fbpx

Հայկական 3 թիմի դարպաս «կողպվել» է, իսկ Մուսոնդան այս օրը երբեք չի մոռանա

ԲԽ-ի 16-րդ տուրը՝ 10 փաստով

Առաջնության 16-րդ տուրի արդյունքները շատ նպաստավոր էին «Փյունիկի» համար, որը հաղթելով «Լոռիին» և օգտվելով «Բանանցի» հերթական «սայթաքումից», 27 միավորով բարձրացավ 2-րդ հորիզոնական: «Ալաշկերտը» թեև Արամ Ոսկանյանի օրոք առաջին միավորները կորցրեց, սակայն պահպանեց առաջատարի իր դիրքը:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1. Տուրն անցավ դաշտի տերերի առավելությամբ, որոնք տոնեցին 2 հաղթանակ, մեկ խաղ ավարտեցին ոչ-ոքի, մեկում պարտվեցին: Հյուրերից հաջողությունն ուղեկցեց միայն «Փյունիկին»: Առաջնությունում անցկացված 64 հանդիպումներում դաշտի տերերը 24 հաղթանակ են տոնել, հյուրերին հաջողությունն ուղեկցել է 22 անգամ, 18 խաղ ավարտվել է ոչ-ոքի:

4 խաղում ընդամենը 5 գոլ խփվեց: Առաջնության մեկնարկից անցկացված 64 հանդիպումներում 141 գոլ է խփվել: Միջին արդյունավետությունը կազմում է 2,2 գոլ մեկ խաղում:

2. «Արցախն» ընդհատեց «Ալաշկերտի» 6 անընդմեջ հաղթանակների շարքը, որոնցից 5-ը չեմպիոնը տարել էր Արամ Ոսկանյանի օրոք: Մինչ այդ, Ոսկանյանի գլխավորությամբ ընթացիկ մրցաշրջանի պաշտոնական 7 խաղերում էլ «Ալաշկերտը» հաղթել էր:

«Ալաշկերտին» առաջին անգամ չհաջողվեց հաղթել «Արցախին»: Մինչ այդ մրցակիցների միջև անցկացված պաշտոնական 5 հանդիպումներում էլ առավելության էին հասել ալաշկերտցիները գնդակների 18-2 ընդհանուր տարբերությամբ:

3. «Գանձասար-Կապանը» ոչ միայն ընդհատեց 417 րոպե տևած գոլային երաշտը, այլև ընթացիկ առաջնությունում խոշոր հաշվով 2-րդ հաղթանակը տոնեց՝ ընդհատելով առանց հաղթանակների 4 խաղերի շարքը: Խոշոր հաշվով առաջին հաղթանակը գանձասարցիները տոնել էին «Արարատի» նկատմամբ՝ 4-0:

«Գանձասար-Կապանին» վերջապես հաջողվեց հաղթել «Բանանցին», որի հետ անցկացրած առաջնության նախորդ 5 հանդիպումներում կրել էր 2 պարտություն, 3 խաղ ավարտել էր ոչ-ոքի:

4. «Փյունիկը» ռևանշի հասավ առաջին շրջանում «Լոռիից» կրած պարտության դիմաց՝ տոնելով առաջնությունում երկրորդ անընդմեջ հաղթանակն ու անպարտելի խաղերի թիվը հասցնելով 5-ի: Վերջին 3 խաղերում «Փյունիկի» դարպասն անառիկ է մնացել:

5. «Լոռին» առաջնության վերջին 3 խաղերում չի կարողանում հաղթանակ տոնել՝ կրելով 2 պարտություն: Ընթացիկ առաջնությունում 3-րդ անգամ վանաձորցիները դաշտից հեռացան առանց գոլ խփելու:

Հետևե՛ք VNews.am-ին նաև Youtube-ում և Instagram-ում:

1 2

«Փյունիկը» և «Լոռին» մեկական համալրումներ ունեն

Տրանսֆերային ձմեռ․ Բարձրագույն խմբի ակումբների ձեռքբերումները և կորուստները (թարմացվում է)

«Փյունիկի» փոքրիկ ֆուտբոլիստները ներկա են «Ատլետիկո»-«Յուվենտուս» խաղին (տեսանյութ)

Հայաստանի առաջնության լավագույն ռմբարկուն փորձաշրջան է անցնում Ղազախստանում

«Ալաշկերտը» համալրել է «Սպարտակի» և «Անժիի» նախկին հարձակվողը

«Արցախն» ընկերական խաղում պարտվել է վրացական թիմին

Թոփ-10. Հայաստանի առաջնություններում բոլորից շատ խաղ անցկացրած ֆուտբոլիստները

«Արցախն» ընկերական խաղում հաղթել է Թբիլիսիի «Գագրային»

«Արարատը» զիջեց չինական թիմին, «Շիրակը» 8 գնդակ ընդունեց, «Ալաշկերտի» առաջին պարտությունն այս փուլում

«Լոռին» հաղթել է ԲԿՄԱ-ի երիտասարդական թիմին

«Փյունիկը» և «Բանանցը» պարտվել են այլ երկրների չեմպիոնների, «Գանձասար-Կապանը» հաղթել է ուկրաինական թիմի (տեսանյութ)

«Արսենալը» ճշտում է՝ գիտե՞ք, թե որն է եղել Մխիթարյանի կարիերայի առաջին ակումբը

«Փյունիկի» պատանի ֆուտբոլիստները ներկա են «Ռեալ Մադրիդ» – «Ժիրոնա» խաղին (տեսանյութ)

Դենիս Տալալայը՝ Անդրեյ Տալալաևի գլխավորած «Փյունիկում»

«Բանանցն» ու «Արցախը» պարտություններ են կրել ընկերական խաղերում

«Բանանցը» հետաքրքրված է հարձակման գծի 2 երիտասարդ խաղացողների ծառայություններով