fbpx

Առաջին թիմը, որ կավարտի առաջնության աշնանային հատվածը․ Ամենահետաքրքիրը՝ «Արցախ» – «Շիրակ» խաղին ընդառաջ

«ԱՐՑԱԽ» – «ՇԻՐԱԿ»

28 նոյեմբերի, ժ.14:00, Երևան, ՄԶՀՀԿ ՊՈԱԿ (նախկին «Միկա») մարզադաշտ, 18-րդ տուր

1 խաղ, որում հաղթել է «Շիրակը», խփած և բաց թողած գոլերի հարաբերակցությունը՝ 0-3 

1-ին շրջան23.09.2018 «Շիրակ» 3-0 «Արցախ»
Գոլերը՝ 1-0՝ Պաբլո Կրուզ 18՛, 2-0՝ Հենրի Նդոնգ 20՛, 3-0՝ Կաբանգու Ջոնս 30՛:

Վերջին հանդիպումներում «Շիրակի» առաջընթացը տեսանելի է

Հանգամանքների բերումով «Շիրակը» 17-օրյա ընդմիջումից հետո է վերսկսում ելույթներն առաջնությունում՝ հյուրընկալվելով մի թիմի, որի նկատմամբ սեփական հարկի տակ տոնած հաղթանակն առաջինն էր ընթացիկ մրցաշրջանում: Իսկ մինչ այդ շիրակցիները մեկնարկային 7 հանդիպումներում ոչ մի կերպ չէին կարողանում առավելության հասնել մրցակիցների նկատմամբ:

«Արցախի» նկատմամբ տոնած հաղթանակը կարծես բեկումնային եղավ գյումրեցիների համար: Եթե մեկնարկային 7 հանդիպումներում «Շիրակն» ընդամենը 5 միավոր էր վաստակել, ապա հաջորդ 8 խաղերում թիմն իր օգտին 14 միավոր գրանցեց՝ տոնելով 4 հաղթանակ:

Ներկայումս «Շիրակը» 19 միավորով ընթանում է 6-րդ տեղում՝ ընդամենը մեկ միավորով հետ մնալով «Արարատ-Արմենիայից»:  Շիրակցիները զգալիորեն կարգավորել են իրենց խաղը, ֆուտբոլիստները բարելավել են ֆունկցիոնալ վիճակն ու խաղային որակները: Դա վերաբերում է նաև «Շիրակին» ավելի ուշ միացած Կարեն Մուրադյանին, Մուսա Փոլ Բակայոկոյին և Ժան-Ժակ Բուգուհիին:

«Շիրակի» խաղային առաջընթացը հատկապես տեսանելի դարձավ առաջնության վերջին 5 հանդիպումներում, որոնցում գյումրեցիները վաստակեցին 10 միավոր՝ հաղթելով «Արարատին», «Գանձասար-Կապանին» և «Արարատ-Արմենիային», նվազագույն հաշվով զիջելով միայն «Ալաշկերտին»:

Վարդան Բիչախչյանն իր սաների առջև խնդիր է դրել առաջնության աշնանային հատվածում հնարավորինս կրճատել միավորների տարբերությունն առաջատար քառյակից, որպեսզի գարնանը լավ նախադրյալներ ստեղծվեն պայքարելու մրցանակային տեղերի համար: Այդ առումով առաջիկա խաղում հաղթանակն անչափ կարևոր կլինի «Շիրակի» համար:

«Արցախն» արդեն զգում է «Արարատի» «շնչառությունը»

Թեև «Արցախն» առաջին շրջանում Գյումրիում պարտվել էր խոշոր հաշվով, սակայն ընթացիկ մրցաշրջանում շիրակցիների հետ գավաթային մրցավեճում հաջողության հասավ: 1/8 եզրափակչի առաջին խաղում սեփական հարկի տակ գոլազուրկ ոչ-ոքիից հետո արցախցիները շատերի համար անսպասելի Գյումրիում 3-1 հաշվով կամային հաղթանակ տոնեցին:

Մինչև առաջնության նախորդ տուրը, «Արցախը» վերջին 4 հանդիպումներում բավական հաջող էր հանդես եկել՝ վաստակելով 6 միավոր, սեփական դարպասը պահելով անառիկ: Սակայն 17-րդ տուրում «Արցախն» անհաջողության մատնվեց՝ զիջելով «Արարատ-Արմենիային»:

Նախորդ 4 հանդիպումներում դարպասն անառիկ պահած Արման Մելիքսեթյանին «Արարատ-Արմենիայի» հետ խաղում փոխարինել էր ազգանվանակիցը՝ Էրիկ Մելիքսեթյանը, ով նորամուտը նշեց Բարձրագույն խմբում: 18-ամյա դարպասապահի համար խաղն այնքան էլ հաջող չդասավորվեց: Նա 3 գոլ բաց թողեց, ընդ որում արդեն 32-րդ վայրկյանին առաջին գնդակը հանեց ցանցից:

Այս հանդիպումով «Արցախն» ավարտում է իր ելույթներն առաջնության աշնանային հատվածում: «Արցախը» 12 միավորով նախավերջին տեղում է և արդեն զգում է «Արարատի» «շնչառությունը»: Պարտության դեպքում արցախցիները կարող են հայտնվել հետնապահի դերում, ուստի ամեն ինչ պետք է անեն խաղադաշտից ձեռնունայն չհեռանալու համար:

4-րդ զգուշացման պատճառով հանդիպմանը չի մասնակցի արցախցի Հովհաննես Պողոսյանը:

Հավանական մեկնարկային կազմեր՝

«Արցախ»․ Էրիկ Մելիքսեթյան – Ալեքսանդր Տուպչիենկո, Արգիշտի Պետրոսյան, Գևորգ Պողոսյան, Վահագն Մինասյան, Կարեն Հարությունյան – Արթուր Գրիգորյան, Յուրի Գարեգինյան – Ակմալ Բախտիյարով, Էմիլ Եղիազարյան – Նորայր Գյոզալյան։

«Շիրակ»․ Վսևոլոդ Երմակով – Աղվան Դավոյան, Արամ Շախնազարյան, Արտյոմ Միքայելյան, Ժիրայր Մարգարյան – Խորեն Վերանյան, Կարեն Մուրադյան – Մուսա Փոլ Բակայոկո, Ժան-Ժակ Բուգուհի, Բունջամին Շաբանի – Կաբանգու Կադիմա Ջոնս։

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Հայաստանի Մ-19 հավաքականն ընկերական խաղում հաղթել է «Արցախին»

«Արարատ-Արմենիան» շանս չթողեց «Լոռիին», «Շիրակի» 13-րդ ոչ-ոքին (տեսանյութ)

«Արարատ-Արմենիա» – «Լոռի», «Շիրակ» – «Բանանց»․ Մեկնարկային կազմեր, ուղիղ հեռարձակումներ (տեսանյութ)

Խաշմանյանն ընդդեմ «Արարատի», նաև հերթական «ոսկե» խաղը․ Ամենահետաքրքիր փաստերը՝ ԲԽ-ի 28-րդ տուրին ընդառաջ

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 27-րդ տուրը

Սևադա Արզումանյան․ «Մենք ցանկանում ենք հարգանք ձեռք բերել առաջնության մյուս թիմերի կողմից» (տեսանյութ)

Վարդան Բիչախչյանը՝ «Շիրակի»՝ ոչ-ոքիներ այդքան հաճախ գրանցելու պատճառների և այլ թեմաների մասին (տեսանյութ)

Անմոռանալի օր Գեղամ Հարությունյանի և Վբեյմարի համար, «Արարատ-Արմենիայի» ռեկորդային ցուցանիշը

Երկուշաբթին խաղաղ էր Բարձրագույն խմբում. 2 հանդիպումներն էլ ավարտվեցին ոչ-ոքի արդյունքներով (տեսանյութ)

«Շիրակ» – «Արցախ»․ Մեկնարկային կազմեր, ուղիղ հեռարձակում (տեսանյութ)

Կկայանա 2 առաջատարների «ճակատամարտը»․ Ամենահետաքրքիր փաստերը՝ ԲԽ-ի 27-րդ տուրին ընդառաջ

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 26-րդ տուրը

Յուրահատուկ խաղ Արտակ Եդիգարյանի ու Վահագն Այվազյանի համար, իսկ Կոբյալկոն կրկին «կրակում» է

Պետրոս Ավետիսյանն ու Էրիկ Վարդանյանը զարդարեցին խաղային օրը. Բարձրագույն խմբի այսօրվա արդյունքներն ու գոլերը (տեսանյութ)

«Արարատ» – «Փյունիկ», «Արցախ» – «Արարատ Արմենիա». մեկնարկային կազմեր, ուղիղ հեռարձակումներ (տեսանյութ)

Կմրցեն երբեմնի սկզբունքային մրցակիցները՝ «Արարատն» ու «Փյունիկը»․ Ամենահետաքրքիր փաստերը՝ ԲԽ-ի 26-րդ տուրին ընդառաջ