fbpx

«Բանանցը» դուրս եկավ «կոմայից», «Ալաշկերտն» էլ «երկնքից ցած իջավ»

ԲԽ-ի 19-րդ տուրը՝ 10 փաստով

19-րդ տուրի հանդիպումներով ավարտվեց 2018/19թթ. առաջնության աշնանային հատվածը: «Արարատն» ընդհատեց առաջնության աշնանային հատվածի հաղթող «Ալաշկերտի» անպարտելի 9 խաղերի շարքն ու լքեց մրցաշարային աղյուսակի վերջին հորիզոնականը՝ տեղը զիջելով «Արցախին»: Դա հնարավորություն տվեց «Բանանցին» կրճատելու միավորների տարբերությունն առաջատարից:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1. Դաշտի տերերն ու հյուրերը 2-ական հաղթանակ տոնեցին: Առաջնության աշնանային հատվածում անցկացված 76 հանդիպումներում դաշտի տերերը 29 հաղթանակ են տոնել, հյուրերին հաջողությունն ուղեկցել է 28 անգամ, 19 խաղ ավարտվել է ոչ-ոքի:

4 խաղում 10 գոլ խփվեց: Առաջնության մեկնարկից անցկացված 76 հանդիպումներում 167 գոլ է խփվել: Միջին արդյունավետությունը կազմում է 2,19 գոլ մեկ խաղում: Առաջնության աշնանային հատվածի վերջին գոլի հեղինակը փյունիկցի Էրիկ Վարդանյանն էր, ով 89-րդ րոպեին 11մ հարվածով գրավեց Գևորգ Կասպարովի պաշտպանած դարպասը: Հիշեցնենք, որ առաջնության առաջին գոլը խփել էր «Արարատ-Արմենիայի» բուլղարացի հարձակվող Իվայլո Դիմիտրովը՝ խոցելով «Լոռիի» դարպասը:

2. «Ալաշկերտի» անպարտելի 9 խաղերի շարքն ընդհատվեց: Արամ Ոսկանյանի օրոք «Ալաշկերտն» առաջին պարտությունը կրեց: «Արարատին» վերջապես հաջողվեց ընդհատել «Ալաշկերտից» ՀՀ առաջնություններում կրած 13 անընդմեջ պարտությունների տխուր շարքը՝ առավելության հասնելով մրցակցի նկատմամբ: Վերջին անգամ «Արարատը» չեմպիոնին հաղթել էր 2016/17թթ. առաջնության առաջին շրջանի խաղում՝ 2016թ. սեպտեմբերի 10-ին հյուրընկալվելիս առավելության հասնելով 3-1 հաշվով:

Վերջին 4 մրցաշրջաններում «Ալաշկերտը» 3-րդ անգամ առաջնության աշնանային հատվածն ավարտեց 1-ին հորիզոնականում: Միայն 2016/17թթ. առաջնության առաջին հատվածում էր «Ալաշկերտն» առաջատարի դերը զիջել «Շիրակին», որից հետ էր մնացել 4 միավորով: Սակայն արդեն գարնանն ընդամենը 3 խաղ անց նորանշանակ գլխավոր մարզիչ Արամ Ոսկանյանի գլխավորությամբ «Ալաշկերտը» ստանձնել էր առաջատարի դերը:

Աբրահամ Խաշմանյան․ «Այս հաղթանակով ևս մեկ քայլ արեցինք դեպի այնտեղ, որտեղ պետք է լինենք» (տեսանյութ)

3. «Բանանցը» վերջապես ընդհատեց 4 անընդմեջ պարտությունների շարքն ու ընթացիկ առաջնությունում խոշոր հաշվով առաջին հաղթանակը տոնեց: «Բանանցին» 2-րդ անգամ հաջողվեց մեկ խաղում 4 գոլ խփել: Առաջին անգամ դա տեղի էր ունեցել օգոստոսի 25-ին «Արարատի» հետ հյուրընկալվելիս կայացած խաղում (4-2):

4. «Արարատ-Արմենիայի» հետ ընթացիկ առաջնության 3-րդ խաղում էլ «Լոռիին» չհաջողվեց գրավել Դմիտրի Աբակումովի պաշտպանած դարպասը՝ Վանաձորում երկրորդ անգամ զիջելով մրցակցին: Հիշեցնենք, որ մեկնարկային տուրում «Արարատ-Արմենիայի» ֆուտբոլիստները հյուրընկալվելիս երկու անպատասխան գնդակ էին խփել:

Օրբելի Համբարձումյան․ «Ֆիզիկապես ավելացրել ենք և կարողանում ենք ճնշել մրցակիցներին» (տեսանյութ)

Արդեն 6 խաղ է, ինչ «Լոռիին» չի հաջողվում առաջնությունում հաղթանակ տոնել՝ վաստակելով ընդամենը 2 միավոր: Այդ հանդիպումներում վանաձորցիներն ընդամենը 4 գոլ են խփել, սեփական դարպասը բաց են թողել 10 գոլ: Վերջին անգամ «Լոռին» հաղթանակ է տոնել հոկտեմբերի 20-ին «Արցախի» նկատմամբ՝ 3-2:

5. «Գանձասար-Կապանը» 4-րդ անընդմեջ հաղթանակը տոնեց: Այդ հանդիպումներում գանձասարցիները մրցակիցների դարպասը 10 գոլ խփեցին: Իսկ մինչ այդ անցկացրած 13 խաղերում «Գանձասար-Կապանն» ընդամենը 9 գոլ էր խփել:

Հետևե՛ք VNews.am-ին նաև Youtube-ում և Instagram-ում:

1 2

Վահե Գևորգյան. «Արդյունքը արդարացի էր»

Ալեքսանդր Տարխանով. «Խաղի ելքը վճռեց մրցավարը, մենք բողոք ենք ներկայացնելու»

Դեսիրեն «Փյունիկին» գցում է չեմպիոնական գրաֆիկից՝ ոչ-ոքի Վանաձորում (տեսանյութ)

«Լոռի» – «Փյունիկ». մեկնարկային կազմեր և ուղիղ հեռարձակում

Մարզչական «մենամարտ»․ «Ալաշկերտ» – «Լոռի» հանդիպման մարտավարական վերլուծությունը (տեսանյութ)

Սևադա Արզումանյան․ «Բոլոր թիմերի համար էլ դժվար է խաղացանկի տեսանկյունից, բայց պետք է հարմարվել» (տեսանյութ)

Աբրահամ Խաշմանյան․ «Ես գոհ եմ մեր տարեց ֆուտբոլիստներից, բայց մեզ նաև երիտասարդներ են պետք» (տեսանյութ)

Դենիս Թումասյանի գոլն «Ալաշկերտին» փրկեց պարտությունից «Արցախի» հետ խաղում (տեսանյութ)

«Արարատ-Արմենիան» չհետևեց «Բանանցի» օրինակին և հաղթեց․ չեմպիոնական պայքարը շարունակվում է (տեսանյութ)

«Արցախ» – «Ալաշկերտ»․ Մեկնարկային կազմեր, ուղիղ հեռարձակում (տեսանյութ)

Ջևան Չելոյանց․ «Ծափահարում եմ Հայաստանի առաջնության խաղային օրացույցը կազմողներին»

«Շիրակ» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

Վարդան Մինասյան․ «Մխիթարյանը չպետք է մեկնի Բաքու»

«Գանձասար-Կապանն» ապահովեց «Բանանցի» «մղձավանջը»․ VNews-ի ֆոտոշարքը

Իլշատ Ֆայզուլին․ «Սա իմ պարտությունն էր, ոչ թե տղաների» (տեսանյութ)

Արմեն Պետրոսյանը՝ գերվստահ հաղթանակի, նպատակների և «հայի բնավորություն ունեցող» Վբեյմարի մասին (տեսանյութ)