fbpx

Մեր առաջնության «ամենաբարեհամբույր» մրցակիցները․ Ամենահետաքրքիրը՝ «Բանանց» – «Շիրակ» խաղին ընդառաջ

«ԲԱՆԱՆՑ» – «ՇԻՐԱԿ»

1 դեկտեմբերիժ.14:00, Երևան, «Բանանց-4» մարզադաշտ, 19-րդ տուր

76 խաղ, «Բանանցը» հաղթել է 33 անգամ, «Շիրակը»՝ 23, գրանցվել է 20 ոչ-ոքի, խփած և բաց թողած գոլերի հարաբերակցությունը՝ 121-72

1-ին շրջան. 04.08.2018 «Բանանց» 0-0 «Շիրակ» 

2-րդ շրջան. 29.09.2018 «Շիրակ» 0-0 «Բանանց» 

«Բանանցին» շտապ սթափվել է պետք

Դժվար թե որևէ մեկի մտքով անցներ, որ առաջնությունում գերազանց ելույթների շնորհիվ անպարտելի 9 խաղերի տպավորիչ շարքի հեղինակ «Բանանցը», որ այդ հանդիպումներում 8 հաղթանակ էր տոնել, անսպասելիորեն կկերպարանափոխվի ու հաջորդ 4 խաղերում խաղադաշտից ձեռնունայն կհեռանա:

Այդ հանդիպումներում «Բանանցին» ոչ միայն չհաջողվեց միավոր վաստակել, այլև գոնե մեկ գոլ խփել: Եվ դա այն դեպքում, որ «Բանանցն» առաջնության ամենաարդյունավետ թիմերից մեկն էր և նախորդ 12 հանդիպումներում 20 անգամ գրավել էր մրցակիցների դարպասը:

Ահա այսպիսին է «Բանանցի» համար ներկայիս դառը իրականությունը: Թիմի անխափան գործող մեխանիզմը վերջին 4 հանդիպումներում կարծես միանգամից խափանվեց: Իլշատ Ֆայզուլինի սաները, որ մինչ այդ ընդամենը 2 պարտություն էին կրել ու սեփական դարպասը 11 գնդակ էին ընդունել, 4 անընդմեջ պարտություն կրեցին, որից երկուսը՝ խոշոր հաշվով, սեփական դարպասն էլ 9 գոլ բաց թողեցին:

Այդ ամենը բացասաբար անդրադարձավ «Բանանցի» մրցաշարային վիճակի վրա: «Բանանցը» թեև եզրափակում է առաջատար եռյակը, սակայն արդեն զգում է իրեն հետապնդող թիմերի «շնչառությունը», իսկ առաջատար «Ալաշկերտին» արդեն զիջում է 7 միավորով: Այնպես որ ժամանակն է սթափվելու:

2-րդ շրջանում «Շիրակն» առաջադիմել է

Ի տարբերություն «Բանանցի», «Շիրակը» վերջին շրջանում աչքի է ընկնում հաջող մրցելույթներով և աստիճանաբար վերագտնում է իրեն բնորոշ խաղը: Վերջին 6 հանդիպումներում շիրակցիները 4 հաղթանակ են տոնել՝ զիջելով միայն «Ալաշկերտին»: Ընդ որում չեմպիոնի հետ մրցավեճում, ինչպես նաև «Փյունիկի» հետ ոչ-ոքի ավարտված խաղում «Շիրակը» գոլ էր բաց թողել ավելացված ժամանակում:

Եթե չլիներ այդ 3 միավորի կորուստը, ապա գյումրեցիները 25 միավորով լավագույն հնգյակում կգտնվեին և «Բանանցից» ընդամենը մեկ միավորով հետ կմնային: Իսկ առայժմ «Շիրակը» 22 միավորով ընթանում է 6-րդ տեղում:

Հաղթանակի դեպքում շիրակցիներն ընդհուպ կմոտենան առաջատար քառյակին, ինչը լավ նախադրյալներ կստեղծի գարնանը պայքարելու մրցանակային տեղերի համար:

Հետաքրքիր 5 փաստ՝ խաղին ընդառաջ

  • Մրցակիցների միջև կայացած առաջնության նախորդ 4 հանդիպումներն անցել են «Շիրակի» առավելությամբ, որը տոնել է 2 հաղթանակ, 2 խաղ ավարտել գոլազուրկ ոչ-ոքի: Ընդ որում «Բանանցին» չի հաջողվել գտնել «Շիրակի» դարպասի բանալին: Վերջին հաղթանակը շիրակցիների նկատմամբ «Բանանցը» տոնել է նախորդ առաջնության գարնանային հատվածի մեկնարկային տուրում՝ մարտի 4-ին Գյումրիում կայացած խաղում 3 անպատասխան գնդակ ուղարկելով մրցակցի դարպասը:
  • Առաջնության առաջին շրջանի համեմատ «Բանանցը» 2-րդ շրջանում 6 միավոր պակաս վաստակեց՝ տոնելով 3 հաղթանակ, 1 խաղ ավարտելով ոչ-ոքի, կրելով 4 պարտություն: «Բանանցի» ֆուտբոլիստները խփեցին 6 գնդակ, սեփական դարպասը բաց թողեցին 11-ը: «Բանանցն» արդեն 438 րոպե շարունակ չի կարողանում գտնել մրցակիցների դարպասի բանալին:
  • Իսկ ահա «Շիրակը» 2-րդ շրջանում զգալի առաջընթաց է ունեցել՝  6 միավոր ավելի վաստակելով: Գյումրեցիները տոնել են 4 հաղթանակ, 2 խաղ ավարտել են ոչ-ոքի, կրել են 2 պարտություն: Խփած և բաց թողած գնդակների տարբերությունն է՝ 7-5:

  • Առաջնության 16 հանդիպումներում «Բանանցի» կազմում ասպարեզ են դուրս եկել 21 ֆուտբոլիստներ, որոնցից 11-ը լեգեոնականներ են: Բոլոր խաղերին մասնակցել է միայն Իգոր Ստանոևիչը: Իսկ բոլորից արդյունավետ է գործել թիմի ավագ Վահագն Այվազյանը՝ խփելով 4 գնդակ:
  • Վարդան Բիչախչյանն առաջնության հանդիպումներում խաղադաշտ է դուրս բերել 20 ֆուտբոլիստների, որոնցից 10-ը լեգեոնականներ են: Բոլոր հանդիպումներին մասնակցել են դարպասապահ Վսևոլոդ Երմակովն ու Ժիրայր Մարգարյանը: Ընդ որում Երմակովը հանդես է եկել առանց փոխարինման, իսկ Մարգարյանն ընդամենը մեկ անգամ է փոխարինվել: Առավել արդյունավետ են գործել Պաբլո Կրուզը, Արամ Մուրադյանն ու Կաբանգու Կադիմա Ջոնսը, որոնց հաշվին 2-ական գոլ է գրանցված:

Դիմակայության լավագույն ռմբարկուները՝  

 «Բանանց»՝ Արամ Հակոբյան, Արսեն Բալաբեկյան՝ 8-ական գոլ:

 «Շիրակ»՝ Անդրանիկ Բարիկյան՝ 8 գոլ:

«Շիրակի» կազմում հանդիպմանը չի մասնակցի 4 դեղին քարտի արժանացած Արամ Շախնազարյանը:

Հավանական մեկնարկային կազմեր՝

«Բանանց»․ Արամ Հայրապետյան – Արթուր Ավագյան, Էդվարդ Կպոդո, Իլյա Գուլտյաև, Վահագն Այվազյան – Սոլոմոն Իմե Ուդո, Հակոբ Հակոբյան, Արամ Բարեղամյան – Վալմերսոն Գարսիա Պրայա, Իգոր Ստանոևիչ – Կարեն Մելքոնյան։

«Շիրակ»․ Վսևոլոդ Երմակով – Աղվան Դավոյան, Արտյոմ Միքայելյան, Ռաֆիկ Միսակյան, Ժիրայր Մարգարյան – Կարեն Մուրադյան, Մուսա Դիակիտե, Խորեն Վերանյան – Մուսա Փոլ Բակայոկո, Գեորգի Գոգիչաև – Ժան-Ժակ Բուգուհի։

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Հայկական 8 ակումբ ՈՒԵՖԱ-ի արտոնագիր է ստացել

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Սամվել Տեր-Սահակյանը միայն լրացուցիչ գործակիցներով զիջեց հաղթողին

Բանանց մարզադաշտի վերաբացումը կուղեկցվի համերգով և այլ անակնկալներով

Պաշտոնական. ՀՖՖ-ն պատժամիջոցներ կկիրառի «Բանանցի» նկատմամբ

Արթուր Պետրոսյան․ «Մեր ակումբի սեփականատերը գիտեր այս ամենի մասին, բայց ինձ ոչինչ չէր ասել»

«Բանանցը» տեխնիկական պարտություն կրեց, և «Լոռին» դուրս եկավ Հայաստանի գավաթի եզրափակիչ (տեսանյութ)

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

Հայաստանի գավաթի եզրափակիչը կկայանա «Բանանց» մարզադաշտում

Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

«Արարատ-Արմենիան» շանս չթողեց «Լոռիին», «Շիրակի» 13-րդ ոչ-ոքին (տեսանյութ)

«Արարատ-Արմենիա» – «Լոռի», «Շիրակ» – «Բանանց»․ Մեկնարկային կազմեր, ուղիղ հեռարձակումներ (տեսանյութ)

Խաշմանյանն ընդդեմ «Արարատի», նաև հերթական «ոսկե» խաղը․ Ամենահետաքրքիր փաստերը՝ ԲԽ-ի 28-րդ տուրին ընդառաջ

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 27-րդ տուրը

Սևադա Արզումանյան․ «Մենք ցանկանում ենք հարգանք ձեռք բերել առաջնության մյուս թիմերի կողմից» (տեսանյութ)