fbpx

Մոդրիչը հիշել է՝ ինչ էր Զիդանն ասել իրեն, երբ նոր էր գլխավորել «Ռեալը»

Մադրիդի «Ռեալի» և Խորվաթիայի հավաքականի կիսապաշտպան Լուկա Մոդրիչը պատմել է «Ոսկե գնդակը» նվաճելու հետ կապված իր զգացողությունների, ինչպես նաև Զինեդին Զիդանի հետ 2016 թվականին կայացած զրույցի մասին։

«Չի եղել առանձնահատուկ ինչ-որ պահ, երբ սկսեմ մտածել, որ կարող եմ նվաճել «Ոսկե գնդակը»։ Երբ հաշվեցի անհատական այն բոլոր մրցանակները, որ նվաճել եմ այս տարի, նաև երբ տեսա, որ 30 լավագույնների շարքում եմ, սկսեցի հավատալ դրան, բայց կա մի բան, որ չեմ մոռանա։

Երբ Զիդանը 2016 թվականի հունվարին դարձավ «Ռեալի» գլխավոր մարզիչ, մի օր մարզումից հետո կանչեց ինձ իր աշխատասենյակ և պատմեց, թե ինչպես է տեսնում ինձ որպես ֆուտբոլիստի և ինչ սպասելիքներ ունի։

Նա ասաց, որ կարևոր ֆուտբոլիստ եմ լինելու իր թիմում և կարծիք հայտնեց, որ ունեմ ներուժ «Ոսկե գնդակը» նվաճելու համար։ Երբ Զիդանի պես անհատականությունը քեզ այդպիսի բան է ասում, դա ավելացնում է վստահությունդ։

Հիացել եմ Զիդանով և հարգել նրան, երբ ֆուտբոլիստ էր։ Նա ասում էր, որ իրեն բավականին նման եմ, քանի որ խաղաղ և ինչ-որ տեղ համեստ անձնավորություն եմ, և սպասում է, որ խաղադաշտում կբացվեմ ու ավելի լավ կցուցադրեմ հնարավորություններս։

Զիդանն ուզում էր, որ լինեմ իր գլխավորած թիմի առանցքային մասնիկներից մեկը, և հրաշալի է, որ ամեն ինչ լավ դասավորվեց։ Մարզչի վերոնշյալ խոսքերն օգնեցին ինձ ավելի հեռուն գնալ իմ ցուցադրած խաղով։ Այդուհանդերձ, ես նույնիսկ այդ բառերից հետո չէի հավատում, որ այս օրը գալու է»,- ասել է Մոդրիչը France Football-ին տված հարցազրույցում։

Մոդրիչ. «Սա ֆուտբոլի հաղթանակն է, վերջապես այս մրցանակը բաժին չի հասնում Մեսիին և Ռոնալդուին»

Հետևե՛ք VNews.am-ին նաև Youtube-ում և Instagram-ում:


Ռոբենը պատմել է, թե իրականում ինչն է դարձել «Ռեալից» հեռանալու պատճառը

Մոդրիչը նույնպես մնում է «Ռեալում»

Ռոնալդոն ցանկանում է Վինիսիուսին տանել իր թիմ

Զիդանը որոշում կայացրեց նաև Մոդրիչի ապագայի վերաբերյալ

«Ռեալը» Չեմպիոնների լիգայի խմբային փուլում հզոր մրցակից կունենա

ՊՍԺ-ն չի ուզում հրաժարվել Մբապեից, բայց տրանսֆերային արժեք սահմանել է

Գարեթ Բեյլ. «Ֆուտբոլիստները նման են ռոբոտների, ընտրելու հնարավորություն չունեն»

Սուլշերը Պոգբային թիմում պահելու միջոց է գտել

Չեմպիոնների լիգայի եզրափակիչից հետո «Ռեալը» կհայտարարի թոփ տրանսֆերի մասին

Վարանը հայտարարել է իր վերջնական որոշման մասին

«Մեռավ «Ծեր Սինյորայի» հերթական երիտասարդ սիրեկանը». Ալեգրիի հեռանալու 3 պատճառները

Ամենացանկալի ֆուտբոլիստներից մեկը կարող է ստիպված լինել ընտրել 2 գրանդի միջև

-31 գոլ. Ռոնալդուի տեղը «Ռեալում» մնացել է դատարկ

«Մբապեն ցանկանում էր հեռանալ «Ռեալ», բայց ստիպեցինք նրան մնալ». Էմերի

«Չելսիում» ստեղծված բարդ իրավիճակը աշխատում է «Ռեալի» օգտին

Պաշտոնական. «Ռեալը» երկարաձգեց պայմանագիրն իր կիսապաշտպանի հետ