fbpx

Մանասյանը շատ յուրահատուկ ռեկորդ կրկնեց, «Ալաշկերտի» դարպասի «կախարդանքը» վերացավ

ԲԽ-ի 18-րդ տուրը՝ 10 փաստով

18-րդ տուրի հանդիպումներով ավարտվեց առաջնության 2-րդ շրջանը: Առաջնության աշնանային հատվածի հաղթող «Ալաշկերտն» ավելի ամրապնդեց առաջատարի իր դիրքը, իսկ «Արարատ-Արմենիան» ու «Շիրակն» ընդհուպ մոտեցան առաջատար քառյակին:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ հյուրերի առավելությամբ, որոնք տոնեցին 3 հաղթանակ, մեկ խաղ ավարտեցին ոչ-ոքի: Դաշտի տերերից միակ միավորը վաստակեց «Լոռին»: Առաջնությունում անցկացված 72 հանդիպումներում դաշտի տերերը 27 հաղթանակ են տոնել, հյուրերին հաջողությունն ուղեկցել է 26 անգամ, 19 խաղ ավարտվել է ոչ-ոքի:

Ինչպես նախորդ տուրում, այս անգամ էլ խփվեց 8 գոլ: Առաջնության մեկնարկից անցկացված 72 հանդիպումներում 157 գոլ է խփվել: Միջին արդյունավետությունը կազմում է 2,18 գոլ մեկ խաղում:

2․ «Ալաշկերտը» շարունակեց իր անպարտելի խաղերի շարքը՝ այն հասցնելով 9-ի: Դրանցից 8-ը գրանցվել է Արամ Ոսկանյանի օրոք, որում չեմպիոնը 6 հաղթանակ է տոնել, 2-ն ավարտել է ոչ-ոքի:

3․ «Բանանցը» 4-րդ անընդմեջ պարտությունը կրեց՝ կրկին չգտնելով մրցակցի դարպասի բանալին: Արդեն 438 րոպե «Բանանցի» ֆուտբոլիստներին չի հաջողվում գոլ խփել՝ սեփական դարպասը բաց թողնելով 9 գնդակ: Իլշատ Ֆայզուլինի սաները խոշոր հաշվով 2-րդ պարտությունը կրեցին: Առաջինը գրանցվել էր «Գանձասար-Կապանի» հետ մրցախաղում: Վերջինս 3-րդ անընդմեջ հաղթանակը տոնեց՝ այդ հանդիպումներում խփելով 7 անպատասխան գնդակ: Մինչդեռ մինչ այդ անցկացրած 13 հանդիպումներում գանձասարցիներն ընդամենը 9 անգամ էին գրավել մրցակիցների դարպասը:

4․ «Ալաշկերտի» կազմում «Արարատի» դարպասը 17 անգամ գրաված Միհրան Մանասյանը «Գանձասար-Կապանում» էլ շարունակում է մնալ արարատցիների ահ ու սարսափը: Կապանցիների կազմում «Արարատի» դեմ անցկացրած երկրորդ խաղում էլ Մանասյանը գոլի հեղինակ դարձավ: «Արարատի» դարպասը Մանասյանը մեկ անգամ էլ խոցել էր դեռևս 2009թ. «Փյունիկում» հանդես գալիս: Այդ գոլը Բարձրագույն խմբում Մանասյանի առաջին գնդակն էր:

Այսպիսով, Մանասյանը 3 թիմի կազմում խաղալիս ՀՀ առաջնություններում ընդհանուր առմամբ 20 անգամ գրավել է «Արարատի» դարպասը: Նա կրկնեց ՀՀ առաջնություններում Նշան Էրզրումյանին պատկանող արդյունավետության ռեկորդը: Վերջինս «Կիլիկիայում» և «Արարատում» խաղալիս 20 անգամ գրավել էր «Շիրակի» դարպասը՝ յուրաքանչյուր թիմում աչքի ընկնելով 10-ական անգամ: Իսկ միևնույն թիմի կազմում մեկ թիմին խփած գոլերի քանակով յուրօրինակ ռեկորդակիրը նախկին շիրակցի Անդրանիկ Բարիկյանն է, ով 19 անգամ խոցել է «Արարատի» դարպասը:

Մանասյանն ընթացիկ առաջնությունում 5-րդ գոլը խփեց ու գլխավորեց «Գանձասար-Կապանի» լավագույն ռմբարկուների ցանկը: 29-ամյա Մանասյանի այդ արդյունքը կապանցիների համար արդյունավետության տարիքային նոր ռեկորդ է: Մինչ այդ 29 տարեկանում գանձասարցիներից առավել արդյունավետ էին գործել Էդգար Սաֆարյանը (2007թ.) և Սամվել Մելքոնյանը (2013թ.)՝ խփելով 4-ական գնդակ:

Հետևե՛ք VNews.am-ին նաև Youtube-ում և Instagram-ում:

1 2

ՊԱՇՏՈՆԱԿԱՆ. «Լոռի»-«Փյունիկ» հանդիպման հայտնի մրցավարը որակազրկվեց

Նման երևույթները պետք է անհապաղ արմատախիլ արվեն հայկական ֆուտբոլից. «Փյունիկի» պաշտոնական հայտարարությունը

Ընդամենը 2 թիմ է Գյումրիում հաղթել «Շիրակին», իսկ Դենիս Թումասյանն «Ալաշկերտի» ռեկորդակիրն է

Վահե Գևորգյան. «Արդյունքը արդարացի էր»

Ալեքսանդր Տարխանով. «Խաղի ելքը վճռեց մրցավարը, մենք բողոք ենք ներկայացնելու»

Դեսիրեն «Փյունիկին» գցում է չեմպիոնական գրաֆիկից՝ ոչ-ոքի Վանաձորում (տեսանյութ)

«Լոռի» – «Փյունիկ». մեկնարկային կազմեր և ուղիղ հեռարձակում

Մարզչական «մենամարտ»․ «Ալաշկերտ» – «Լոռի» հանդիպման մարտավարական վերլուծությունը (տեսանյութ)

Սևադա Արզումանյան․ «Բոլոր թիմերի համար էլ դժվար է խաղացանկի տեսանկյունից, բայց պետք է հարմարվել» (տեսանյութ)

Աբրահամ Խաշմանյան․ «Ես գոհ եմ մեր տարեց ֆուտբոլիստներից, բայց մեզ նաև երիտասարդներ են պետք» (տեսանյութ)

Դենիս Թումասյանի գոլն «Ալաշկերտին» փրկեց պարտությունից «Արցախի» հետ խաղում (տեսանյութ)

«Արարատ-Արմենիան» չհետևեց «Բանանցի» օրինակին և հաղթեց․ չեմպիոնական պայքարը շարունակվում է (տեսանյութ)

«Արցախ» – «Ալաշկերտ»․ Մեկնարկային կազմեր, ուղիղ հեռարձակում (տեսանյութ)

Ջևան Չելոյանց․ «Ծափահարում եմ Հայաստանի առաջնության խաղային օրացույցը կազմողներին»

«Շիրակ» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

Վարդան Մինասյան․ «Մխիթարյանը չպետք է մեկնի Բաքու»