fbpx

Գավաթի խաղարկություն, «Արարատ-Արմենիա» – «Գանձասար-Կապան»․ Ամենահետաքրքիր տեղեկությունները

«ԱՐԱՐԱՏ-ԱՐՄԵՆԻԱ» – «ԳԱՆՁԱՍԱՐ-ԿԱՊԱՆ»

24 հոկտեմբերի, ժ.18:00, Երևան, «Հանրապետական» մարզադաշտ, Հայաստանի գավաթի խաղարկության 1/4 եզրափակիչ, առաջին հանդիպում

2 խաղ, որոնցում հաղթել է «Գանձասար-Կապանը», խփած և բաց թողած գոլերի հարաբերակցությունը՝ 0-7

Գավաթային երկրորդ դիմակայությունը՝ նոր կազմով

Երկրորդ տարին անընդմեջ «Արարատ-Արմենիան» ու «Գանձասար-Կապանը» մրցավեճի կբռնվեն գավաթի խաղարկությունում: Ինչպես հայտնի է, «Արարատ-Արմենիան» Առաջին խմբում հանդես եկող «Ավան Ակադեմիայի» իրավահաջորդն է: Նախորդ առաջնության գարնանային հատվածում թիմն անվանափոխվել և հանդես էր գալիս «Արարատ-Մոսկվա» անվանումով:

Իսկ մինչև անվանափոխությունը կայացավ «Ավան Ակադեմիայի» և «Գանձասար-Կապանի» քառորդ եզրափակիչ մրցավեճը: Թիմում հանդես եկող պատանի հայ ֆուտբոլիստներին չհաջողվեց լուրջ դիմադրություն ցույց տալ մրցակցին՝ երկու խաղերում սեփական դարպասը բաց թողնելով 7 անպատասխան գնդակ (0-3, 0-4):

Գավաթի ընթացիկ խաղարկությունում «Արարատ-Արմենիան» առանձնակի ջանքեր չներդրեց Առաջին խմբում հանդես եկող նորաստեղծ «Երևանի» արգելքը հաղթահարելու համար՝ նույնիսկ հանդես գալով ոչ մարտական կազմով: Այդ հանդիպումներին չմասնակցեց թիմի լավագույն ռմբարկու Իվայլո Դիմիտրովը: Փոխարենն աչքի ընկավ Անտոն Կոբյալկոն՝ երկու հանդիպումներում ընդհանուր առմամբ խփելով 5 գոլ և գլխավորելով գավաթի մրցաշարի լավագույն ռմբարկուների ցանկը:

1/8 եզրափակչի առաջին խաղում «Արարատ-Արմենիան» Վադիմ Սկրիպչենկոյի գլխավորությամբ հյուրընկալվելիս հաղթեց 4-1 հաշվով և գործնականում վճռեց գավաթային դիմակայության ելքը: Այդ խաղում Անտոն Կոբյալկոն հեթ-տրիքի հեղինակ դարձավ:

Պատասխան խաղում թիմի գլխավոր մարզչի պաշտոնում նորամուտը նշած Վարդան Մինասյանի գլխավորությամբ «Արարատ-Արմենիան» 5 անպատասխան գնդակ ուղարկեց «Երևանի» դարպասը:

Վարդան Մինասյանի գլխավորությամբ «Արարատ-Արմենիան»  զգալիորեն կարգավորել է իր խաղը և կփորձի հաղթահարել նաև գավաթի քառորդ եզրափակչի արգելքը:

«Գանձասար-Կապանը» սկսում է իր տիտղոսի պաշտպանությունը

Գործող գավաթակիրն իր տիտղոսի պաշտպանության դժվարին ճանապարհը սկսում է «Արարատ-Արմենիայի» հետ մրցավեճով: Ընթացիկ առաջնությունում մրցակիցների մրցավեճում գոլազուրկ ոչ-ոքի է գրանցվել:

«Գանձասար-Կապանը» 15-րդ անգամ է մեկնարկի դուրս գալիս գավաթի խաղարկություններում: Պատվավոր մրցանակի նախորդ խաղարկությունում վերջապես իրականացավ կապանցիների վաղեմի երազանքը: Գանձասարցիներն, Աշոտ Բարսեղյանի գլխավորությամբ եզրափակչում հետխաղյա 11մ հարվածների շնորհիվ հաղթելով «Ալաշկերտին», առաջին անգամ նվաճեցին Հայաստանի գավաթը:

Այդ հաջողությունում մեծ էր թիմի փորձառու դարպասապահ Գևորգ Կասպարովի ներդրումը, ով իրեն գերազանց դրսևորեց 11մ հարվածաշարի ժամանակ: Ի դեպ, եթե առաջիկա խաղում Կասպարովին վստահվի դարպասի պաշտպանությունը, ապա նա կնշի գավաթի մրցաշարերում 50-րդ խաղի հոբելյանը:

Առայժմ առաջնությունում գանձասարցիների գործերն այնքան էլ հաջող չեն ընթանում: 10 խաղում վաստակած 9 միավորով «Գանձասար-Կապանն» ընթանում է 7-րդ հորիզոնականում: Գուցե գավաթի մրցաշարում հաջող մեկնարկը ոգևորի գանձասարցիներին, և դա անդրադառնա առաջնությունում թիմի մրցելույթների վրա:

Ի դեպ, գավաթային մրցախաղից ընդամենը 3 օր անց մրցակիցները կրկին մրցավեճի են բռնվելու՝ այս անգամ ֆուտբոլի ակադեմիայի մարզադաշտում անցկացնելով առաջնության 13-րդ տուրի հանդիպումը:

Դիմակայության լավագույն ռմբարկուն՝

«Գանձասար-Կապան»՝ Գևորգ Նռանյան՝ 3 գոլ:

Հանդիպմանը չի մասնակցի նախորդ տուրում դաշտից հեռացված գանձասարցի Դավիթ Տերտերյանը:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Հայկական 8 ակումբ ՈՒԵՖԱ-ի արտոնագիր է ստացել

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Աբրահամ Խաշմանյան․ «Կիսաեզրափակիչում հայտնված թիմերից ում հետ էլ խաղայինք եզրափակիչում, շանսերը 50-50 էին լինելու» (տեսանյութ)

Վարդան Մինասյան․ «Ցավալի է, երբ 2 անգամ ոչ-ոքի ես խաղում և դուրս մնում պայքարից» (տեսանյութ)

Հայաստանի գավաթ. «Ալաշկերտը» ոչ-ոքի խաղաց «Արարատ-Արմենիայի» հետ և դուրս եկավ եզրափակիչ

Հայաստանի գավաթ. «Ալաշկերտ» – «Արարատ-Արմենիա». ուղիղ հեռարձակում (տեսանյութ)

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

«Արարատ-Արմենիայի» ֆուտբոլիստը ծանր վնասվածք է ստացել

Կարմիր քարտ և գոլ վերջին վայրկյաններին․ «Փյունիկը» հաղթանակ կորզեց «Գանձասար-Կապանի» դեմ խաղում (տեսանյութ)

«Գանձասար-Կապան» – «Փյունիկ»․ Մեկնարկային կազմեր, ուղիղ հեռարձակում (տեսանյութ)