fbpx

«Փյունիկն» այս առաջնության ռեկորդ է սահմանել խաղերին մասնակցած ֆուտբոլիստների քանակով

«Փյունիկի» ելույթների ամփոփումը՝ 10 փաստով

VNews.am-ը շարունակում է ՀՀ առաջնության աշնանային հատվածում թիմերի ելույթների ամփոփումը: Այսօր կանդրադառնանք «Փյունիկին»:

1. «Փյունիկը» 27-րդ առաջնության աշնանային հատվածն ավարտեց 3-րդ հորիզոնականում՝ 17 հանդիպումներում վաստակելով 27 միավոր (+8=3-6, 21-19), ինչը հնարավոր միավորների 52,9 տոկոսն է: «Փյունիկը» 6 միավորով հետ մնաց առաջատար «Ալաշկերտից»:

Հիշեցնենք, որ նախորդ առաջնության աշնանային հատվածում «Փյունիկը» 15 հանդիպումներում վաստակած 17 միավորով (+4=5-6, 16-20) հանգրվանել էր 5-րդ հորիզոնականում:

Նախորդ մրցաշրջանի 17 հանդիպումներում փյունիկցիները վաստակել էին 20 միավոր (+5=5-7, 18-21), ինչը հնարավոր միավորների 39,2 տոկոսն էր: «Փյունիկն» ընթանում էր 4-րդ տեղում: Այնպես որ Անդրեյ Տալալաևի օրոք «Փյունիկը» զգալիորեն բարելավել է ցուցանիշները:

Փյունիկցիներն ընթացիկ առաջնությունում 7 միավոր ավելի վաստակեցին, 3 հաղթանակ ավելի տոնեցին, մեկ պարտություն պակաս կրեցին: «Փյունիկը» 3 գոլ ավելի խփեց, 2 գնդակ պակաս բաց թողեց:

Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են․ «Ալաշկերտի» ելույթների ամփոփումը՝ 10 փաստով

2. «Փյունիկն» առաջնության աշնանային հատվածում անկայուն ելույթներ ունեցավ: Առավել հաջող «Փյունիկը» հանդես եկավ 1-ին շրջանում` 8 հանդիպումներում վաստակելով 15 միավոր (+5=0-3, 14-12), ինչը հնարավոր միավորների 62,5 տոկոսն է: Դա առաջնությունում 2-րդ արդյունքն էր «Ալաշկերտից» հետո: Իսկ ահա 2-րդ շրջանում թիմի օգտին 12 միավոր գրանցվեց (+3=3-2, 6-4), ինչը հնարավոր միավորների 50 տոկոսն է:

«Փյունիկն» ավելի հաջող հանդես եկավ հյուրընկալվելիս՝ անցկացրած 8 հանդիպումներում իր օգտին գրանցելով 17 միավոր (+5=2-1, 12-18), ինչը հնարավոր միավորների 70,8 տոկոսն է: Այդ ցուցանիշը լավագույնն է «Արարատ-Արմենիայի» հետ, որը մեկ խաղ ավելի է անցկացրել: Մրցակիցների հարկի տակ փյունիկցիները հաղթել են «Շիրակին» (2-1), «Արարատին» (3-1), «Ալաշկերտին» (2-1), «Գանձասար-Կապանին» (2-1) և «Լոռիին» (1-0):

Սեփական հարկի տակ անցկացրած 9 հանդիպումներում «Փյունիկը» վաստակեց 10 միավոր (+3=1-5, 9-11), ինչը հնարավոր միավորների 37 տոկոսն է: Սեփական դաշտում փյունիկցիները պարտվել են «Լոռիին» (0-3), «Գանձասար-Կապանին» (0-1, 1-3), «Ալաշկերտին» (0-1) և «Արարատին» (0-1):

3․ Առաջնության ընթացքում «Փյունիկին» 2 անգամ հաջողվեց 3 անընդմեջ հաղթանակ տոնել: Թիմը 5 խաղ անպարտելի մնաց (2 հաղթանակ, 3 ոչ-ոքի), միևնույն ժամանակ առանց հաղթանակների 5 խաղերի շարք գրանցեց (3 ոչ-ոքի, 2 պարտություն), որի ժամանակ 363 րոպե շարունակ չգտավ մրցակիցների դարպասի բանալին:

«Բանանցը» 2-րդն է թե՛ աղյուսակում, թե՛ արդյունավետությամբ, թե՛ տնային խաղերի ցուցանիշով

17 հանդիպումներից միայն 5-ում է «Փյունիկի» դարպասն անառիկ մնացել: 6 խաղերում էլ «Փյունիկին» չի հաջողվել գրավել մրցակիցների դարպասը:

«Փյունիկը» մեկն էր առաջնության 3 թիմերից («Արարատ», «Արցախ»), որին չհաջողվեց խոշոր հաշվով հաղթանակ տոնել: Փյունիկցիներն այդ կարգի մեկ պարտություն կրեցին՝ 0-3 հաշվով զիջելով «Լոռիին»:

4․ «Փյունիկի» մասնակցությամբ հանդիպումներում նշանակվել է 11մ 8 հարված, որից իրացվել է 7-ը: Փյունիկցիների օգտին նշանակված 4 հարվածներից 3-ն է իրացվել: Էրիկ Վարդանյանը նպատակին է հասցրել իրացրած երկու հարվածներն էլ: Իսկ ահա Ռումյան Հովսեփյանը դիպուկ է իրացրել երկու հարվածներից միայն մեկը, մյուսը դիպել է դարպասաձողին:

«Փյունիկի» դարպասին նշանակված 4 հարվածներն էլ ավարտվել են դարպասի գրավմամբ: 11մ նշակետից Անդրիա Դրագոևիչի պաշտպանած դարպասը գրավել են արարատցի Դմիտրի Մալյական, ալաշկերտցի Ղուկաս Պողոսյանը և գանձասարցի Միհրան Մանասյանը: «Արարատ-Արմենիայի» հարձակվող Իվայլո Դիմիտրովն էլ խոցել է Եվգենի Կոբոզևի պաշտպանած դարպասը:

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

5․ Արդյունավետությամբ «Փյունիկը» զիջեց միայն «Լոռիին» և «Բանանցին»: Թիմի խփած 21 գոլերի հեղինակներ դարձան 11 փյունիկցիներ: Վիտալի Ստեժկոն, Մաքսիմ Տրուսևիչը, Մաքսիմ Ժեստոկովը, Դենիս Վոյնովը, Մոհամեդ Կոնատեն և Ռուսլան Կորյանը բացեցին գոլերի հաշիվը Հայաստանի առաջնություններում, իսկ Ռումյան Հովսեփյանն ու Հովհաննես Իլանգյոզյանն առաջին գոլերը խփեցին «Փյունիկում»:

Առավել արդյունավետ գործեց Էրիկ Վարդանյանը՝ դառնալով 4 գոլի հեղինակ: Նա կրկնեց արդյունավետության անձնական ռեկորդը, որ սահմանել էր 2017/18թթ. առաջնությունում: Հետաքրքիր է, որ նախորդ առաջնության աշնանային հատվածում նույնպիսի արդյունքով թիմի ռմբարկուն Ալիկ Առաքելյանն էր:

Հետևե՛ք VNews.am-ին նաև Youtube-ում և Instagram-ում:

1 2

Միայն 1 հաղթական մեկնարկ. Հետաքրքրաշարժ թվեր ու փաստեր Հայաստանի հավաքականի ելույթներից ԵՎՐՈ 2020-ին ընդառաջ

Ռուսլան Կորյանը կարիերան շարունակելու շատ էկզոտիկ տարբերակ է գտել

«Միշտ ասում եմ իմ ֆուտբոլիստներին, որ Մխիթարյանի մակարդակին հասնելու համար պետք է կրկնակի ավելացնեն». Անդրեյ Տալալաև

11 լավագույնները․ Բարձրագույն խմբի 23-րդ տուրի խորհրդանշական հավաքականը

«Գանձասար-Կապանն» ու իր «առեղծվածային» շարքը, առաջնության «դիպուկահար-հարձակվողը»

Յուրի Նագայցևը՝ հավաքականի թեկնածուների մարզավիճակի, Ալիկ Առաքելյանին ավելի ուժեղ ակումբ բաց թողնելու պատրաստակամության և այլ թեմաների մասին (տեսանյութ)

Սևադա Արզումանյան․ «Ֆուտբոլիստների վարպետությունը պետք է բարձրացնենք, իսկ հոգեբանական խնդիրը կլուծվի 1-2 հաջող խաղից հետո» (տեսանյութ)

«Փյունիկը» սրում է չեմպիոնական պայքարը․ երևանյան թիմը ծանր հաղթանակ տոնեց «Արցախի» նկատմամբ (տեսանյութ)

«Փյունիկ» – «Արցախ»․ Մեկնարկային կազմեր, ուղիղ հեռարձակում (տեսանյութ)

Հայկական Կլասիկո, որը կազդի չեմպիոնական պայքարի վրա․ Ամենահետաքրքիր փաստերը՝ ԲԽ-ի 23-րդ տուրին ընդառաջ

Ցնցող ցուցանիշներ Մարկոսից, Մանուչարյանից, Արա Հակոբյանից․․․ Անհատական բացառիկ ռեկորդներ Բարձրագույն խմբից

11 լավագույնները․ Բարձրագույն խմբի 22-րդ տուրի խորհրդանշական հավաքականը

«Շիրակը» մոտ 7 ամսվա դադարից հետո գոլ բաց թողեց Գյումրիում, իսկ Անտոն Կոբյալկոն անկասելի է

Միայն «Փյունիկն» է կարողանում Գյումրիում պարտության մատնել «Շիրակին» (տեսանյութ)

«Շիրակ» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

Վարդան Մինասյան․ «Մեր առաջնությունում քիչ կան Պետրոս Ավետիսյանի պես ոչ ստանդարտ մտածող ֆուտբոլիստներ» (տեսանյութ)