fbpx

Ըստ արդյունքների՝ այս թիմերը շատ են «սիրում» միմյանց․ Ամենահետաքրքիրը՝ «Գանձասար-Կապան» – «Արարատ-Արմենիա» խաղին ընդառաջ

«ԳԱՆՁԱՍԱՐ-ԿԱՊԱՆ» – «ԱՐԱՐԱՏ-ԱՐՄԵՆԻԱ»

7 նոյեմբերի, ժ.18:00, Երևան, Ֆուտբոլի ակադեմիայի մարզադաշտ, Հայաստանի գավաթի խաղարկության 1/4 եզրափակիչ, պատասխան հանդիպում

3 խաղ«Գանձասար-Կապանը» հաղթել է 2 անգամ, «Արարատ-Արմենիան»՝ 0, գրանցվել է 1 ոչ-ոքի, խփած և բաց թողած գոլերի հարաբերակցությունը՝ 8-1

1/4 եզրափակիչ առաջին հանդիպում. 24.10.2018 «Արարատ-Արմենիա» 1-1 «Գանձասար-Կապան»
Գոլերը՝ 1-0՝ Չարլզ Մոնսալվո Պերալտա 14՛, 1-1՝ Գևորգ Նռանյան 63՛:

Հաջողության բանալին մրցակցի դարպասը գրավելն է

Գործող գավաթակիրն անչափ անհաջող է հանդես գալիս առաջնությունում՝ 13 խաղում վաստակած 10 միավորով ընթանալով 8-րդ հորիզոնականում: Վերջին 4 հանդիպումներում գանձասարցիներին ոչ մի կերպ չի հաջողվում գրավել մրցակիցների դարպասը: «Գանձասար-Կապանի» մոտ արդեն 402 րոպե գոլային երաշտ է:

Ահա այսպիսի տխուր ցուցանիշներով են գանձասարցիները խաղադաշտ դուրս գալու գավաթի քառորդ եզրափակիչ պատասխան խաղում և փորձելու են գոնե պատվավոր մրցանակի խաղարկությունում հաջող հանդես գալ: Իսկ հաջողության բանալին մրցակցի դարպասը գրավելն է, ինչը կապանցիներին ընթացիկ առաջնությունում շատ դժվարությամբ է տրվում: 13 հանդիպումներում գանձասարցիներն ընդամենը 9 գոլ են խփել:

Ճիշտ է, առաջին խաղում հյուրընկալվելիս գրանցված 1-1 հաշիվը որոշակի առավելություն «Գանձասար-Կապանին» տալիս է: Սակայն գոլազուրկ ոչ-ոքիի վրա հույս դնելը շատ վտանգավոր մարտավարություն կլինի գանձասարցիների համար: Չնայած մրցակիցների միջև առաջնությունում կայացած երկու խաղերում էլ գոլազուրկ ոչ-ոքի է գրանցվել:

«Գանձասար-Կապանը» 15-րդ անգամ է մեկնարկի դուրս եկել գավաթի խաղարկություններում: Պատվավոր մրցանակի նախորդ խաղարկությունում վերջապես իրականացավ կապանցիների վաղեմի երազանքը: Գանձասարցիներն, Աշոտ Բարսեղյանի գլխավորությամբ եզրափակչում հետխաղյա 11մ հարվածների շնորհիվ հաղթելով «Ալաշկերտին», առաջին անգամ նվաճեցին Հայաստանի գավաթը:

Այդ հաջողությունում մեծ էր թիմի փորձառու դարպասապահ Գևորգ Կասպարովի ներդրումը, ով իրեն գերազանց դրսևորեց 11մ հարվածաշարի ժամանակ: Ի դեպ, եթե առաջիկա խաղում Կասպարովին վստահվի դարպասի պաշտպանությունը, ապա նա կնշի գավաթի մրցաշարերում 50-րդ խաղի հոբելյանը:

Մինասյանի օրոք արդյունավետությունը կտրուկ նվազել է

Գավաթի ընթացիկ խաղարկությունում «Արարատ-Արմենիան» արդեն գրանցել է առաջին հաջողությունը: Թիմն առանձնակի ջանքեր չներդրեց Առաջին խմբում հանդես եկող նորաստեղծ «Երևանի» արգելքը հաղթահարելու համար՝ նույնիսկ հանդես գալով ոչ մարտական կազմով: Այդ հանդիպումներին չմասնակցեց թիմի լավագույն ռմբարկու Իվայլո Դիմիտրովը: Փոխարենն աչքի ընկավ Անտոն Կոբյալկոն՝ երկու հանդիպումներում ընդհանուր առմամբ խփելով 5 գոլ և գլխավորելով գավաթի մրցաշարի լավագույն ռմբարկուների ցանկը:

1/8 եզրափակչի առաջին խաղում «Արարատ-Արմենիան» Վադիմ Սկրիպչենկոյի գլխավորությամբ հյուրընկալվելիս հաղթեց 4-1 հաշվով և գործնականում վճռեց գավաթային դիմակայության ելքը: Այդ խաղում Անտոն Կոբյալկոն հեթ-տրիքի հեղինակ դարձավ:

Պատասխան խաղում թիմի գլխավոր մարզչի պաշտոնում նորամուտը նշած Վարդան Մինասյանի գլխավորությամբ «Արարատ-Արմենիան» 5 անպատասխան գնդակ ուղարկեց «Երևանի» դարպասը:

Վարդան Մինասյանի գլխավորությամբ «Արարատ-Արմենիան» զգալիորեն կարգավորել է իր խաղը և կփորձի հաղթահարել նաև գավաթի քառորդ եզրափակչի արգելքը: Սակայն նրա օրոք թիմում արդյունավետությունը զգալի անկում է ունեցել, փոխարենը հուսալի է գործում պաշտպանությունը: Մինասյանի գլխավորությամբ անցկացրած առաջնության 4 հանդիպումներում «Արարատ-Արմենիան» ընդամենը մեկ գոլ է խփել, սակայն սեփական դարպասն էլ ընդամենը մեկ գնդակ է ընդունել:

Եթե «Գանձասար-Կապանին» առաջիկա խաղում բավարարում է գոլազուրկ ոչ-ոքին, ապա «Արարատ-Արմենիայի» ֆուտբոլիստները պայքարը շարունակելու համար պետք է աչքի ընկնեն հարձակողական գործողություններով ու հաղթանակ տոնեն։ Նրանք հաջորդ փուլ դուրս կգան նաև արդյունավետ ոչ-ոքիի պարագայում՝ բացառությամբ 1-1 հաշվի, քանի որ այդ դեպքում դիմակայության հաղթողը կորոշվի լրացուցիչ ժամանակում։

Դիմակայության լավագույն ռմբարկուն՝

«Գանձասար-Կապան»՝ Գևորգ Նռանյան՝ 4 գոլ:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Հայկական 8 ակումբ ՈՒԵՖԱ-ի արտոնագիր է ստացել

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Աբրահամ Խաշմանյան․ «Կիսաեզրափակիչում հայտնված թիմերից ում հետ էլ խաղայինք եզրափակիչում, շանսերը 50-50 էին լինելու» (տեսանյութ)

Վարդան Մինասյան․ «Ցավալի է, երբ 2 անգամ ոչ-ոքի ես խաղում և դուրս մնում պայքարից» (տեսանյութ)

Հայաստանի գավաթ. «Ալաշկերտը» ոչ-ոքի խաղաց «Արարատ-Արմենիայի» հետ և դուրս եկավ եզրափակիչ

Հայաստանի գավաթ. «Ալաշկերտ» – «Արարատ-Արմենիա». ուղիղ հեռարձակում (տեսանյութ)

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

«Արարատ-Արմենիայի» ֆուտբոլիստը ծանր վնասվածք է ստացել

Կարմիր քարտ և գոլ վերջին վայրկյաններին․ «Փյունիկը» հաղթանակ կորզեց «Գանձասար-Կապանի» դեմ խաղում (տեսանյութ)

«Գանձասար-Կապան» – «Փյունիկ»․ Մեկնարկային կազմեր, ուղիղ հեռարձակում (տեսանյութ)