fbpx
Բաժիններ

«Արարատի» մղձավանջային վիճակագրությունն ընդդեմ «Ալաշկերտի»․ Ամենահետաքրքիրը՝ «Արարատ» – «Ալաշկերտ» խաղին ընդառաջ

«ԱՐԱՐԱՏ» – «ԱԼԱՇԿԵՐՏ»

2 դեկտեմբերի, ժ.14:00, Երևան, «Նաիրի» մարզադաշտ, 19-րդ տուր

26 խաղ«Արարատը» հաղթել է 6 անգամ, «Ալաշկերտը»՝ 16, գրանցվել է 4 ոչ-ոքի, խփած և բաց թողած գոլերի հարաբերակցությունը՝ 31- 45

1-ին շրջան. 05.08.2018 «Արարատ» 0-1 «Ալաշկերտ»
Գոլը՝ Դանիել Ստոյկովիչ 58՛:

2-րդ շրջան. 30.09.2018 «Ալաշկերտ» 2-1 «Արարատ»
Գոլերը՝ 1-0՝ Ուրոշ Նենադովիչ 25՛, 1-1՝ Անդրանիկ Քոչարյան 67՛, 2-1՝ Ուրոշ Նենադովիչ 78՛:

Սարսափելի վիճակագրությունը շտկելու ևս մեկ փորձ

«Արարատի» համար առաջնության աշնանային հատվածի ավարտական խաղը վերջին հնարավորությունն է մրցաշարի առաջին կեսում վերջապես լքելու 9-րդ հորիզոնականը: Դրա համար արարատցիներին անհրաժեշտ է հաղթել չեմպիոնին: Սակայն հաշվի առնելով թիմերի ներկայիս խաղամակարդակների տարբերությունն ու «Ալաշկերտի» հետ հանդիպումներում «Արարատի» սարսափելի վատ վիճակագրությունը՝ հաղթանակ տոնելը շատ դժվար կլինի:

Սակայն պետք է հաշվի առնել Աբրահամ Խաշմանյանի գործոնը: Նա շատ լավ ծանոթ է իր նախկին սաների խաղային ունակություններին և կփորձի չեմպիոնի գործողություններին հակախաղ գտնել: Մնում է, որ արարատցիները հստակ կատարեն իրենց մարզչի ցուցումները և խաղադաշտում իրականացնեն նրա մտահղացումները:

Ճիշտ է, Աբրահամ Խաշմանյանը բազմիցս է նշել, որ թիմի ներկայիս կազմով արվում է առավելագույնը, ինչին ֆուտբոլիստներն ընդունակ են: Ամեն դեպքում վերջին հանդիպումներում «Արարատի» խաղում որոշակի դրական տեղաշարժ նկատվում է:

Հետաքրքիր է, որ հենց «Ալաշկերտի» հետ առաջնության 2-րդ շրջանի հանդիպումից հետո պաշտոնանկ արվեց թիմի նախկին գլխավոր մարզիչ Արմեն Ստեփանյանը: Այնպես որ Աբրահամ Խաշմանյանն «Արարատի» գլխավոր մարզչի պաշտոնում իր նախկին սաների հետ առաջին անգամ է մրցավեճի բռնվելու: Գուցե հենց Խաշմանյանի գլխավորությամբ արարատցիներին վերջապես հաջողվի ընդհատել «Ալաշկերտի» հետ հանդիպումներում 13 անընդմեջ պարտությունների տխուր շարքը:

Չեմպիոնն առաջատարի դիրքն ամրապնդելու լավ հնարավորություն ունի

Իսկ ահա Արամ Ոսկանյանը հենց «Արարատի» հետ առաջնության 2-րդ շրջանի խաղում էր ստանձնել «Ալաշկերտի» գլխավոր մարզչի պաշտոնը՝ նորամուտը նշելով հաղթանակով: Ի դեպ, այդ խաղը Ոսկանյանի օրոք առայժմ միակ հանդիպումն է, որում ալաշկերտցիները մեկից ավելի գոլեր են խփել:

Մնացած 7 հանդիպումներից 5-ում չեմպիոնը հաղթել է նվազագույն հաշվով, 2-ում գրանցվել է ոչ-ոքի: Ընդ որում միայն «Արցախին» է հաջողվել սեփական դարպասն անառիկ պահել ալաշկերտցիների հարվածներից:

Դեռևս առաջնության աշնանային հատվածի ավարտից երկու տուր առաջ էր «Ալաշկերտն» ապահովել ձմեռային չեմպիոնի տիտղոսը՝ խաղից-խաղ ավելացնելով միավորների տարբերությունը մոտակա հետապնդողներից: 19-րդ տուրից առաջ «Ալաշկերտը»  6 միավորով գերազանցում էր 2-րդ տեղում ընթացող «Փյունիկին»:

«Շիրակի» նկատմամբ «Բանանցի» հաղթանակից հետո ներկայումս Իլշատ Ֆայզուլինի թիմից «Ալաշկերտը» 4 միավորով է առաջ: Անշուշտ, «Արարատի» հետ խաղում ալաշկերտցիները ձգտելու են անպայման հաղթանակ տոնել և ավելի ամրապնդել առաջատարի իրենց անսասան դիրքը:

«Ալաշկերտը» խզել է պայմանագրերն Արտյոմ Սիմոնյանի և Սեզար Ռոմերոյի հետ: Անկասկած, ձմռան տրանսֆերային շրջանում թիմում այլ փոփոխություններ ևս կլինեն:

Հետաքրքիր 5 փաստ՝ խաղին ընդառաջ

  • Վերջին տարիներին «Ալաշկերտն» «Արարատի» ամենաանհարմար մրցակիցն է ՀՀ առաջնություններում: Մրցակիցների միջև կայացած առաջնության նախորդ 13 հանդիպումներն էլ ավարտվել են ալաշկերտցիների օգտին: Վերջին անգամ «Արարատը»  չեմպիոնին հաղթել է 2016/17թթ. առաջնության առաջին շրջանի խաղում՝ 2016թ. սեպտեմբերի 10-ին հյուրընկալվելիս առավելության հասնելով 3-1 հաշվով:

  • ՀՀ առաջնություններում մրցակիցների դիմակայության սկզբում առավելությունն «Արարատի» կողմն էր, որը 2013/14թթ. առաջնության 4 հանդիպումներից 3-ում հաղթել էր «չոր» հաշվով, մեկն ավարտել էր գոլազուրկ ոչ-ոքի: Միայն հաջորդ առաջնության մեկնարկային տուրում ալաշկերտցիներին (Արարատ Առաքելյան) հաջողվեց վերջապես խոցել «Արարատի» դարպասն ու անդրանիկ հաղթանակը տոնել (3-2):
  • Նախորդ մրցաշրջանում էլ 16 խաղից հետո «Ալաշկերտը» գլխավորում էր մրցաշարային աղյուսակը, սակայն 3 միավոր պակաս էր վաստակել, քան ներկայումս: Լավագույն արդյունքն «Ալաշկերտը» ցույց է տվել 2015/16թթ. առաջնությունում՝ Աբրահամ Խաշմանյանի գլխավորությամբ անցկացրած 16 հանդիպումներում վաստակելով 35 միավոր:

  • Առաջնության 2-րդ շրջանում «Ալաշկերտն» Արամ Ոսկանյանի գլխավորությամբ վաստակեց 20 միավոր, ինչը 7-ով գերազանցում է առաջին շրջանում թիմի գրանցած արդյունքը: «Ալաշկերտի» կազմում առաջնության հանդիպումներին մասնակցել են 24 ֆուտբոլիստներ, որոնցից 11-ը լեգեոնականներ են: Բոլոր 16 հանդիպումներին մասնակցել են Օգնեն Չանչարևիչը, Դանիել Ստոյկովիչը և Արտակ Եդիգարյանը: Ընդ որում սերբ դարպասապահը հանդես է եկել առանց փոխարինման: 5 գնդակով թիմի լավագույն ռմբարկուն Ուրոշ Նենադովիչն է:
  • «Արարատն» առաջնության առաջին և երկրորդ շրջաններում ցույց տվեց միևնույն արդյունքը՝ վաստակելով 5-ական միավոր: Խաղադաշտ դուրս եկած 25 ֆուտբոլիստներից 11-ը լեգեոնականներ են, որոնցից միայն 5-ն են մնացել թիմում: Բոլոր խաղերին մասնակցել են Վարդան Արզոյանը, Գարեգին Կիրակոսյանը, Ռաֆայել Սաֆարյանն ու Անդրանիկ Քոչարյանը: Ընդ որում Վարդան Արզոյանը հանդես է եկել առանց փոխարինման: Առավել արդյունավետ է գործել Անդրանիկ Քոչարյանը՝ խփելով 3 գնդակ:

Դիմակայության լավագույն ռմբարկուները՝

«Արարատ»՝ Ալեքսանդր Ռակիչ՝ 6 գոլ:

«Ալաշկերտ»՝ Միհրան Մանասյան՝ 17 գոլ:

4-րդ զգուշացման պատճառով հանդիպումը բաց կթողնի Մլադեն Զելկովիչը, ով «Լոռիի» հետ խաղում բացել էր գոլերի հաշիվը ՀՀ առաջնությունում՝ դառնալով «Ալաշկերտում» Բարձրագույն խմբում գոլ խփած ամենատարեց լեգեոնականը:

Հավանական մեկնարկային կազմեր՝

«Արարատ»․ Միխաիլ Պետրուշչենկով – Գարեգին Կիրակոսյան, Վարդան Արզոյան, Վահե Չոփուրյան, Ռաֆայել Սաֆարյան, Օրբելի Համբարձումյան – Դավիթ Ազին, Էնտոնի Տրայկոսկի, Ռուսլան Ավագյան – Զավեն Բադոյան, Անդրանիկ Քոչարյան։

«Ալաշկերտ»․ Օգնեն Չանչարևիչ – Գագիկ Դաղբաշյան, Դանիել Ստոյկովիչ, Տարոն Ոսկանյան, Հրայր Մկոյան – Արտակ Գրիգորյան, Արթուր Եդիգարյան, Արտակ Դաշյան – Ղուկաս Պողոսյան, Գուստավո Մարմենտինի – Էդգար Մանուչարյան։

Աշոտ Հայրապետյան

Միացի՛ր հայկական ամենասպորտային Instagram-ին:


«Գանձասար-Կապանից» հեռացել է 6 ֆուտբոլիստ

Բարձրագույն խմբի 15-րդ տուրի խորհրդանշական հավաքականը և լավագույն ֆուտբոլիստը

«Գանձասար-Կապանից» շուրջ 2,5 տարի պահանջվեց «Շիրակին» ԲԽ-ում հաղթելու համար

«Գանձասար-Կապանը» կրկին հաղթեց «Շիրակին», «Նոան» էլ հերթական անգամ ուժեղ գտնվեց «Արարատից» (տեսանյութ)

Արմեն Ադամյան․ «Պետք է համալրվենք կոնկրետ դիրքերի 5 ֆուտբոլիստներով»

Սուրեն Չախալյան․ «Արժանի էինք հաղթանակի»

Ջոնել Դեսիրեի պենտա-տրիկը և «Լոռիի» սպասված հաղթանակը, ոչ-ոքիներ մյուս խաղերում (տեսանյութ)

Գրիգորյանը չեմպիոնի դեմ խաղով կսկսի աշխատանքն առաջնությունում․ Ամենաուշագրավ փաստերը՝ ԲԽ-ի 15-րդ տուրին ընդառաջ

11-2-ի հետքերով․ Որ թիմն է տոնել ամենախոշոր հաշվով հաղթանակը գավաթի խաղարկությունների պատմության մեջ

Գևորգ Ղազարյանի կոշտ պատասխանը՝ Աբրահամ Խաշմանյանին

«Արարատը», «Շիրակն» ու «Փյունիկը» համատեղ հայտարարություն են տարածել՝ կապված ՀՖՖ առաջիկա ժողովի հետ

Խաշմանյան. «Իմ հայտարարությունն ուղղված չի եղել հավաքականին կամ որևէ ֆուտբոլիստի»

Բարձրագույն խմբի 14-րդ տուրի խորհրդանշական հավաքականը և լավագույն ֆուտբոլիստը

Գավաթային շունչ Չարենցավանում, ԲԽ-ի թիմերի պայքար Վանաձորում և Երևանում․ VBet Հայաստանի գավաթի քառորդ եզրափակիչին ընդառաջ

Ընթացիկ առաջնության առաջին պոկերը, «Լոռիից» 461 րոպե պահանջվեց «Արարատ-Արմենիային» գոլ խփելու համար

Արմեն Ադամյան․ «Ալաշկերտն» ապացուցեց և ապացուցելու է, որ հզոր կազմ ունի» (տեսանյութ)