fbpx

Ով է Հայաստանի հավաքականի միակ լեգեոները, ում թիմն առաջատար է իր ազգային առաջնությունում

Եվ այսպես, ակումբային ֆուտբոլի մասին կրկին ժամանակավորապես մոռանում ենք։ Հերթը Հայաստանի ազգային հավաքականինն է։ Մեզ սպասվում է բախտորոշ 2 խաղ Ազգերի լիգայում։ Երևանում կմրցենք  Ջիբրալթարի (հոկտեմբերի 13) և Մակեդոնիայի (հոկտեմբերի 16) ընտրանիների հետ։

Նոր գլխավոր մարզիչ Արմեն Գյուլբուդաղյանցը հավաքական է հրավիրել 26 ֆուտբոլիստի, որոնց ուղիղ կեսը հանդես են գալիս արտերկրի թիմերում։ Փորձենք հասկանալ՝ ով-ինչ մարզավիճակով է ներկայացել հավաքական՝ ներկայացնելով նրանց ելույթներն ընտրանու նախորդ հավաքից հետո։

Սկսենք դարպասապահի դիրքից։ Այստեղ միակ լեգեոներն Արսեն Բեգլարյանն է։ Նա լատվիական «Լիեպայայի» հիմնական դարպասապահն է, մասնակցում է թիմի բոլոր հանդիպումներին։ Բեգլարյանն առաջնության վերջին 5 խաղից 4-ում անառիկ է պահել սեփական դարպասը։

Անցանք պաշտպանություն։ Եթե նախորդ հավաքին Վարազդատ Հարոյանը միացել էր խաղային պրակտիկայի իսպառ բացակայությամբ, ապա այս անգամ պատկերն այլ է։ Նա մասնակցել է ռուսական «Ուրալի» վերջին 5 խաղից 4-ին, նույնիսկ «Ռոստովի» հետ հանդիպմանը դարձել գոլի հեղինակ։ Դեռ ավելին, Հարոյանն «Ուրալի» ավագն էր գավաթային վերջին մրցավեճում։

Հովհաննես Համբարձումյան․ այս ֆուտբոլիստի դեպքում իրավիճակը փոքր-ինչ զավեշտալի է։ Նա Մակեդոնիա – Հայաստան դիմակայությունից հետո վերադարձել է իր ակումբ՝ Կիպրոսի «Ենոսիս», և հենց առաջին խաղում ստացել կարմիր քարտ։ Որակազրկման պատճառով բաց է թողել հաջորդ 2 հանդիպումը։ Նախորդ շաբաթ վերադարձել է շարք, ամբողջական խաղ անցկացրել և, խնդրե՛մ Հովհաննես, դու հավաքականում ես։

Կամո Հովհաննիսյանը վիրահատության պատճառով չէր մասնակցել հավաքականի նախորդ հավաքին։ Նրա հետ միասին անդրադառնանք նաև կիսապաշտպան Էդգար Մալաքյանին, քանի որ նրանք թիմակիցներ են ղազախական «Ժետիսուում»։ 2-ն էլ ունեն խաղային պրակտիկա։ Նրանք, կարելի է ասել, իրար փոխարինելով հայտնվում են մեկնարկային կազմում։ Լինում են հանդիպումներ, երբ երկուսն էլ հանդես են գալիս առաջին րոպեից։ Մեկ հանգամանք․ մարզիչը Հովհաննիսյանին օգտագործում է թե՛ պաշտպանությունում, թե՛ կիսապաշտպանությունում, ընդ որում՝ 2 եզրից էլ, իսկ Էդգարն, ի տարբերություն հավաքականի, այստեղ ոչ թե վինգեր է, այլ գործում է հարձակվողի թիկունքում։

Դե՛, Հենրիխ Մխիթարյանը խաղում է Անգլիայի առաջնությունում՝ հեղինակավոր «Արսենալում», ուստի անընդհատ՝ քնած, թե արթուն, բոլորիս ուշադրության կենտրոնում է։ Միայն նշենք, որ նա, բաց թողնելով «Քարաբախի» հետ Եվրոպա լիգայի հանդիպումը, ամբողջությամբ մասնակցել է Պրեմիեր լիգայի շրջանակում «Ֆուլհեմի» հետ կայացած վերջին խաղին։

Գևորգ Ղազարյան․ նա արևաշատ և գողտրիկ Պորտուգալիայում իրեն բավականին լավ է դրսևորում՝ հանդես գալով «Շավիշում»։ Ինչի՞ մասին է խոսքը, եթե նա տպավորիչ հարվածներով դուբլի հեղինակ է դարձել նույնիսկ եվրոպական մասշտաբներով հզոր ակումբ հանդիսացող «Բենֆիկայի» հետ խաղում։ Գևորգը դրան նախորդած հանդիպմանն էլ մեկ անգամ գրավել էր մրցակցի դարպասը, ուստի հիմա «Շավիշում» ամենաառանցքային դերակատարներից մեկն է։

Հետևե՛ք VNews.am-ին նաև Youtube-ում և Instagram-ում:

1 2

Արաս Օզբիլիսը 2019-ին առաջին անգամ ամբողջական խաղ է անցկացրել «Վիլլեմ II»-ում

«Արսենալի» նախկին ֆուտբոլիստ․ «Արսենալը» հիասթափություն է ապրել կապված Մխիթարյանի հետ»

Տիգրան Բարսեղյանն իր առաջին գոլն է խփել «Կայսարի» կազմում (տեսանյութ)

Մխիթարյանը տեսաուղերձով դիմել է CSI Talent Cup 2019 մրցաշարի մասնակիցներին (տեսանյութ)

«Հադերսֆիլդի» դեմ տպավորիչ վերադարձից հետո, այս խաղը հիասթափություն էր». Հենրիխ Մխիթարյանի խաղի գնահատականները

Արթուր Սարկիսովը հեթ-տրիկ է գրանցել ընկերական խաղում

ՊԱՇՏՈՆԱԿԱՆ․ Արսեն Բեգլարյանը հանդես կգա Բելառուսի բարձրագույն խմբում

«Մխիթարյանը «Յունայթեդում» իր առաջին տարում ավելի շատ բան արեց, քան Ալեքսիս Սանչեսը». M.E.N-ի լրագրող

«Արարատ-Արմենիան» հաղթել է «Ուրալին», Վարազդատ Հարոյանը մասնակցել է խաղին

«Տիգրան Բարսեղյանից կարծիք էին հարցրել իմ մասին»․ Դավիթ Մանոյանը՝ «Ռաբոտնիչկի» տեղափոխության մասին

Խինես Մելենդեսի մամուլի ասուլիսն ամբողջությամբ (տեսանյութ)

«Արսենալի» լեգենդը ասել է Ռեմսիի հեռանալու իրական պատճառը

Վարազդատ Հարոյանը փորձել է կրկնել Լիոնել Մեսիի ապշեցուցիչ հնարքը (տեսանյութ)

«Մխիթարյանն առավել քան տպավորիչ էր մոտ 2 ամիս բացակայելուց հետո»․ «Արսենալի» ֆուտբոլիստի խաղի գնահատականները

Դավիթ Արշակյանը խաղաց թե՛ Բարսեղյանի, թե՛ Մալաքյանի թիմերի դեմ՝ նաև դառնալով գոլի հեղինակ

Մխիթարյանն իր վերադարձի առթիվ հրապարակում է արել Facebook-ում