fbpx
Բաժիններ

Լեգեոներների քանակով մյուս բոլորին գերազանցող ակումբը

«Արարատ-Արմենիայի» ելույթների ամփոփումը՝ 10 փաստով

VNews.am-ը շարունակում է ՀՀ առաջնության աշնանային հատվածում թիմերի ելույթների ամփոփումը: Այսօր կանդրադառնանք «Արարատ-Արմենիային»:

1․ Բարձրագույն խմբի նորեկ «Արարատ-Արմենիան» 27-րդ առաջնության աշնանային հատվածն ավարտեց 4-րդ հորիզոնականում՝ 17 հանդիպումներում վաստակելով 26 միավոր (+7=5-5, 20-14), ինչը հնարավոր միավորների 50,9 տոկոսն է:

2․ Առաջնության աշնանային հատվածում «Արարատ-Արմենիան» հանդես եկավ 3 մարզիչների գլխավորությամբ: Մեկնարկային 8 հանդիպումներում թիմի ղեկին Վադիմ Սկրիպչենկոն էր, որի օրոք «Արարատ-Արմենիան» վաստակեց 11 միավոր (+3=2-3, 12-11), ինչը հնարավոր միավորների 45,8 տոկոսն է:

9-րդ տուրում «Լոռիի» հետ խաղում (0-0) գլխավոր մարզչի պարտականությունները կատարում էր Արտակ Օսեյանը: Հաջորդ 8 խաղերն «Արարատ-Արմենիան» անցկացրեց Վարդան Մինասյանի գլխավորությամբ՝ վաստակելով հնարավոր միավորների 58,3 տոկոսը (+4=2-2, 8-3):

3․ Առաջնության 1-ին շրջանում «Արարատ-Արմենիան» վաստակեց 11 միավոր (+3=2-3, 12-11), ինչը հնարավոր միավորների 45,8 տոկոսն է: 2-րդ շրջանում թիմի օգտին մեկ միավոր ավելի գրանցվեց (+3=3-2, 7-3), ինչը հնարավոր միավորների 50 տոկոսն է:

Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են․ «Ալաշկերտի» ելույթների ամփոփումը՝ 10 փաստով

«Արարատ-Արմենիան» ավելի հաջող հանդես եկավ հյուրընկալվելիս՝ անցկացրած 9 հանդիպումներում իր օգտին գրանցելով 17 միավոր (+5=2-2, 12-6), ինչը հնարավոր միավորների 62,9 տոկոսն է: Այդ ցուցանիշը լավագույնն է «Փյունիկի» հետ, որը մեկ խաղ պակաս է անցկացրել: Մրցակիցների հարկի տակ «Արարատ-Արմենիան» հաղթել է «Լոռիին» (2-0, 1-0), «Ալաշկերտին» (3-1), «Արարատին» (1-0) և «Բանանցին» (3-0):

Սեփական հարկի տակ անցկացրած 8 հանդիպումներում «Արարատ-Արմենիան» վաստակեց 9 միավոր (+2=3-3, 8-8), ինչը հնարավոր միավորների 37,5 տոկոսն է: Սեփական դաշտում «Արարատ-Արմենիան» պարտվել է «Արարատին» (1-2), «Բանանցին» (1-3) և «Ալաշկերտին» (0-1):

«Բանանցը» 2-րդն է թե՛ աղյուսակում, թե՛ արդյունավետությամբ, թե՛ տնային խաղերի ցուցանիշով

4․ Առաջնության ընթացքում «Արարատ-Արմենիան» Վարդան Մինասյանի գլխավորությամբ 3 անընդմեջ հաղթանակ տոնեց: Նրա օրոք թիմը նաև 4 խաղ շարունակ չկարողացավ հաղթել (2-ական ոչ-ոքի և պարտություն)՝ այդ հանդիպումներում չգտնելով մրցակիցների դարպասի բանալին: Այդ ընթացքում «Արարատ-Արմենիայի» ֆուտբոլիստները 408 րոպե շարունակ խաղադաշտում պարապուրդ տվեցին:

«Արարատ-Արմենիային» 4 անպարտելի խաղերի շարք հաջողվեց (1 հաղթանակ, 3 ոչ-ոքի), որում թիմի դարպասն անառիկ մնաց: Ընդհանուր առմամբ 17 հանդիպումներից 8-ում է «Արարատ-Արմենիայի» դարպասն անառիկ մնացել: 6 խաղերում էլ «Արարատ-Արմենիային» չի հաջողվել գրավել մրցակիցների դարպասը:

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

«Արարատ-Արմենիան» խոշոր հաշվով մեկ հաղթանակ տոնեց՝ 3 անպատասխան գնդակ ուղարկելով «Բանանցի» դարպասը: «Արարատ-Արմենիան» մեկն էր առաջնության 3 թիմերից («Ալաշկերտ», «Լոռի»), որը խոշոր հաշվով չպարտվեց:

5․ «Արարատ-Արմենիայի» մասնակցությամբ հանդիպումներում նշանակվել է 11մ 5 հարված, որից իրացվել է 4-ը: Թիմի օգտին նշանակված 4 հարվածներից 3-ն է իրացվել: Առաջին 11մ հարվածն անվրեպ է իրացրել Հրայր Մկոյանը: Մյուս 3 հարվածները կատարել է Իվայլո Դիմիտրովը, որից երկուսն ավարտվել է դարպասի գրավմամբ, մեկը հետ է մղել «Արարատի» դարպասապահ Միխաիլ Պետրուշչենկովը:

«Փյունիկն» այս առաջնության ռեկորդ է սահմանել խաղերին մասնակցած ֆուտբոլիստների քանակով․ «Փյունիկի» ելույթների ամփոփումը՝ 10 փաստով

Թիմի դարպասին նշանակված 11մ միակ հարվածը դիպուկ է իրացրել ալաշկերտցի Էդգար Մանուչարյանը՝ խոցելով Դմիտրի Աբակումովի պաշտպանած դարպասը:

Միացի՛ր հայկական ամենասպորտային Instagram-ին:

1 2

Podcast #8. Բարձրագույն խմբի աշնանային հատվածի ամփոփում (տեսանյութ)

Բարձրագույն խմբի 15-րդ տուրի խորհրդանշական հավաքականը և լավագույն ֆուտբոլիստը

«Գանձասար-Կապանից» շուրջ 2,5 տարի պահանջվեց «Շիրակին» ԲԽ-ում հաղթելու համար

«Արարատ-Արմենիան» և «Ուրարտուն» տարին ավարտեցին ոչ-ոքիով․ VNews-ի ֆոտոշարքը

Ջոնել Դեսիրեի պենտա-տրիկը և «Լոռիի» սպասված հաղթանակը, ոչ-ոքիներ մյուս խաղերում (տեսանյութ)

Գրիգորյանը չեմպիոնի դեմ խաղով կսկսի աշխատանքն առաջնությունում․ Ամենաուշագրավ փաստերը՝ ԲԽ-ի 15-րդ տուրին ընդառաջ

11-2-ի հետքերով․ Որ թիմն է տոնել ամենախոշոր հաշվով հաղթանակը գավաթի խաղարկությունների պատմության մեջ

Գավաթային շունչ Չարենցավանում, ԲԽ-ի թիմերի պայքար Վանաձորում և Երևանում․ VBet Հայաստանի գավաթի քառորդ եզրափակիչին ընդառաջ

Ընթացիկ առաջնության առաջին պոկերը, «Լոռիից» 461 րոպե պահանջվեց «Արարատ-Արմենիային» գոլ խփելու համար

«Ալաշկերտը» Գյումրիում հաղթեց «Շիրակին», «Լոռին» պարտության մատնեց գործող չեմպիոնին (տեսանյութ)

Խաղերի մեծամասնությունը կկայանա Երևանից դուրս․ Ամենաուշագրավ փաստերը՝ ԲԽ-ի 14-րդ տուրին ընդառաջ

Կոբյալկոն Հայաստանում հանդես եկած միակ լեգեոներն է, որ արդյունավետության տարիքային ռեկորդ է սահմանել

Հայկական ակումբների 7 լեգեոներներ հրավիրվել են իրենց երկրների ազգային հավաքականներ

Բարձրագույն խմբի 13-րդ տուրի խորհրդանշական հավաքականը և լավագույն ֆուտբոլիստը

Առաջնության ամենախոշոր հաշվով հաղթանակն ու ամենագոլառատ խաղը

Վարդան Մինասյան․ «Խնդիր ունենք պաշտպանության կենտրոնում»