fbpx

Միակ թիմը, որին «Լոռին» առայժմ գոլ չի խփել․ Ամենահետաքրքիրը՝ «Լոռի» – «Արարատ-Արմենիա» խաղին ընդառաջ

«ԼՈՌԻ» «ԱՐԱՐԱՏ-ԱՐՄԵՆԻԱ»

1 դեկտեմբերիժ.14:00, Վանաձոր, Ֆուտբոլի ակադեմիայի մարզադաշտ, 19-րդ տուր

2 խաղ, որից մեկում հաղթել է «Արարատ-Արմենիան», մյուսում գրանցվել է ոչ-ոքի, խփած և բաց թողած գոլերի հարաբերակցությունը՝ 0-2

1-ին շրջան. 04.08.2018 «Լոռի» 0-2 «Արարատ-Արմենիա»
Գոլերը՝ 0-1՝ Իվայլո Դիմիտրով 67՛, 0-2՝ Հրայր Մկոյան 86՛, 11մ:

2-րդ շրջան. 29.09.2018 «Արարատ-Արմենիա» 0-0 «Լոռի» 

«Լոռին» դեռ չի գտել «Արարատ-Արմենիայի» դարպասի բանալին

«Արարատ-Արմենիան» միակ թիմն է, որի դարպասն ընթացիկ առաջնությունում «Լոռիին» դեռ չի հաջողվել գրավել: Կհաջողվի՞ այս անգամ վանաձորցիներին գտնել մրցակցի դարպասի բանալին, դժվար է գուշակել: Պատճառը վերջին հանդիպումներում «Լոռիի» ունեցած անչափ անհաջող ելույթներն են, որոնք վկայում են թիմում շարունակվող խաղային անկման մասին:

Արդեն 5 խաղ է, ինչ «Լոռիի» ֆուտբոլիստները չեն վայելել հաղթանակի բերկրանքը: Այդ խաղերում «Լոռին» միավորների քանակն ավելացրեց ընդամենը 2-ով, խփեց ընդամենը 4 գոլ, սեփական դարպասը բաց թողեց 9 գնդակ:

Նախորդ տուրում «Ալաշկերտի» հետ կայացած սկզբունքային խաղում էլ «Լոռին» ընդամենը մեկ միավոր վաստակեց 11մ հարվածով խփած գոլի շնորհիվ:

Բնականաբար, չեմպիոնության հավակնություններ ունեցող թիմի համար վերջին շրջանում գրանցված արդյունքներն անբավարար են: «Լոռին» այդ ամենի պատճառով ներկայումս արդեն 8 միավորով հետ է մնում առաջատար «Ալաշկերտից»: Իսկ մրցաշարային աղյուսակում հարևանությամբ գտնվող «Արարատ-Արմենիային» վանաձորյան ակումբը գերազանցում է ընդամենը 2 միավորով: Այնպես որ պարտության դեպքում «Լոռին» 4-րդ հորիզոնականը կզիջի «Արարատ-Արմենիային»:

Կասկած չկա, որ առաջնության աշնանային հատվածի ավարտական խաղում «Լոռին» ձգտելու է անպայման ընդհատել առանց հաղթանակների 5 խաղերի տխուր շարքը: Դա հնարավորություն կտա բարելավելու մրցաշարային վիճակը և արդեն գարնանը կրկին ներգրավվելու չեմպիոնական մրցավազքում:

Ֆուտբոլիստների նշանառությունը վերականգնվել է

«Արարատ-Արմենիան» ընթացիկ առաջնությունում 3-րդ անգամ է մրցելու «Լոռիի» հետ և կրկին՝ նոր մարզչի գլխավորությամբ: Առաջնության մեկնարկային տուրի խաղում թիմի ղեկին Վադիմ Սկրիպչենկոն էր: 2-րդ շրջանի հանդիպմանն «Արարատ-Արմենիան» նախապատրաստվել էր նոր մարզչի՝ Արտակ Օսեյանի գլխավորությամբ, ով ժամանակավորապես ստանձնել էր թիմի գլխավոր մարզչի պաշտոնը:

Վարդան Մինասյանի գլխավորությամբ «Արարատ-Արմենիան» վերելքով անցկացրեց առաջնության նախորդ երկու հանդիպումները՝ վստահ հաղթանակներ տոնելով «Արցախի» և «Բանանցի» նկատմամբ: Վերջապես  «Արարատ-Արմենիայի» ֆուտբոլիստներն աչքի ընկան արդյունավետ գրոհներով՝ երկու խաղերում ընդհանուր առմամբ խփելով 6 գնդակ: Թիմի բուլղարացի հարձակվող Իվայլո Դիմիտրովն էլ, «Արցախի» հետ խաղում դառնալով հեթ-տրիքի հեղինակ, 10 գնդակով գլխավորեց առաջնության լավագույն ռմբարկուների ցանկը:

Իսկ մինչ այդ, «Արարատ-Արմենիան» Վարդան Մինասյանի գլխավորությամբ 4 խաղ անընդմեջ ոչ միայն չէր կարողանում հաղթել, այլև գեթ մեկ գոլ չխփեց:

Վերջին երկու հանդիպումներում տոնած հաղթանակների շնորհիվ «Արարատ-Արմենիան» զգալիորեն բարելավեց մրցաշարային վիճակը: Մինասյանի սաները ներկայումս 23 միավորով 5-րդ հորիզոնականում են և «Լոռիին» հաղթելու դեպքում տեղ կզբաղեցնեն առաջատար քառյակում:

Այնպես որ առաջիկա հանդիպումը շատ կարևոր նշանակություն ունի նաև «Արարատ-Արմենիայի» համար: Իսկ դա խոստանում է անհաշտ մրցապայքար:

Հավանական մեկնարկային կազմեր՝

«Լոռի»․ Ալեքսանդր Կոնով – Դեու Դոսա Օլատունջի, Մուրադ Ասատրյան, Արտյոմ Խաչատուրով, Նանա Կվամե Անտվի – Ուգոչուկվու Իվու, Իբրահիմ Ֆուսեինի – Սանդի Ինուսա Ումարու, Իսահ Ալիյու, Վիգեն Ավետիսյան – Ստեֆան Աջումանի։

«Արարատ-Արմենիա»․ Դմիտրի Աբակումով – Սերխի Գոնսալես, Վլադիմիր Խոզին, Դմիտրի Գուզ, Գեորգի Պաշով – Արմեն Համբարձումյան, Ալեքսեյ Պուստոզյորով – Ջիովանի Մարտինես, Արմեն Նահապետյան – Իվայլո Դիմիտրով, Անտոն Կոբյալկո։

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են

Ալեքսանդր Կոնովը նոր պայմանագիր է կնքել «Լոռիի» հետ

Հերոս, որը վերածվեց Persona non grata-ի․ 5 «համեմունք», որ ավելի ախորժելի դարձրեցին Բարձրագույն խումբը

Որ թիմն է «ռեկորդակիր» Հայաստանում դեղին և կարմիր քարտերի ընդհանուր քանակով

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

Թոփ-4․ Լավագույն ֆուտբոլիստները Հայաստանի առաջնության 19-րդ տուրում (+խորհրդանշական հավաքական, քվեարկություն)

«Բանանցը» դուրս եկավ «կոմայից», «Ալաշկերտն» էլ «երկնքից ցած իջավ»

«Բանանցը» ջախջախեց «Շիրակին», «Լոռիի» ճգնաժամն ավելի ու ավելի է խորանում (տեսանյութ)

«Բանանց» – «Շիրակ», «Լոռի» – «Արարատ-Արմենիա»․ Մեկնարկային կազմեր, ուղիղ հեռարձակումներ (տեսանյութ)

Թոփ-4․ Լավագույն ֆուտբոլիստները Հայաստանի առաջնության 18-րդ տուրում (+խորհրդանշական հավաքական, քվեարկություն)

Մանասյանը շատ յուրահատուկ ռեկորդ կրկնեց, «Ալաշկերտի» դարպասի «կախարդանքը» վերացավ

Բարձրագույն խումբ․ Մարզիչների մեկնաբանություններն այսօրվա հանդիպումներից հետո (տեսանյութ)

Տուրի կենտրոնական խաղը Վանաձորում, «Բանանցի» ճգնաժամը, կապանյան թիմի հաղթանակը (տեսանյութ)

Միաժամանակ 4 հանդիպում ԲԽ-ում․ Մեկնարկային կազմեր և ուղիղ հեռարձակումներ (տեսանյութ)

2018-ին մնացած խաղերից ամենակենտրոնականը․ Ամենահետաքրքիրը՝ «Լոռի» – «Ալաշկերտ» խաղին ընդառաջ

«Բանանցը» կփորձի անել այն, ինչ չի արել վերջին 3 խաղում․ Ամենահետաքրքիրը՝ «Բանանց» – «Արարատ-Արմենիա» խաղին ընդառաջ