fbpx

«Արարատ-73». Փառքի երկու գագաթին. «Արարատը» նվաճեց նաև չեմպիոնական բարձունքը

Լրացավ հայկական ֆուտբոլի երբեմնի դրոշակակիր Երևանի «Արարատի» փառահեղ հաղթանակի 45-ամյակը: 1973թ. հայկական ֆուտբոլի տարեգրությունում մի նոր վառ ու անկրկնելի էջ գրվեց: «Արարատն» իսկական մարզական սխրանք գործեց՝ նվաճելով խորհրդային ֆուտբոլի ամենապատվավոր տիտղոսները՝ երկրի չեմպիոնի ոսկե մեդալներն ու բյուրեղապակյա գավաթը:

Ուղիղ 45 տարի առաջ այս օրն «Արարատը» «Զենիթի» նկատմամբ տոնած հաղթանակով պաշտոնապես գրանցեց իր չեմպիոնությունը՝ ավարտելով մրցաշրջան-73-ում գերազանց ելույթները:

VNews.am-ն էլ ավարտում է փառահեղ հաղթանակի 45-ամյակի կապակցությամբ մրցաշրջան-73-ում «Արարատի» ելույթների մասին պատմող հոդվածաշարի տպագրությունը, ինչն անկասկած հաճելի հուշեր արթնացրեց ֆուտբոլասերներից շատերի մոտ:

Մրցաշրջան-73-ի վերջին ակորդը «Հրազդանում»

«Արարատ»«Զենիթ»՝ 3-2 (1-0)

Երևան, 28 հոկտեմբերի, «Հրազդան» մարզադաշտ, 75 հազար հանդիսական:

Մրցավար՝ Գեորգի Բաքանիձե (Թբիլիսի):

«Արարատ» – Ալյոշա Աբրահամյան – 5, Սանասար Գևորգյան – 5 (Սերգեյ Բոնդարենկո, 70 – 5), Արմեն Սարգսյան – 5, Ալեքսանդր Կովալենկո – 5, Նորայր Մեսրոպյան – 5,  Արկադի Անդրեասյան – 5, Նազար Պետրոսյան – 5 (Սուրեն Մարտիրոսյան, 80 – 5), Լևոն Իշտոյան – 5, Էդուարդ Մարգարով – 5, Հովհաննես Զանազանյան – 5, Նիկոլայ Ղազարյան – 5:

«Զենիթ» – Վլադիմիր Պրոնին – 4, Ալեքսանդր Դերյոմով – 4, Միխայիլ Լոխով – 4, Վլադիմիր Գոլուբև – 4, Յուրի Զագումեննիխ – 4, Պավել Սադիրին – 4, Ալեքսեյ Ստրեպետով – 4, Վիկտոր Տրեմբաչ – 4, Ալեքսանդր Նիկոլաև – 4, Անատոլի Զինչենկո – 4, Վլադիմիր Ժիգունով – 4:

Գոլերը՝ Զանազանյան 27՛, Մարգարով 47՛, 59՛, Նիկոլաև 48,՛ Զինչենկո 52՛:

Հոկտեմբերի 28-ին «Արարատն» առաջնության ավարտական խաղն էր անցկացնելու «Հրազդանում»՝ հյուրընկալելով «Զենիթին»: Այդ օրը տեղի էին ունենալու առաջնության նախավերջին տուրի հանդիպումները, իսկ մրցաշարը եզրագիծը հատելու էր միայն նոյեմբերի 2-ին: Իսկ ահա «Արարատն» ու ԲԿՄԱ-ն առաջինն էին հատելու վերջնագիծը:

4 օր առաջ Մոսկվայում ԲԿՄԱ-ի նկատմամբ տոնած հաղթանակով «Արարատը» գործնականում լուծել էր չեմպիոնի տիտղոսի նվաճման հարցը՝ 3 միավորով գերազանցելով Կիևի «Դինամոյին»: Այնպես որ «Զենիթի» հետ խաղում արարատցիները պետք է պաշտոնապես գրանցեին իրենց չեմպիոնությունը:

Իհարկե, տեսականորեն Կիևի «Դինամոն» դեռ պահպանում էր չեմպիոն դառնալու հնարավորությունը: Դրա համար անհրաժեշտ էր, որ դինամոյականներն Ալմա Աթայում և Տաշքենդում հաղթեին մրցակիցներին, իսկ «Արարատն» էլ իր հերթին պարտվեր «Զենիթին»:

Հայ ֆուտբոլասերների համար դեպքերի նման ընթացքը ֆանտաստիկայի ժանրից էր: Ուստի նրանք ոսկե մեդալների նվաճման առիթով նորընծա չեմպիոններին ողջունելու և շնորհավորելու ակնկալիքով էին տեղ զբաղեցրել լեփ-լեցուն տրիբունաներում: Ֆուտբոլասերները մարզադաշտ էին եկել մասնակիցը դառնալու համաժողովրդական մեծ տոնախմբության, ականատես լինելու ֆուտբոլային ներկայացման:

Մինչև խաղը սկսվելը տրիբունաներում արդեն ուրախ և տոնական տրամադրություն էր տիրում, երաժշտություն էր թևածում: Մարզադաշտ էին եկել պարային մի քանի համույթներ: Այնպես որ բոլորը պատրաստվում էին նշելու մեծ հաղթանակը:

Արարատցիները խաղադաշտ մտան նորընծա չեմպիոնների կարգավիճակով

Ստացվեց այնպես, որ «Արարատը» հանդիպումը սկսեց արդեն նորընծա չեմպիոնի կարգավիճակով: Մինչև «Զենիթի» հետ խաղը սկսվելը հայտնի դարձավ, որ Կիևի «Դինամոն» Ալմա Աթայում 11մ հարվածներով պարտվել է «Կայրաթին», որին մարզում էր «Արարատի» նախկին մարզիչ Արտյոմ Ֆալյանը: Տեղեկանալով այդ մասին, Նիկիտա Սիմոնյանը խնդրել էր արարատցիներից գաղտնի պահել կիևցիների պարտության լուրը և միայն խաղավերջում այդ մասին հայտնել մարզադաշտի ռադիոհանգույցով:

Սակայն ուրախալի այդ լուրը դժվար էր գաղտնի պահել: Ֆուտբոլասերներից շատերը մարզադաշտ էին եկել ռադիոընդունիչներով և «Մայակ» ռադիոալիքով ունկնդրել էին «Կայրաթ»-«Դինամո» Կիև հանդիպման 2-րդ խաղակեսի ռադիոռեպորտաժը: Այնպես որ, դինամոյականների պարտության լուրն արագորեն տարածվեց տրիբունաներում ու հասանելի դարձավ նաև արարատցիներին՝ ցնծության ալիք առաջացնելով ֆուտբոլասերների մոտ:

Չնայած այդ ամենին, «Հրազդանում» հնչած վերջին ակորդը մեծ բավականություն պատճառեց ֆուտբոլասերներին: Երկու թիմերն էլ մարտականորեն էին տրամադրված: Նիկիտա Սիմոնյանը կրկին խաղադաշտ էր դուրս բերել 3 հարձակվողի, որոնց ակտիվորեն աջակցում էին կիսապաշտպանները:

Խաղասկիզբն անցավ փոխնիփոխ գրոհներով: Հյուրերը գրոհները հիմնականում կազմակերպում էին ձախ թևով, որտեղ հաճախակի հայտնվում էին Ժիգունովը կամ Նիկոլաևը: Սակայն առաջին վտանգավոր պահը ստեղծվեց հակադիր թևից: Հսկողությունից դուրս մնացած Ստրեպետովը մեն-մենակ հայտնվեց Աբրահամյանի դիմաց, սակայն շեղ հարվածեց:

Երկու րոպե անց հանդիպումը գերազանց անցկացրած Անդրեասյանը դարպասապահի դեմ դուրս բերեց Ղազարյանին, սակայն վերջինիս հարվածը մի փոքր բարձր ստացվեց:

Հետևե՛ք VNews.am-ին նաև Youtube-ում և Instagram-ում:

1 2

«Ռեալը» Չեմպիոնների լիգայի խմբային փուլում հզոր մրցակից կունենա

Եվրոպական առաջնությունների մրցանակակիրներն ու անհաջողակները

20 ակումբ ապահովել է իր տեղը Չեմպիոնների լիգայի գավաթի հաջորդ խաղարկության խմբային փուլում

Աբրահամ Խաշմանյանի յուրօրինակ հեթ-տրիկը հայկական ֆուտբոլում

«Զենիթը» դարձավ 12-րդ թիմը, որը հաստատեց իր տեղը Չեմպիոնների լիգայի հաջորդ մրցաշրջանի խմբային փուլում

«Զենիթի» ֆուտբոլիստները չեմպիոն դառնալու մասին իմացել են ինքնաթիռում գտնվելիս (տեսանյութ)

«Զենիթը»՝ Ռուսաստանի Պրեմիեր լիգայի չեմպիոն

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Արկադի Անդրեասյան․ «Լսել եմ՝ Գյուլբուդաղյանցին Մխիթարյանի ասելով են նշանակել հավաքականի մարզիչ» (տեսանյութ)

Արմեն Սարգսյանը իրականացրել է փոքրիկ Մանվելի երազանքն (լուսանկարներ, տեսանյութ)

Մխիթարյանը հանդիպել է ՀՀ նախագահ Արմեն Սարգսյանին և մարզաշապիկ նվիրել (լուսանկար)

Յովիչի հաղթական գոլն «Ինտերին» դուրս է թողնում պայքարից, «Վիլյառեալը» նույնպես քառորդ եզրափակիչում է (տեսանյութ)

Եվրոպա լիգա․ «Ինտերն» ու «Սևիլյան» ոչ-ոքի ավարտեցին իրենց հանդիպումները, այլ արդյունքներ

«Արսենալի» մրցակիցը հայտնի է. Կայացավ Եվրոպա լիգայի 1/8 եզրափակիչի վիճակահանությունը

Եվրոպա լիգայի 1/8 եզրափակիչ փուլի վիճակահանություն. Մասնակից 16 թիմերը

Երկրպագուների «բոցաշունչ» ընդունելությունը «Զենիթի» ֆուտբոլիստներին (տեսանյութ)