Դա բնական է․ հայության մեջ միշտ գտնվում է մի զանգված, որն ամեն ինչից դժգոհ է՝ առանց երկար մտածելու այդ երևույթի շուրջ։ Եթե նույնիսկ, պատկերացնենք, մարզիչ նշանակվեր Ժոզե Մոուրինյոն, շատերը կասեին, թե նա վաղուց առաջվանը չէ, և ինչո՞ւ են ընտրանու ղեկը հանձնել այդ ինքնահավան և վաղուց սպառված (իրենց կարծիքով, իհարկե՝ խմբ․) պարոնին։

Ինչևէ։

Ինչո՞ւ այս պահին չհրավիրել արտասահմանցի մասնագետի

Հարցին պարզաբանում տվել է ՀՖՖ առաջին փոխնախագահ Արմեն Մելիքբեկյանը, բայց մինչ նրա հարցազրույցն էլ ամեն ինչ հասկանալի էր։ Բացի այն, որ բարձրակարգ մարզչի հրավիրելը թանկ հաճույք է, դրա համար պետք է լինի նաև համապատասխան ժամանակահատված։ Ինչպես Անդրեյ Տալալաևն էր ասել մի առիթով, մարզիչները հրաշագործ չեն։ Ոչ ոք չէր կարող ընդամենը 2 շաբաթում այնպես ծանոթանալ ֆուտբոլիստներին և պատրաստել հավաքականը, որ թիմը արժանապատիվ ելույթ ունենար Ազգերի լիգայում։

Այո՛, գուցե որոշ մասնագետներ համաձայնեին, բայց դա չափից դուրս ռիսկային կլիներ։ Բարձրակարգ մարզիչը չէր ցանկանա «ափալ-թափալ» աշխատանք տանել՝ առանց խորքից ուսումնասիրելու։ Իսկ սա 2010 թվականի Իսպանիայի հավաքականը չէ, երբ Լուիս Արագոնեսն իդեալական թիմ էր թողել Վիսենտե դել Բոսկեին, ու նրան մնում էր միայն չխանգարել այդ տղաներին խաղալ այն ֆուտբոլը, որ անգիր գիտեն։ Փոփոխությունների համար ժամանակ պետք կգար, որն այս պահին չկա։

Ինչո՞ւ հենց Արմեն Գյուլբուդաղյանցը

«Դրսից օգնությունը» բացառելուց հետո պետք էր տարբերակ գտնել Հայաստանում, ընտրել մարզչի, ով լավագույնս գիտի հավաքականի ֆուտբոլիստների պոտենցիալը։ Իսկ Գյուլբուդաղյանցն այդ առումով իդեալական տարբերակ է։ Այո՛, նա որպես մարզիչ ընդամենը մեկ անգամ է Հայաստանի չեմպիոն դարձել (2007 թվականին՝ «Փյունիկի» հետ), այո՛, նա լայն հանրության ուշադրության կենտրոնում չի հայտնվել, քանի որ, հայ որոշ մասնագետների պես, աղմկոտ ասուլիսներ կամ հարցազրույցներ չի տվել կամ ինքնագովազդով չի զբաղվել։

Սակայն նրա թիմերը միշտ ունենում են հստակ խաղաոճ, դավանում են կոմբինացիոն, կարգապահ ֆուտբոլ։ Բացի չեմպիոնությունը, նա համեստ «Իմպուլսով» հասել էր գավաթի եզրափակիչ։ Որոշ ժամանակահատված աշխատել է նաև Իրանում։ Եվ ամենակարևորը, Գյուլբուդաղյանցն իսկական հոգեբան է, մոտիվատոր, ինչը շատ կարևոր է հավաքականի մարզչի համար։ Մի օրինակ պատկերացում կազմելու համար՝ եթե Դուք խոհարար եք և մուսայի պակաս ունեք, Գյուլբուդաղյանցի հետ 5 րոպե խոսելուց հետո տրամադրված կլինեք պատրաստելու աշխարհի ամենահամեղ ուտեստը․․․

Նրա գլխավորած երիտասարդականը կռիվ էր տալիս մրցակիցներին ընտրական վերջին 2 խաղում, որոնք նախորդ ամիս են տեղի ունեցել։ Բունդեսլիգայի թիմերում հանդես եկող ավստրիացիները մի կերպ հաղթեցին մերոնց, որոնցից շատերը խաղային պրակտիկայի և այլ խնդիրներ ունեին, իսկ Մակեդոնիայի դեմ իսկական կռիվ տվեցինք։ 89-րդ րոպեի դրությամբ պարտվում էինք 1-3 հաշվով, բայց գրանցվեց ոչ-ոքի՝ 3-3։ Իսկ հիշեք ազգային հավաքականի խաղը Մակեդոնիայում․․․ առանց պայքարելու ցանկության։ Դա մարզչից է գալիս։ Գյուլբուդաղյանցն իրեն երբեք չի թույլ չի տա նստել պարտվելու ժամանակ, առավել ևս՝ ծիծաղել․․․

Հետևե՛ք VNews.am-ին նաև Youtube-ում, Instagram-ում և Telegram-ում:

1 2

Հայաստանի հավաքականի հավանական մեկնարկային կազմը Մակեդոնիայի ընտրանու հետ խաղում

Մկոյանը չկա. Հայաստանի հավաքականի հայտացուցակը Մակեդոնիայի հետ խաղում

Որոշվել է՝ ինչ մարզաշապիկներով են խաղալու դաշտ դուրս գալու Հայաստանի ու Մակեդոնիայի հավաքականները (լուսանկար)

Արժանապատիվ խաղի սպասումով․ հավաքականի մարզումը՝ տեսանյութով

Արթուր Վանեցյան․ «Ֆուտբոլասերներին խնդրում եմ լցվել համբերությամբ և վստահել մեզ» (տեսանյութ)

Փորձությանն ընդառաջ․ Հայաստանի հավաքականի վերջին մարզումը Մակեդոնիայի ընտրանու հետ խաղից առաջ․ VNews.am-ի ֆոտոշարքը

Արթուր Վանեցյանը զրույց է ունեցել Հայաստանի հավաքականի ֆուտբոլիստների հետ (լուսանկարներ)

«Մխիթարյանի և Մովսիսյանի միջև ոչ մի խնդիր չկա»․ Արմեն Գյուլբուդաղյանցի մամուլի ասուլիսը Մակեդոնիայի հավաքականի հետ խաղից առաջ (տեսանյութ)

Գևորգ Ղազարյան․ «Ցանկացած դժվարին իրավիճակից դուրս գալու միակ ճանապարհը միասնական լինելն է»

Արմեն Գյուլբուդաղյանցի ասուլիսը Մակեդոնիայի դեմ խաղից առաջ (ուղիղ եթեր)

Երևանյան «կռվին» ընդառաջ․ Մակեդոնիայի հավաքականի մարզումը «Հանրապետականում». VNews.am-ի ֆոտոշարքը

Իգոր Անգելովսկի․ «Հայաստանի հավաքականը մեզ հաղթելու մեծ շարժառիթ է ունենալու»

Գորան Պանդև․ «Սկոպյեյում հաղթեցինք Հայաստանի հավաքականին, քանի որ տակտիկապես լավ էինք պատրաստված»

Մխիթարյան VS Մովսիսյան, և հավաքականի ձախողման շուրջ մյուս մտքերը

Հոկտեմբերը «դաժան» ամիս է Հայաստանի հավաքականի համար

Յուրա Մովսիսյան. «Հավաքականում մթնոլորտն այն չէ, ինչ տարիներ առաջ էր» (տեսանյութ)