fbpx

Անդրեյ Տալալաև VS․ Աբրահամ Խաշմանյան․ Ամենահետաքրքիրը՝ «Փյունիկ» – «Արարատ» խաղին ընդառաջ

«ՓՅՈՒՆԻԿ»«ԱՐԱՐԱՏ»

25 նոյեմբերի, ժ.15:00, Երևան, «Հանրապետական» մարզադաշտ, 17-րդ տուր

76 խաղ, «Փյունիկը» հաղթել է 41 անգամ, «Արարատը»՝ 16, գրանցվել է 19 ոչ-ոքի, խփած և բաց թողած գոլերի հարաբերակցությունը՝ 133-62

1-ին շրջան. 16.09.2018 «Արարատ» 1-3 «Փյունիկ»
Գոլերը՝ 0-1` Պետրոս Ավետիսյան 7՛, 0-2` Մաքսիմ Տրուսևիչ 34՛, 1-2` Դմիտրի Մալյակա 38՛, 11մ, 1-3` Դենիս Վոյնով 51՛:

«Փյունիկը» կրկին վերագտնում է իր խաղը

«Փյունիկի» մոտ խաղային անկումը կարծես թե մնացել է անցյալում, և թիմը կրկին սկսել է հաջող մրցելույթներ ունենալ առաջնությունում: Համենայն դեպս, առաջնության վերջին երկու սկզբունքային հանդիպումներում «Բանանցի» և «Լոռիի» նկատմամբ «չոր» հաշվով տոնած հաղթանակներն այդ են վկայում:

Իսկ մինչ այդ Անդրեյ Տալալաևի սաներին 5 խաղ շարունակ չէր հաջողվում հաղթել՝ վաստակելով ընդամենը 3 միավոր: Միավորների այդ կորուստը թանկ նստեց «Փյունիկի» վրա, որը կորցրեց առաջատարի իր դիրքը:

Ճիշտ է, վերջին երկու խաղերում ունեցած հաջողությունների շնորհիվ «Փյունիկը» կարգավորեց մրցաշարային գործերը և ներկայումս 27 միավորով 2-րդ հորիզոնականում է:

Առաջնության հետնապահի հետ մրցավեճում «Փյունիկը», իհարկե, ֆավորիտն է, սակայն հաղթանակի հասնելու համար փյունիկցիները պետք է շատ ջանքեր գործադրեն: Փյունիկցիներին հաղթանակն անչափ անհրաժեշտ է «Ալաշկերտից» միավորների տարբերությունը կրկին 2-ի հասցնելու և 2-րդ հորիզոնականում ամրապնդվելու համար:

Հանդիպմանը չի մասնակցի 4-րդ զգուշացումը ստացած Արթուր Քարտաշյանը: Տեխնիկական գոտում չի գտնվի «Փյունիկի» մարզիչ Յուրի Նագայցևը, ով «Լոռիի» հետ խաղից հետո Ուդոհ Եթոպ Դեյվիդի նկատմամբ անվայել պահվածքի համար մեկ խաղով որակազրկվել է:

Կադրային խնդիրներ «Արարատում»

«Փյունիկի» հետ խաղում Աբրահամ Խաշմանյանը կազմի ընտրության հետ կապված լուրջ հիմնախնդիրներ ունի: Որակազրկման պատճառով հանդիպմանը չեն մասնակցի թիմի պաշտպաններ Վահե Չոփուրյանն ու Գոռ Պողոսյանը: Վերջինս նախորդ տուրում «Լոռիի» հետ հանդիպման ավելացված ժամանակում «Արարատին» փրկել էր պարտությունից:

«Արարատին» միավորները դժվարությամբ են տրվում: Առայժմ արարատցիներին ոչ մի կերպ չի հաջողվում լքել մրցաշարային աղյուսակի վերջին հորիզոնականը: Մինչև առաջնության աշնանային հատվածի ավարտը մնացած հանդիպումներում արարատցիները պետք է ձգտեն հնարավորինս լավ հանդես գալ, որպեսզի կարողանան կրճատել միավորների տարբերությունն աղյուսակի ստորին հորիզոնականներում գտնվող թիմերից:

Հետաքրքիր 5 փաստ՝ հանդիպմանն ընդառաջ

  • Նախորդ առաջնության 6-րդ շրջանի խաղում 3-1 հաշվով հաղթելով «Փյունիկին»՝ «Արարատն» ընդհատել էր ՀՀ առաջնություններում փյունիկցիների հետ հանդիպումներում առանց հաղթանակների 6 խաղերի շարքը, որում կրել էր 3 պարտություն, նույնքան խաղ ավարտել էր ոչ-ոքի:
  • 2009թ. հոկտեմբերից մինչև 2013թ. մայիսն ընկած ժամանակահատվածում ՀՀ առաջնություններում «Փյունիկի» հետ անցկացրած 11 հանդիպումներում էլ «Արարատը» պարտվել է, որից 3-ը՝ խոշոր հաշվով: Այդ խաղերից 8-ում արարատցիներին չի հաջողվել գրավել «Փյունիկի» դարպասը:
  • Արդեն 12 խաղ է, ինչ «Արարատը» չի վայելել հաղթանակի բերկրանքը՝ կրելով 8 պարտություն, 4 խաղ ավարտելով ոչ-ոքի: Միակ հաղթանակն արարատցիները տոնել են օգոստոսի 11-ին՝ 2-1 հաշվով առավելության հասնելով «Արարատ-Արմենիայի» նկատմամբ:

  • «Փյունիկի» դարպասապահ Անդրիա Դրագոևիչն արդեն 298 րոպե շարունակ դարպասն անառիկ է պահում: Վերջին գոլը նա բաց է թողել հոկտեմբերի 7-ին «Ալաշկերտի» հետ հանդիպման 62-րդ րոպեին:
  • Երկու թիմերում էլ ցածր են լավագույն ռմբարկուների ցուցանիշները: «Փյունիկում» 3-ական գոլի հեղինակ են դարձել Էրիկ Վարդանյանը, Մոհամեդ Կոնատեն և Մաքսիմ Ժեստոկովը: «Արարատում» առավել արդյունավետ են գործել Զավեն Բադոյանն ու Անդրանիկ Քոչարյանը, որոնք 2-ական գնդակ են խփել:

Դիմակայության լավագույն ռմբարկուները՝

«Փյունիկ»՝ Արսեն Ավետիսյան՝ 9 գոլ

«Արարատ»՝ Կարեն Բարսեղյան՝ 5 գոլ

Հավանական մեկնարկային կազմեր՝

«Փյունիկ»․ Անդրիա Դրագոևիչ – Սերոբ Գրիգորյան, Մաքսիմ Ժեստոկով, Մաքսիմ Տրուսևիչ, Արմեն Մանուչարյան – Վահագն Հայրապետյան, Ռումյան Հովսեփյան – Ալիկ Առաքելյան, Պետրոս Ավետիսյան, Ռոբերտ Հակոբյան – Ռուսլան Կորյան։

«Արարատ»․ Միխաիլ Պետրուշչենկով – Գարեգին Կիրակոսյան, Վարդան Արզոյան, Ռաֆայել Սաֆարյան, Վոլոդյա Սամսոնյան, Օրբելի Համբարձումյան – Դավիթ Ազին, Էնտոնի Տրայկոսկի, Ռուսլան Ավագյան – Զավեն Բադոյան, Անդրանիկ Քոչարյան։

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Հայկական 8 ակումբ ՈՒԵՖԱ-ի արտոնագիր է ստացել

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Աբրահամ Խաշմանյան․ «Կիսաեզրափակիչում հայտնված թիմերից ում հետ էլ խաղայինք եզրափակիչում, շանսերը 50-50 էին լինելու» (տեսանյութ)

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

Կարմիր քարտ և գոլ վերջին վայրկյաններին․ «Փյունիկը» հաղթանակ կորզեց «Գանձասար-Կապանի» դեմ խաղում (տեսանյութ)

«Գանձասար-Կապան» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

«Հայաստանից Տաջիկստան տեղափոխվելը հետքայլ չեմ համարում»․ Ռուսլան Կորյանը՝ նոր ակումբի և հավաքականի մասին

Տիգրան Եսայան․ «Նպատակն ամեն հանդիպմանը հաղթանակի համար խաղալը և վերջին տեղից խուսափելն է» (տեսանյութ)

Աբրահամ Խաշմանյան․ «Չգիտեմ՝ ինձնից առաջ ինչ մեկնարկային կազմ է եղել․ 3 օրում ինչ տեսել եմ, այդպես էլ կազմը որոշել եմ» (տեսանյութ)

Խաշմանյանի հաղթական վերադարձը․ «զոհը» նրա նախկին թիմն էր՝ «Արարատը» (տեսանյութ)

«Ալաշկերտ» – «Արարատ»․ Մեկնարկային կազմեր, ուղիղ հեռարձակում (տեսանյութ)