fbpx
Բաժիններ

Ավելի քան 2 տարի պահանջվեց պաշտոնական խաղում կրկին կամային հաղթանակ տոնելու համար

Ջիբրալթար - Հայաստան հանդիպումը՝ 10 փաստով

Հայաստանի հավաքականն Ազգերի լիգայի մրցաշարում 3-րդ հաղթանակը տոնեց՝ 6-2 խոշոր հաշվով պարտության մատնելով Ջիբրալթարի հավաքականին: Հանդիպման ամենաուշագրավ իրադարձությունները ներկայացնում ենք 10 փաստի տեսքով:

1․ Հայաստանի հավաքականը խոշոր հաշվով տոնած հաղթանակով նշեց 200-րդ խաղի հոբելյանը՝ ռևանշի հասնելով Ջիբրալթարի հավաքականից Երևանում կրած պարտության դիմաց: Այդ հաղթանակը 49-րդն էր մեր ընտրանու կենսագրությունում: Մյուս հանդիպումներից 41-ում գրանցվել է ոչ-ոքի, 110-ում մեր հավաքականը պարտվել է: Մեր ֆուտբոլիստները խփել են 198 գնդակ, սեփական դարպասը բաց են թողել 340 գոլ: Այնպես որ Լիխտենշտեյնի հավաքականի հետ կայանալիք խաղում ՀՀ հավաքականը կարող է երկու հաճելի հոբելյան նշել՝ 50-րդ հաղթանակն ու խփած 200-րդ գոլը:

2․ Հայաստանի հավաքականը խոշոր հաշվով 2-րդ անընդմեջ հաղթանակը տոնեց: Հիշեցնենք, որ ուղիղ մեկ ամիս առաջ մեր ընտրանին Երևանում 4 անպատասխան գնդակ էր ուղարկել Մակեդոնիայի հավաքականի դարպասը: ՀՀ հավաքականն իր պատմության մեջ խոշոր հաշվով 15-րդ հաղթանակը տոնեց: Դրանցից 6-ը գրանցվել է մրցակցի հարկի տակ, 2-ը՝ չեզոք դաշտում (Գվատեմալա՝ 7-1, Սալվադոր՝ 4-0):

Հյուրընկալվելիս ՀՀ հավաքականը միևնույն 3-0 հաշվով 3 անգամ (1999, 2005, 2011թթ.) հաղթել է Անդորրայի ընտրանուն, 4 անպատասխան գնդակ է խփել Սլովակիայի (2011թ.) և Դանիայի (2013թ.) հավաքականների դարպասը:

3․ Ջիբրալթար Հայաստան հանդիպումն ամենագոլառատն էր մեր հավաքականի պաշտոնական մրցումներում, որում 8 գոլ խփվեց: Գոլերի նման առատությամբ նախկինում աչքի է ընկել միայն 2016թ. մայիսի 28-ին Գվատեմալայի հավաքականի հետ ԱՄՆ-ում կայացած ընկերական հանդիպումը, որում մեր ընտրանին հաղթել էր 7-1 հաշվով:

Ընդամենը 1 ֆուտբոլիստ է գերազանցում Յուրա Մովսիսյանին միջին արդյունավետության այդ ցուցանիշով

Հայաստանի հավաքականին առաջին անգամ հաջողվեց մեկ խաղում 6 գոլ խփել: 6-2 հաշիվն էլ առաջին անգամ գրանցվեց ՀՀ հավաքականի հանդիպումներում:

4․ Խոշոր հաշվով շահած հանդիպումներում Հայաստանի հավաքականը մրցակիցների դարպասն ընդհանուր առմամբ 61 գնդակ է խփել, սեփականը բաց է թողել 5-ը: Ընդ որում առաջին անգամ այդ խաղերում մեր հավաքականը 2 գոլ բաց թողեց:

Այդ հանդիպումներում առավել արդյունավետ է գործել Հենրիխ Մխիթարյանը՝ խփելով 12 գնդակ: Յուրա Մովսիսյանն աչքի է ընկել 10 անգամ, 7 գնդակ էլ իր հաշվին է գրանցել Գևորգ Ղազարյանը:

Մխիթարյանի երկրպագու ջիբրալթարցիները և Հայաստանի հավաքականի երկրպագուները. ինչ էր կատարվում Ջիբրալթար – Հայաստան խաղից հետո (տեսանյութ)

5․ Հայաստանի հավաքականը կամային 6-րդ հաղթանակը տոնեց: Առաջինը գրանցվել էր 1995թ. սեպտեմբերի 6-ին Սկոպյեում Մակեդոնիայի հավաքականի հետ անցկացրած Եվրոպայի առաջնության ընտրական մրցախաղում (2-1), որում ՀՀ հավաքականին հաղթանակ պարգևեցին Ռազմիկ Գրիգորյանի և Արմեն Շահգելդյանի խփած գոլերը:

Հետագայում մեր ֆուտբոլիստները կամային հաղթանակներ են տոնել Բելառուսի (2008թ.՝ 2-1), Կանադայի (2012թ.՝ 3-1), Գվատեմալայի (2016թ.՝ 7-1) և Չեռնոգորիայի (2016թ.՝ 3-2) հավաքականների նկատմամբ: Այդ հանդիպումներից միայն Չեռնոգորիայի հավաքականի հետ խաղն է ընտրական բնույթ կրել: Ընդ որում այդ խաղում մեր հավաքականը պարտվում էր 0-2 հաշվով:

Կատարե՛ք խաղադրույք Հայաստանի հավաքականի խաղերի վրա:

Հետևե՛ք VNews.am-ին նաև Youtube-ում և Instagram-ում:

1 2

ՀՖՖ նախագահը հանդիպել է հավաքականի ֆուտբոլիստների և մարզչական շտաբի հետ (տեսանյութ)

Հայաստանի հավաքականի երրորդ մարզումը Հունաստանի ընտրանու դեմ խաղից առաջ (տեսանյութ, ֆոտոշարք)

Ինչ արդյունքներ են գրանցվել հավաքականի նախորդ գլխավոր մարզիչների նորամուտի խաղերում

Ֆոնսեկա. «Մխիթարյանի հետ «Ռոման» կճախրի»

Թվել թոփ հավաքականների լավագույն 5 ռմբարկուներին. VNews-ի Quiz-ը

Հայաստանի ազգային հավաքականի մարզումային երկրորդ օրվա ամփոփումը (տեսանյութ)

Հայաստանի հավաքականը ևս մեկ կարևոր կորուստ ունի առաջիկա խաղերից առաջ

Գևորգ Ղազարյանը նշել է հավաքականի 4 ֆուտբոլիստի, որոնց հետ խաղալն ամենահեշտն է եղել (տեսանյութ)

Աստղերը բացակայում են, 39-ամյա Կասպարովի վերադարձը․ Խաշմանյանի հրապարակած հայտացուցակի հետքերով

Աղբյուր․ Խաշմանյանը Մխիթարյանին հրավիրել է հավաքականին աջակցելու, սակայն Հենրիխը մերժել է

Հայտնի է Հայաստանի հավաքականի մարզչական շտաբը

Հայաստանի հավաքականն իր առաջին մարզումն է անցկացրել Աբրահամ Խաշմանյանի գլխավորությամբ (տեսանյութ, ֆոտոշարք)

Ֆոնսեկան նշել է Մխիթարյանի վերադարձի հստակ ժամկետը

Հայաստանի հավաքականի հավաքը՝ Հունաստանի դեմ խաղից առաջ (լուսանկարներ)

Աբրահամ Խաշմանյանի՝ վայրիվերումներով լի մարզչական ուղին

Էրիկ Վարդանյանը՝ «Սոչի» տեղափոխության, որակազրկման և «Լոկոմոտիվ» ձախողված տեղափոխության մասին