fbpx

Արթուր Վանեցյանը հանդիպել է ՈՒԵՖԱ-ի նախագահ Ալեքսանդր Չեֆերինի հետ

«Եվրո-2020-ի որակավորման փուլի՝ Դուբլինում կայացած վիճակահանությանը մասնակցելու համար Իռլանդիայի մայրաքաղաք էր մեկնել Հայաստանի ֆուտբոլի ֆեդերացիայի պատվիրակությունը՝ ՀՖՖ նախագահ Արթուր Վանեցյանի գլխավորությամբ: Պատվիրակության կազմում էին նաև ՀՖՖ առաջին փոխնախագահ, գլխավոր քարտուղար Արմեն Մելիքբեկյանը, Հայաստանի ազգային հավաքականի գլխավոր մարզիչ Արմեն Գյուլբուդաղյանցը, ՀՖՖ Հավաքականների ապահովման բաժնի պետ Դավիթ Ավանեսյանը և ՀՖՖ Հասարակության հետ կապերի և Լրատվության բաժնի պետ Հայկ Կարապետյանը:

Դեկտեմբերի 1-ին՝ Դուբլինում, կայացավ քառակողմ հանդիպում ՈՒԵՖԱ-ի նախագահ Ալեքսանդր Չեֆերինի, ՈՒԵՖԱ-ի Ազգային ասոցիացիաների բաժնի տնօրեն Զորան Լակովիչի, ՀՖՖ նախագահ Արթուր Վանեցյանի և ՀՖՖ առաջին փոխնախագահ, գլխավոր քարտուղար Արմեն Մելիքբեկյանի միջև: Հանդիպման ընթացքում քննարկվեց համագործակցության լայն շրջանակ, մասնավորապես, գալիք 4 տարում Հայաստանի մարզերում ՀՖՖ կողմից իրականացվելիք ենթակառուցվածքային զարգացման ծրագրերը: Հայկական կողմը մանրամասն ներկայացրեց ազգային նոր մարզադաշտ կառուցելու ծրագրերը: ՈՒԵՖԱ-ի նախագահը պատրաստակամություն հայտնեց աջակցել ՀՖՖ-ին բոլոր հնարավոր միջոցներով, մասնավորապես, մարզադաշտի՝ ՈՒԵՖԱ-ի չափորոշիչներին համապատասխանելու, նախագծման, ՈՒԵՖԱ-ի փորձագետների աջակցության և մասնագիտական խորհրդատվության մասով:

Դեկտեմբերի 1-ին հանդիպում-սեմինարներ ունեցան նաև ՀՖՖ պատվիրակության մյուս անդամները: ՀՖՖ Հավաքական թիմերի ապահովման բաժնի պետ Դավիթ Ավանեսյանը մասնակցեց հավաքականների մենեջերների սեմինարի, որի ընթացքում քննարկվեցին Ազգերի Լիգայի մրցաշարի կազմակերպչական մի շարք հարցեր, ինչպես նաև Եվրո-2020-ի որակավորման փուլի հետ կապված մանրամասները:

ՀՖՖ Հասարակության հետ կապերի և Լրատվության բաժնի պետ Հայկ Կարապետյանը մասնակցեց ՈՒԵՖԱ-ի անդամ 55 ֆեդերացիաների մամուլի քարտուղարների կոնֆերանսին, որի ընթացքում ներկայացվեցին մեդիայի ոլորտում Ազգերի Լիգայի մրցաշարի ձեռքբերումները, ինչպես նաև քննարկվեցին Եվրո-2020-ի որակավորման փուլի ընթացքում լուսաբանման, տեխնիկական, սոցիալական մեդիաներում ակտիվության, մեդիա գործընթացների հետ կապված այլ մանրամասներ»,- հաղորդում է ՀՖՖ պաշտոնական կայքը։

«Անհավանականության տեսություն՝ Հայաստանի հավաքականի համար». Ի՞նչ սպասել ԵՎՐՈ-2020-ի մեր մրցակիցներից

Հետևե՛ք VNews.am-ին նաև Youtube-ում և Instagram-ում:


Հայտնի են Չեմպիոնների լիգայի 2021-ի եզրափակիչն ընդունելու թեկնածուները

Խինես Մելենդեսի մամուլի ասուլիսն ամբողջությամբ (տեսանյութ)

Եվրագավաթային հանդիպումները կմեկնարկեն մեկ րոպե լռությամբ՝ ի հիշատակ Էմիլիանո Սալայի

Խինես Մելենդեսը բերում է Ինիեստայի, Սուսոյի և Խուանմիի օրինակները, որոնք հայ ֆուտբոլիստները պետք է ընդօրինակեն

ՈւԵՖԱ-ում պարզաբանել են, թե որ դեպքում կկիրառվի VAR համակարգը

ՈւԵՖԱ-ն ցանկանում է փոխել Չեմպիոնների լիգայի խաղային օրերը

Չեֆերինը վերընտրվեց ՈւԵՖԱ-ի նախագահի պաշտոնում

Արթուր Վանեցյանը անդրադարձել է լեգեոներների լիմիտի թեմային

Արթուր Վանեցյան․ «Ֆուտբոլի ասպարեզում շատ հայտնի մարդիկ են այցելելու Հայաստան»

ՀՖՖ-ն արձագանքել է լեգեոներների լիմիտի և առաջնության ձևաչափի մասին քննարկումներին

Ապրիլին Հայաստանում պատրաստ կլինեն արհեստական խոտածածկով 10 փոքր խաղադաշտեր (տեսանյութ)

«Սիրելի Ձմեռ պապ…». Ինչ սպասել հայկական ֆուտբոլից 2019 թվականին

ՈւԵՖԱ-ն հրապարակեց տարվա խորհրդանշական հավաքականը

Հայտնի են Հայաստանի 2018 թ. լավագույն ֆուտբոլիստը և մարզիչը

Գորիսում մեկնարկում են ֆուտբոլային դաշտի հիմնանորոգման աշխատանքները (լուսանկարներ)

Մարկոս Պիզելի և Վարդան Բիչախչյան. Տարվա լավագույններն ըստ VNews.am-ի