Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են - VNews
Բաժիններ

Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են

«Ալաշկերտի» ելույթների ամփոփումը՝ 10 փաստով

VNews.am-ը սկսում է ՀՀ 27-րդ առաջնության աշնանային հատվածում թիմերի ելույթների ամփոփումը՝ անդրադառնալով  գործող չեմպիոնին:

1. Հայաստանի գործող չեմպիոնը 2-րդ մրցաշրջանն անընդմեջ դարձավ առաջնության աշնանային հատվածի հաղթող: Նախորդ առաջնության աշնանային հատվածի 15 հանդիպումներում «Ալաշկերտն» Աբրահամ Խաշմանյանի գլխավորությամբ վաստակել էր հնարավոր միավորների 66,6 տոկոսը (+9=3-3, 25-13)՝ 6 միավորով գերազանցելով «Գանձասար Կապանին»: Հիշեցնենք, որ 2015/16թթ. առաջնությունում էլ, երբ ալաշկերտցիներն առաջին անգամ չեմպիոն էին հռչակվել, աշնանային հատվածն ավարտել էին առաջին հորիզոնականում՝ 15 հանդիպումներում վաստակելով 32 միավոր (+9=5-1, 27-12):

Ընթացիկ առաջնության աշնանային հատվածի 17 հանդիպումներում «Ալաշկերտը» վաստակեց 33 միավոր (+10=3-4, 20-10), ինչը հնարավոր միավորների 64,7 տոկոսն է: Չեմպիոնը 4 միավորով գերազանցեց 2-րդ տեղում ընթացող «Բանանցին»:

Հետաքրքիր է, որ նախորդ առաջնության 17 հանդիպումներից հետո էլ «Ալաշկերտն» իր օգտին 33 միավոր էր գրանցել հաղթանակների, ոչ-ոքիների և պարտությունների նույնպիսի քանակով: Ընթացիկ առաջնության համեմատ ալաշկերտցիները 8 գոլ ավել էին խփել, սակայն բաց թողած գնդակների քանակն էլ 6-ով գերազանցում էր ներկայիս արդյունքը:  Իսկ ահա 2-րդ տեղում ընթացող «ԳանձասարԿապանից» միավորների տարբերությունը հասնում էր 6-ի:

2. Առաջնության աշնանային հատվածում «Ալաշկերտը» հանդես եկավ 3 մարզիչների գլխավորությամբ: Մեկնարկային 7 հանդիպումներում թիմի ղեկին Վարուժան Սուքիասյանն էր, որի օրոք «Ալաշկերտը» վաստակեց 10 միավոր (+3=1-3, 10-6), ինչը հնարավոր միավորների 47,6 տոկոսն է: 8-րդ տուրում «Լոռիի» հետ խաղում (2-1) գլխավոր մարզչի պարտականությունները կատարում էր Սերգեյ Էրզրումյանը: Հաջորդ 9 խաղերը չեմպիոնն անցկացրեց Արամ Ոսկանյանի գլխավորությամբ՝ վաստակելով հնարավոր միավորների 74 տոկոսը (+6=2-1, 8-3):

Հերոս, որը վերածվեց Persona non grata-ի․ 5 «համեմունք», որ ավելի ախորժելի դարձրեցին Բարձրագույն խումբը

3. Ինչպես նախորդ 2 մրցաշրջաններում, այս անգամ էլ «Ալաշկերտն» առավել հաջող հանդես եկավ 2-րդ շրջանում` Արամ Ոսկանյանի գլխավորությամբ 8 հանդիպումներում վաստակելով 20 միավոր (+6=2-0, 8-2), ինչը հնարավոր միավորների 83,3 տոկոսն է: Իսկ ահա 1-ին շրջանում «Ալաշկերտի» օգտին 13 միավոր էր գրանցված (+4=1-3, 12-7), ինչը հնարավոր միավորների 54,1 տոկոսն է:

«Ալաշկերտն» ավելի հաջող հանդես եկավ սեփական դաշտում՝ անցկացրած 8 հանդիպումներում վաստակելով հնարավոր միավորների 75 տոկոսը (+6=0-2, 15-7): Դա լավագույն արդյունքն է առաջնության մասնակիցների մեջ: Սեփական հարկի տակ ալաշկերտցիները պարտվել են «Արարատ-Արմենիային» (1-3) և «Փյունիկին» (1-2):

Հյուրընկալվելիս անցկացրած 9 հանդիպումներում «Ալաշկերտի» օգտին գրանցվեց 15 միավոր (+4=3-2, 5-3), ինչը հնարավոր միավորների 55,5 տոկոսն է: Այդ արդյունքը զիջում է միայն 17-ական միավոր վաստակած «Փյունիկին» (8 խաղում) և «Արարատ-Արմենիային» (9 խաղում): Մրցակցի հարկի տակ ալաշկերտցիները նվազագույն հաշվով հաղթել են «Արարատին», «Գանձասար Կապանին»«Փյունիկին» և «Արարատ-Արմենիային»:

4. Առաջնության ընթացքում «Ալաշկերտը» 6 անընդմեջ հաղթանակ տոնեց, որից 5-ը՝ Արամ Ոսկանյանի գլխավորությամբ: Այդ արդյունքը լավագույնն է ոչ միայն ընթացիկ առաջնությունում, այլև թիմի պատմության մեջ: Մինչ այդ «Ալաշկերտը» ռեկորդային ցուցանիշ էր գրանցել 2016/17թթ. առաջնությունում՝ տոնելով 5 անընդմեջ հաղթանակ:

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

Իսկ ահա անպարտելի խաղերի քանակով (9) ալաշկերտցիները կրկնեցին 2016/17թթ. առաջնության իրենց լավագույն ցուցանիշը: Ճիշտ է, այն ժամանակ այդ խաղերում «Ալաշկերտը» տոնել էր 8 հաղթանակ, մեկ հանդիպում ավարտել էր ոչ-ոքի ներկայիս 7 հաղթանակի և 2 ոչ-ոքիի դիմաց:

Ընթացիկ առաջնությունում «Ալաշկերտը» ևս մեկ թիմային ռեկորդ բարելավեց՝ 6 խաղ անընդմեջ դարպասը պահելով անառիկ: Մինչ այդ լավագույն արդյունքը գրանցվել էր 2015/16թթ. առաջնությունում (4 անառիկ խաղ): Իսկ ընդհանուր առմամբ 17 հանդիպումներից 10-ում չեմպիոնը գոլ բաց չի թողել: Ալաշկերտցիներին միայն 4 խաղում («Շիրակ»՝ 0-0, «Բանանց»՝ 0-1, «Արցախ»՝ 0-0, «Արարատ»՝ 0-1) չի հաջողվել գրավել մրցակիցների դարպասը:

«Ալաշկերտը» խոշոր հաշվով մեկ հաղթանակ տոնեց՝ 6 անպատասխան գնդակ ուղարկելով «Արցախի» դարպասը: Դա Բարձրագույն խմբում թիմի ամենախոշոր հաշվով հաղթանակն է, որը ռեկորդային է նաև ընթացիկ առաջնությունում: Մրցակիցներից ոչ մեկին չհաջողվեց «Ալաշկերտին» խոշոր հաշվով հաղթել:

5. «Ալաշկերտի» մասնակցությամբ հանդիպումներում նշանակվել է 11մ 7 հարված, որից իրացվել 5-ը: Թիմի օգտին նշանակված 5 հարվածներից միայն 3-ն է դիպուկ իրացվել: 11մ նշակետից դարպասը մեկական անգամ գրավել են Արտակ Եդիգարյանը, Ղուկաս Պողոսյանն ու Էդգար Մանուչարյանը: Եդիգարյանն ու Մանուչարյանը մեկական անգամ էլ վրիպել են:

Օգնեն Չանչարևիչի դարպասին նշանակված 11մ 2 հարվածներն էլ դիպուկ են իրացրել Իվայլո Դիմիտրովը («Արարատ-Արմենիա») և Ուգոչուկվու Իվուն («Լոռի»):

Միացի՛ր հայկական ամենասպորտային Instagram-ին:

1 2

Արտակ Եդիգարյան․ «Եթե առաջնությունում այսպիսի խաղեր շատ լինեն, մակարդակն ավելի կբարձրանա» (տեսանյութ)

Սևադա Արզումանյան. «Ալաշկերտի» ֆուտբոլիստները կարգով ավելի բարձր են, բայց եթե մեր պահերն օգտագործեինք, նման արդյունք չէր լինի» (տեսանյութ)

Եղիշե Մելիքյան. «Մենք այսօր հաղթեցինք լավ հակառակորդի: Գործ ունեինք բնավորություն ունեցող թիմի հետ» (տեսանյութ)

Ռումյան Հովսեփյան․ «Հաճելի կլինի գնալ ձմեռային ընդմիջման՝ գտնվելով 1-ին հորիզոնականում» (տեսանյութ)

«Ալաշկերտը» հաղթեց «Վանին» և ամրապնդվեց առաջատարի դիրքում (տեսանյութ)

«Ալաշկերտ» – «Վան»․ Մեկնարկային կազմեր, ուղիղ հեռարձակում (տեսանյութ)

Նոր մարզիչներով առաջին արարատյան դերբին․ Ամենաուշագրավ փաստերը՝ VBET ՀՊԼ 14-րդ տուրին ընդառաջ

VBET Հայաստանի Պրեմիեր լիգայի 13-րդ տուրի խորհրդանշական հավաքականը և լավագույն ֆուտբոլիստը

Հովսեփյանը Մխիթարյանին դուրս թողեց ՀՀ առաջնությունների 100 լավագույն ռմբարկուների ցանկից

Արտյոմ Սիմոնյան․ «Մեր այսօրվա խաղից գոհ ենք, բայց պատժվեցինք կենտրոնացվածությունը կորցնելու պատճառով» (տեսանյութ)

«Ալաշկերտը» հաղթեց «Ուրարտուին» և բարձրացավ 1-ին հորիզոնական (տեսանյութ)

Կամպանյան կվերադառնա Վանաձոր․ Ամենաուշագրավ փաստերը՝ VBET ՀՊԼ 13-րդ տուրին ընդառաջ

VBET Հայաստանի Պրեմիեր լիգայի 12-րդ տուրի խորհրդանշական հավաքականը և լավագույն ֆուտբոլիստը

Դեսիրեն միայն Մարկոսին է զիջում առաջնության ամենաարդյունավետ լեգեոնականների ցանկում

Ուրոշ Նենադովիչը՝ Հայաստանի առաջնությունների ամենաարդյունավետ սերբ ֆուտբոլիստ

Դավիդ Դավիդյան․ «Ցավալի է, երբ մրցավարներն այսպես «կոտրում» են խաղը» (տեսանյութ)