fbpx

Հայաստանի գավաթ, «Փյունիկ» – «Լոռի»․ Ամենահետաքրքիր տեղեկությունները

«ՓՅՈՒՆԻԿ» – «ԼՈՌԻ»

25 հոկտեմբերի, ժ.18:00, Երևան, «Հանրապետական» մարզադաշտ, Հայաստանի գավաթի խաղարկության 1/4 եզրափակիչ, առաջին հանդիպում

Գավաթի մրցաշարում թիմերն առաջին անգամ են հանդիպելու

«Փյունիկը» պետք է շուտափույթ սթափվի

Հայաստանի գավաթի խաղարկությունների ամենատիտղոսակիր թիմը՝ պատվավոր մրցանակի ութակի դափնեկիր «Փյունիկը» 26-րդ անգամ է մեկնարկի դուրս գալու: Եվ հենց առաջին փուլում փյունիկցիներին բաժին է հասել բավական ուժեղ մրցակից, որը շատերի համար անսպասելիորեն տոն է տալիս Հայաստանի առաջնությունում՝ ստանձնելով առաջատարի դերը:

Ճիշտ է, «Փյունիկն» էլ առաջնությունում հաջող է հանդես գալիս՝ 19 միավորով ընթանալով 4-րդ տեղում: Սակայն վերջին հանդիպումներում «Փյունիկը» կտրուկ «արգելակեց», որի պատճառով կորցրեց առաջատարի իր դիրքը: Առաջնության վերջին 3 խաղերում Անդրեյ Տալալաևի սաներն ընդամենը մեկ միավոր վաստակեցին՝ նվազագույն հաշվով պարտվելով «Գանձասար-Կապանին» ու «Ալաշկերտին» և գոլազուրկ ոչ-ոքի խաղալով «Արարատ-Արմենիայի» հետ: Այդ խաղերում փյունիկցիներին չհաջողվեց գրավել մրցակիցների դարպասը:

Եթե «Փյունիկը» ցանկանում է շարունակել պայքարը չեմպիոնության համար, ապա պետք է շուտափույթ սթափվի: Եվ գավաթի առաջիկա հանդիպումը դրա համար լավագույն տարբերակն է:

«Լոռիի» հետ առաջին ծանոթությունը կայացել է առաջնության 7-րդ տուրում: Այդ խաղում «Փյունիկը» 0-3 խոշոր հաշվով պարտություն կրեց: Այնպես որ «Փյունիկը» կձգտի գավաթային մրցավեճում ռևանշի հասնել:

Գավաթի նախորդ 6 խաղարկություններում «Փյունիկը» 4 անգամ մտել է եզրափակիչ և 3 տարի անընդմեջ (2012/13-2014/15թթ.) նվաճել է պատվավոր մրցանակը: Գավաթի մրցաշարում վերջին հաջողությանը «Փյունիկը» հասել է Սարգիս Հովսեփյանի գլխավորությամբ, ով ի դեպ պատվավոր մրցանակի խաղարկություններում թիմի կազմում անցկացրած խաղերի քանակով (66) ռեկորդակիրն է:

«Լոռին» ձեռքբերածով չի բավարարվի

Առաջնության առաջատար «Լոռին» գավաթի խաղարկություններում նորամուտը նշեց Առաջին խմբի անվիճելի առաջատար «Յունիոր-Սևանի» նկատմամբ տոնած հաղթանակով՝ հյուրընկալվելիս մրցակցին պարտության մատնելով 3-2 հաշվով:

Թվում էր, թե գավաթային դիմակայության ելքը գործնականում վճռված է և պատասխան խաղում սեփական հարկի տակ «Լոռին» հաջորդ փուլի ուղեգիր նվաճելու հարցում ոչ մի խնդիր չի ունենա: Սակայն նորաստեղծ «Յունիոր-Սևանը» Վանաձորում լուրջ դիմադրություն ցույց տվեց և խաղի ընթացքում նույնիսկ հաշվի մեջ առջևում էր ընթանում: Հուրախություն վանաձորյան ակումբի երկրպագուների, «Լոռիին» հաջողվեց խուսափել պարտությունից և հաջորդ փուլի ուղեգիր նվաճել:

Իհարկե, քառորդ եզրափակչում «Լոռիին» անհամեմատ դժվարին պայքար է սպասվում մի թիմի հետ, որն առաջնությունում էլ վանաձորյան ակումբի գլխավոր մրցակիցներից մեկն է ոսկե մեդալների համար մղվող պայքարում:

Կասկածից վեր է, որ ֆուտբոլասերներն ականատես կդառնան գավաթային իսկական մրցավեճի: Իսկ «Լոռին» կներդնի բոլոր ուժերը քառորդ եզրափակիչ փուլն էլ հաջողությամբ հաղթահարելու համար:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Հայկական 8 ակումբ ՈՒԵՖԱ-ի արտոնագիր է ստացել

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Աբրահամ Խաշմանյան․ «Կիսաեզրափակիչում հայտնված թիմերից ում հետ էլ խաղայինք եզրափակիչում, շանսերը 50-50 էին լինելու» (տեսանյութ)

Վարդան Մինասյան․ «Ցավալի է, երբ 2 անգամ ոչ-ոքի ես խաղում և դուրս մնում պայքարից» (տեսանյութ)

Հայաստանի գավաթ. «Ալաշկերտը» ոչ-ոքի խաղաց «Արարատ-Արմենիայի» հետ և դուրս եկավ եզրափակիչ

Արթուր Պետրոսյան․ «Մեր ակումբի սեփականատերը գիտեր այս ամենի մասին, բայց ինձ ոչինչ չէր ասել»

«Բանանցը» տեխնիկական պարտություն կրեց, և «Լոռին» դուրս եկավ Հայաստանի գավաթի եզրափակիչ (տեսանյութ)

Հայաստանի գավաթ. «Ալաշկերտ» – «Արարատ-Արմենիա». ուղիղ հեռարձակում (տեսանյութ)

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

«Արարատ-Արմենիայի» ֆուտբոլիստը ծանր վնասվածք է ստացել