fbpx

Հերոս, որը վերածվեց Persona non grata-ի․ 5 «համեմունք», որ ավելի ախորժելի դարձրեցին Բարձրագույն խումբը

Բարձրագույն խմբի առաջնության աշնանային հատվածը լի էր ուշագրավ բազմաթիվ իրադարձություններով։ Մրցաշարային աղյուսակում թիմերը ծայրահեղ խիտ են դասավորված, ինչը հրաշալի է մեզ՝ առաջնությանը հետևողներիս համար։ Ներկայացնում ենք 5 հանգամանք, որ ավելի դիտարժան են դարձրել մեր Պրեմիեր լիգան։

Միակ թիմը, որի դեպքում կարելի է գործածել «սեփական հարկի տակ» եզրույթը

«Լոռին» առաջնության մեկնարկի հայտնությունն էր։ Զարմացնում էին ոչ միայն արդյունքները, այլև այն բարձր տեմպը, որ այդ թիմի ֆուտբոլիստները հաղորդում էին հանդիպումներին։ Մրցակիցների գլուխները հաճախ պտտվում էին, քանի որ նման բարձր ինտենսիվություն հաղորդող թիմ մեր առաջնությունում վաղուց չէր եղել։ Հետագայում կադրային խնդիրները, «Լոռիի» ֆուտբոլիստների՝ փոքր-ինչ պարծենկոտ դառնալը և մրցակիցների կողմից այդ թիմի խաղի լավ ուսումնասիրությունը հանգեցրել են ճգնաժամի։

«Լոռին» որտեղ էլ խաղա, ունի իր հրաշալի աջակցությունը։ Սա մի նոր մշակույթ է, որ իրենց հետ բերել են վանաձորցի երկրպագուները։ Այս պահին ունենք մարզային ևս 2 թիմ, սակայն «Շիրակը» Գյումրիում այլևս չի ստանում նախկին բուռն աջակցությունը, իսկ «Գանձասար-Կապանն» առհասարակ ելույթ է ունենում Երևանում։ Ուրախալի է, որ երկրպագուական փոքրիկ ֆան-շարժումներ ունեն նաև «Ալաշկերտը» և «Փյունիկը»։ Ֆուտբոլիստները կհաստատեն, որ «Լոռիի» հետ Վանաձորում խաղալիս լրացուցիչ լարվածություն են զգում։

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

Հաճելի խառնաշփոթ

Մեր թիմերից առաջնության առաջին հատվածում համեմատաբար կայուն է խաղացել միայն առաջատար «Ալաշկերտը», մյուսները զբաղված էին վայրիվերումներով։ «Բանանցն» անպարտելի էր 9 հանդիպում անընդմեջ, սակայն դրանից հետո կրել է 4 անընդմեջ պարտություն՝ չխփելով ոչ մի գոլ։ «Արարատ-Արմենիան» 4 խաղ անընդմեջ չէր գտնում մրցակիցների դարպասի բանալին, բայց դրան հաջորդած 3 մրցավեճում դարձել է 7 գոլի հեղինակ։

«Լոռին» զարմանահրաշ մեկնարկից հետո վերջնամասում արդեն 6 խաղ է՝ չի կարողացել հաղթանակ տոնել։ «Շիրակը» և «Գանձասար-Կապանն» առաջնության սկզբնամասում չէին հաղթել համապատասխանաբար 7 ու 6 մրցավեճ անընդմեջ, բայց հետագայում բավականին բարձրացել են աղյուսակում։ Կապանյան թիմը 4 անընդմեջ հաղթանակով է ավարտել աշնանային հատվածը։ Դե իսկ «Արարատն» իրար հաջորդած 12 խաղում չվայելելով հաղթանակի բերկրանքը՝ վերջնամասում պարտության է մատնել «Փյունիկին» և «Ալաշկերտին», ոչ-ոքի խաղացել «Լոռիի» հետ։

Հետևե՛ք VNews.am-ին նաև Youtube-ում և Instagram-ում:

1 2

«Փյունիկի» ֆուտբոլիստները բռնցքամարտիկներին բնորոշ մարզում են անցկացրել (տեսանյութ)

Տրանսֆերային ձմեռ․ Բարձրագույն խմբի ակումբների ձեռքբերումները և կորուստները (թարմացվում է)

Անդրեյ Տալալաև․ «Անչափ լուրջ առաջարկներ կան Պետրոս Ավետիսյանի և Անդրիա Դրագոևիչի համար»

«Արարատ-Արմենիան» պայմանագիր է կնքել կոտ դ՛իվուարցի հարձակվողի հետ

Արման Հովհաննիսյանը և Համլետ Ասոյանը՝ «Գանձասար-Կապանի» ֆուտբոլիստներ

«Արարատ-Արմենիայի» ֆուտբոլիստը համալրեց «Բանանցը»

Մ21 հավաքականի նախկին դարպասապահ Գոռ Էլյազյանը ավարտել է կարիերան

Արթուր Ավագյան․ «Ֆուտբոլիստը պետք է 24 ժամ հետևի իր կենսակերպին» (տեսանյութ)

Ռուս 2 ֆուտբոլիստներ հեռացել են «Արարատ-Արմենիայից»

Երևանի «Արարատում» փորձաշրջան են անցնում բազմաթիվ ֆուտբոլիստներ

ՊԱՇՏՈՆԱԿԱՆ․ «Արարատը» պայմանագիր է կնքել ռուս պաշտպանի հետ

«Արարատ-Արմենիան» սերբ դարպասապահով համալրվեց

«Արարատ-Արմենիայի» նախկին դարպասապահը միացավ «Լոռիին»

«Շիրակը» հրաժարվել է հերթական լեգեոների ծառայություններից

ՊԱՇՏՈՆԱԿԱՆ. «Փյունիկը» համալրվեց ուկրաինացի ֆուտբոլիստով

Արման Հովհաննիսյանը հեռացել է «Արարատ-Արմենիայից»