Գեղամի գերազանց ելույթը Ղազախստանում, Օզբիլիսը կրկին բացակայում էր (տեսանյութ) - VNews
Բաժիններ

Գեղամի գերազանց ելույթը Ղազախստանում, Օզբիլիսը կրկին բացակայում էր (տեսանյութ)

Հայ ֆուտբոլիստներն՝ արտասահմանում

Ֆուտբոլային աշխարհի հայազգի ներկայացուցիչների մասնակցությամբ վերջին ժամերին կայացած հանդիպումներում գրանցվել են այսպիսի արդյունքներ․

Անգլիայի Պրեմիեր լիգա, 11-րդ տուր․ «Արսենալ» 1-1 «Լիվերպուլ»․ Հենրիխ Մխիթարյանը եղել է մեկնարկային կազմում և փոխարինվել 68-րդ րոպեին։ «Արսենալը» 20 թիմի պայքարում զբաղեցնում է 5-րդ հորիզոնականը։

Ղազախստանի Պրեմիեր լիգա, 32-րդ տուր․ «Շախտյոր Կարագանդա» 2-1 «Տոբոլ»․ Գեղամ Հարությունյանն ամբողջական խաղ է անցկացրել և ղազախական թիմում խփել իր առաջին գոլը՝ մրցակցի դարպասը գրավելով 36-րդ րոպեին։ Նա 76-րդ րոպեին նաև մասնակցել է գոլային 2-րդ գրոհին։ Հարձակվողը 44-րդ րոպեին նաև դեղին քարտ է ստացել։ Գեղամի թիմակից Գևորգ Նաջարյանը նույնպես մասնակցել է ամբողջ մրցավեճին։ «Շախտյորը» 12 թիմի պայքարում 9-11-րդ տեղերն է կիսում «Իրտիշի» և «Կիզիլժարի» հետ։

Ղազախստանի Պրեմիեր լիգա, 32-րդ տուր․ «Կայսար» 1-0 «Ժետիսու»Կամո Հովհաննիսյանը մասնակցել է ամբողջ խաղին, իսկ նրա թիմակից Էդգար Մալաքյանը եղել է մեկնարկային կազմում ու փոխարինվել 73-րդ րոպեին։ «Ժետիսուն» զբաղեցնում է 7-րդ հորիզոնականը։

Կիպրոսի Բարձրագույն խումբ, 8-րդ տուր․ «Ենոսիս» 2-0 «Ալկի Օրոկլինի»․ Հովհաննես Համբարձումյանը մասնակցել է ամբողջ հանդիպմանը և 86-րդ րոպեին դարձել գոլային փոխանցման հեղինակ։ Սա «Ենոսիսի» ընդամենը 2-րդ հաղթանակն էր ընթացիկ առաջնությունում, ինչի շնորհիվ 12 թիմի պայքարում տեղ է զբաղեցնում 8-րդ հորիզոնականում։

Արգենտինայի Սուպերլիգա, 11-րդ տուր․ «Բելգրանո» 2-0 «Խիմնասիա Լա-Պլատա»Մաուրո Գևգեոզյանը եղել է հիմնական կազմում ու փոխարինվել 58-րդ րոպեին։ «Խիմնասիա Լա-Պլատան» 26 թիմի պայքարում 12-13-րդ հորիզոնականներն է կիսում «Էստուդիանտեսի» հետ։

Հոլանդիայի Էրեդեվիզե, 11-րդ տուր․ «Այաքս» 2-0 «Վիլլեմ II»Արաս Օզբիլիսը շարունակում է ապաքինվել վնասվածքից և տեղ չի գտել իր թիմի հայտացուցակում։ «Վիլլեմ II»-ը 18 թիմի պայքարում 13-15-րդ տեղերն է բաժանում «Սիտարդի» և «Գրաֆշապի» հետ։

Լեհաստանի 1-ին դիվիզիոն, 17-րդ տուր․ «Սանդեցյա» 1-1 «ԳԿՍ Յաստրզեբյե»․ Դավիթ Մանոյանը բացակայել է իր թիմի հայտացուցակից։ «Սանդեցյան» 18 թիմի պայքարում եզրափակում է լավագույն եռյակը՝ մրցաշարային աղյուսակի առաջատար «Ռակովից» հետ մնալով 8 միավոր։

Միացի՛ր հայկական ամենասպորտային Instagram-ին:

1 2

Պեդրոն կարող է դառնալ Մխիթարյանի թիմակիցը

Աղբյուր․ Հովհաննես Համբարձումյանը կհամալրի կիպրական ուժեղագույն թիմերից մեկի կազմը

«Օբամեյանգը չափազանց լավն է «Արսենալի» համար». Կարագեր

Մխիթարյանը և թիմակիցները ծնկի են եկել՝ հարգանքի տուրք մատուցելով Ջորջ Ֆլոյդի հիշատակին (լուսանկար)

«Ռոմայի» խաղերի ժամանակացույցն Ա Սերիայի մնացած տուրերում

Հայտնի է «Ռոմայի» առաջիկա հանդիպման ժամանակացույցը

Կոուտինյոյի գործակալ. «Նա ցանկանում է վերադառնալ Անգլիա»

Հենրիխ Մխիթարյանը լուսանկար է հրապարակել որդու հետ ու շնորհավորել հունիսի 1-ը

Վենգերը նախապես ցանկացել է Սանչեսի փոխարեն ստանալ ոչ թե Մխիթարյանին, այլ Մարսիալին

Մխիթարյանը ֆուտբոլի վերադարձի առիթով նոր խաղակոշիկներ է ներկայացրել

ԱՊԼ-ի պատմության 15 լավագույն կենտրոնական պաշտպաններն ըստ Squawka-ի

Մերսիսայդյան դերբին՝ Մանչեսթերու՞մ

Լակազետը Իտալիայում կարիերան շարունակելու տարբերակ ունի

Կոուտինյոն նախապատվություն է տալիս այդ առաջնություն տեղափոխությանը

Պրեմիեր լիգայի վերադարձի օրը որոշված է

Համացանցում հայտնվել են «Արսենալի» նոր մրցաշրջանի արտագնա մարզաշապիկի նկարները