«Բանանցը» 2-րդն է թե՛ աղյուսակում, թե՛ արդյունավետությամբ, թե՛ տնային խաղերի ցուցանիշով - VNews
Բաժիններ

«Բանանցը» 2-րդն է թե՛ աղյուսակում, թե՛ արդյունավետությամբ, թե՛ տնային խաղերի ցուցանիշով

«Բանանցի» ելույթների ամփոփումը՝ 10 փաստով

VNews.am-ը շարունակում է ամփոփել ՀՀ առաջնության աշնանային հատվածում թիմերի ելույթները: Այսօր կանդրադառնանք  «Բանանցին»:

1․ «Բանանցը» 27-րդ առաջնության աշնանային հատվածն ավարտեց 2-րդ հորիզոնականում՝ անցկացրած 17 հանդիպումներում վաստակելով 29 միավոր (+9=2-6, 24-20): Դա հնարավոր միավորների 56,8 տոկոսն է: «Բանանցը» 4 միավորով հետ մնաց առաջատար «Ալաշկերտից»:

Հիշեցնենք, որ նախորդ առաջնության աշնանային հատվածը «Բանանցն» ավարտել էր 3-րդ հորիզոնականում՝ անցկացրած 15 հանդիպումներում վաստակելով 22 միավոր (+5=7-3, 20-18): Դա հնարավոր միավորների 48,8 տոկոսն էր: «Բանանցը» 6 միավորով էր զիջում աղյուսակը գլխավորող «Ալաշկերտին»:

Նախորդ առաջնության 17 հանդիպումներում «Բանանցը» վաստակել էր 25 միավոր (+6=7-4, 23-20), ինչը հնարավոր միավորների 49 տոկոսն էր: Այնպես որ, նախորդ առաջնության համեմատ «Բանանցը» բարելավել է ցուցանիշները:

Թիմն ընթացիկ առաջնությունում 4 միավոր ավելին վաստակեց, 3 հաղթանակ ավելին տարավ, 1 գոլ ավելին խփեց, փոխարենը 2 պարտություն ավելին կրեց:

Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են․ «Ալաշկերտի» ելույթների ամփոփումը՝ 10 փաստով

2․ Առաջնության աշնանային հատվածում «Բանանցը» հանդես եկավ 2 մարզիչների գլխավորությամբ: Մեկնարկային 2 հանդիպումներում («Շիրակ»՝ 0-0, «Արցախ»՝ 0-1) թիմի ղեկին Արամ Ոսկանյանն էր, որին փոխարինեց Իլշատ Ֆայզուլինը: Նրա գլխավորությամբ «Բանանցը» 15 հանդիպումներում 28 միավոր վաստակեց (+9=1-5, 24-19): Դա հնարավոր միավորների 62,2 տոկոսն է:

3․ Առավել հաջող «Բանանցը» հանդես եկավ առաջին շրջանում՝ 8 հանդիպումներում վաստակելով 16 միավոր (+5=1-2, 14-9), ինչը հնարավոր միավորների 66,6 տոկոսն է: Իսկ ահա 2-րդ շրջանում «Բանանցը» վաստակեց 10 միավոր (+3=1-4, 6-11): Դա հնարավոր միավորների 41,6 տոկոսն է:

Սեփական դաշտում անցկացրած 8 հանդիպումներում «Բանանցի» օգտին 16 միավոր գրանցվեց (+5=1-2, 13-9), ինչը հնարավոր միավորների 66,6 տոկոսն է: Դա առաջնությունում երկրորդ արդյունքն է «Ալաշկերտից» հետո: Սեփական հարկի տակ «Բանանցը» պարտվել է «Լոռիին» (1-3) և «Արարատ-Արմենիային» (0-3):

Հյուրընկալվելիս «Բանանցի» ավարն ավելի քիչ էր. անցկացրած 9 հանդիպումներում թիմի օգտին գրանցվեց հնարավոր միավորների 48,1 տոկոսը (+4=1-4, 11-11): Դա 4-րդ արդյունքն է մասնակից թիմերի մեջ: Մրցակցի հարկի տակ «Բանանցին» հաջողվել է հաղթանակներ տոնել «Արարատի» (4-2, 1-0), «Արարատ-Արմենիայի» (3-1) և «Լոռիի» (3-1) նկատմամբ:

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

4․ Առաջնության ընթացքում «Բանանցն» Իլշատ Ֆայզուլինի գլխավորությամբ 5 անընդմեջ հաղթանակ տոնեց՝ այդ ցուցանիշով զիջելով միայն «Ալաշկերտին»: «Բանանցին» 9 անպարտելի խաղերի տպավորիչ շարք հաջողվեց: Այդ հանդիպումներում մրցակիցներից միայն «Շիրակին» հաջողվեց մեկ միավոր վաստակել: Դրան հաջորդեցին 4 անընդմեջ պարտություններն ու 449 րոպե տևած գոլային երաշտը: 17 հանդիպումներից միայն 6-ում «Բանանցը» դարպասն անառիկ պահեց:

«Բանանցի» ֆուտբոլիստները խոշոր հաշվով մեկ հաղթանակ տոնեցին («Շիրակ»՝ 4-0), կրեցին այդ կարգի 2 պարտություն («Գանձասար-Կապան»՝ 0-3, «Արարատ-Արմենիա»՝ 0-3):

5․ «Բանանցի» մասնակցությամբ հանդիպումներում նշանակվել է 11մ 5 հարված, որից իրացվել է 4-ը: Թիմն ընդամենը 11մ մեկ հարվածի իրավունք է ստացել, որն անվրեպ իրացրել է Վալմերսոն Գարսիա Պրայան՝ խոցելով «Լոռիի» դարպասը:

«Բանանցի» դարպասին նշանակված 4 հարվածներից դիպուկ են իրացվել 3-ը: Փյունիկցի Էրիկ Վարդանյանն ու գանձասարցի Ալեքս Քրիստիան Ջունիորը գրավել են Արամ Հայրապետյանի պաշտպանած դարպասը, իսկ «Լոռիի» լեգեոնական Ուգոչուկվու Իվուն խոցել է Անատոլի Այվազովի դարպասը: Իսկ ահա Արամ Հայրապետյանի դարպասին ալաշկերտցի Արտակ Եդիգարյանի կատարած 11մ հարվածը բարձր է ստացվել:

Հերոս, որը վերածվեց Persona non grata-ի․ 5 «համեմունք», որ ավելի ախորժելի դարձրեցին Բարձրագույն խումբը

6․ «Բանանցի» ֆուտբոլիստներն արդյունավետությամբ 2-րդ ցուցանիշը գրանցեցին՝ ընդամենը մեկ գնդակով զիջելով «Լոռիին»: Խփված 24 գոլերի հեղինակներ դարձան «Բանանցի» 10 ֆուտբոլիստներ, ինչպես նաև փյունիկցի Վիտալի Ստեժկոն և շիրակցի Արթուր Ամիրյանը՝ գրավելով սեփական դարպասը: Նաթանիել Ասամոան, Իգոր Ստանոևիչը, Սոլոմոն Իմե Ուդոն, Միխայիլ Սոլովյովը, Էրիկ Պետրոսյանը և Ադամու Աբդուլահին բացեցին գոլերի հաշիվը ՀՀ առաջնություններում «Բանանցի» կազմում։

Առաջնության աշնանային հատվածում բոլորից արդյունավետ գործեց Վալմերսոն Գարսիա Պրայան՝ դառնալով 5 գոլի հեղինակ: 24-ամյա Վալմերսոնը 2018թ. օրացուցային տարում առաջնության հանդիպումներում խփած գոլերի քանակով (9) գերազանցեց «Բանանցի» նախկին լեգեոնական Դենիրան Օրտեգայի տարիքային ռեկորդը, ով 2010թ. այդ տարիքում 7 գնդակ էր խփել:

Միացի՛ր հայկական ամենասպորտային Instagram-ին:

1 2

Երմակովն այդ ցուցանիշով հավասարվեց Ապուլա Բետեին, իսկ «Ուրարտուն» ավելի քան 1,5 տարի անց կրկին գոլ խփեց «Նոային»

Դմիտրի Գունկո. «Իմ թիմի խաղը լիովին գոհացրեց, իսկ պահերի իրացմանը խանգարեց դեղին համազգեստով բրիգադը» (տեսանյութ)

Ալեքսանդր Գրիգորյան. «Պատահում է` հիմնական կազմից 1-2 խաղացող են բացակայում, պատահում է՝ թիմի կեսը. Մեզ մոտ երկրորդ դեպքն էր» (տեսանյութ)

Գևորգ Տարախչյան․ «Չիրացրինք մեր պահերը․ կփորձենք հաղթել մյուս խաղերում» (տեսանյութ)

Բենիկ Հովհաննիսյան․ «Մրցավարը վճռեց խաղի ելքը» (տեսանյութ)

«Նոան» և «Ուրարտուն» մեկական գոլ խփեցին ու ոչ-ոքի գրանցեցին (տեսանյութ)

Նոր մարզիչներով առաջին արարատյան դերբին․ Ամենաուշագրավ փաստերը՝ VBET ՀՊԼ 14-րդ տուրին ընդառաջ

Հովսեփյանը Մխիթարյանին դուրս թողեց ՀՀ առաջնությունների 100 լավագույն ռմբարկուների ցանկից

«Ալաշկերտը» հաղթեց «Ուրարտուին» և բարձրացավ 1-ին հորիզոնական (տեսանյութ)

Կամպանյան կվերադառնա Վանաձոր․ Ամենաուշագրավ փաստերը՝ VBET ՀՊԼ 13-րդ տուրին ընդառաջ

VBET Հայաստանի Պրեմիեր լիգայի 12-րդ տուրի խորհրդանշական հավաքականը և լավագույն ֆուտբոլիստը

Դեսիրեն միայն Մարկոսին է զիջում առաջնության ամենաարդյունավետ լեգեոնականների ցանկում

Ալեքսանդր Գրիգորյան․ «Սպասում էինք, որ կարող ենք «Շիրակից» լուրջ դիմադրության հանդիպել» (տեսանյութ)

Վարդան Բակալյան․ «Վատ ֆուտբոլ չենք խաղում, ունենում ենք պահեր, բայց չի ստացվում հաղթել» (տեսանյութ)

Էդգար Գրիգորյան․ «Շիրակի» դեմ մրցելը միշտ էլ դժվար է, բայց այսօր վերահսկում էինք ամբողջ խաղը» (տեսանյութ)

«Ուրարտուն» վստահորեն հաղթեց «Շիրակին» ու բարձրացավ 1-ին տեղ (տեսանյութ)