fbpx
Բաժիններ

Այստեղ են խաղում առաջնության մասնակիցներից ամենատարեցն ու ամենաարդյունավետը

«Գանձասար-Կապանի» ելույթների ամփոփումը՝ 10 փաստով

VNews.am-ը շարունակում է ամփոփել ՀՀ առաջնության աշնանային հատվածում թիմերի ելույթները: Այսօր կանդրադառնանք «Գանձասար-Կապանին»:

1․ «Գանձասար-Կապանը» 27-րդ առաջնության աշնանային հատվածն ավարտեց 7-րդ հորիզոնականում՝ 17 հանդիպումներում վաստակելով 22 միավոր (+6=4-7, 19-16), ինչը հնարավոր միավորների 43,1 տոկոսն է:

Համեմատության համար նշենք, որ նախորդ առաջնության աշնանային հատվածում գանձասարցիները 15 հանդիպումներում 24 միավոր էին վաստակել (+6=6-3, 22-13), ինչը հնարավոր միավորների 53,3 տոկոսն էր: Կապանցիներն ընթանում էին 2-րդ հորիզոնականում:

Նախորդ մրցաշրջանի 17 հանդիպումներում «Գանձասար-Կապանը» 27 միավոր էր վաստակել (+7=6-4, 23-14), ինչը հնարավոր միավորների 52,9 տոկոսն էր: Այնպես որ, նախորդ մրցաշրջանի համեմատ գանձասարցիները զգալի հետընթաց են ունեցել: «Գանձասար-Կապանը» 5 միավոր պակաս վաստակեց, մեկ հաղթանակ պակաս տոնեց, 3 պարտություն ավելի կրեց: Թիմի արդյունավետությունը նվազել է 4 գնդակով, իսկ բաց թողած գոլերի քանակն ավելացել է 2-ով:

2․ «Գանձասար-Կապանն» անհավասարաչափ ելույթներ ունեցավ առաջնության աշնանային հատվածում: Առաջին շրջանում թիմն ընդամենը 6 միավոր վաստակեց (+1=3-4, 8-10), ինչը հնարավոր միավորների 25 տոկոսն է: Երկրորդ շրջանում «Գանձասար-Կապանը» զգալի առաջընթաց գրանցեց՝ վաստակելով 13 միավոր (+4=1-3, 8-5), ինչը հնարավոր միավորների 54,1 տոկոսն է:

«Ալաշկերտի» ելույթների ամփոփումը՝ 10 փաստով

«Գանձասար-Կապանը» սեփական հարկի տակ անցկացրած 8 հանդիպումներում վաստակեց 11 միավոր (+3=2-3, 11-6), ինչը հնարավոր միավորների 45,8 տոկոսն է: Սեփական հարկի տակ գանձասարցիները պարտվել են «Ալաշկերտին» (0-1), «Փյունիկին» (1-2) և «Արցախին» (0-2):

Հյուրընկալվելիս անցկացրած 9 հանդիպումներում կապանցիների օգտին գրանցվեց հնարավոր միավորների 40,7 տոկոսը (+3=2-4, 8-10): Մրցակցի հարկի տակ «Գանձասար-Կապանին» հաջողվել է հաղթանակ տոնել «Փյունիկի» (1-0, 3-1) և «Արարատի» (2-0) նկատմամբ:

«Բանանցի» ելույթների ամփոփումը՝ 10 փաստով 

3․ «Գանձասար-Կապանը» մեկնարկային 6 հանդիպումներում այդպես էլ չվայելեց հաղթանակի բերկրանքը (3-ական ոչ-ոքի և պարտություն): Դա թիմի պատմության մեջ նոր հակառեկորդ է: Նախկինում կապանցիները չէին հաղթել մեկնարկային 5 հանդիպումներում (2009թ.՝ 5 պարտություն, 2017/18թթ.՝ 2 ոչ-ոքի, 3 պարտություն):

Առաջնությունում առաջին հաղթանակը գանձասարցիները տոնեցին միայն 7-րդ խաղում՝ սեփական հարկի տակ 4-0 հաշվով հաղթելով «Արարատին»: Աշնանային հատվածի վերջնագծում «Գանձասար-Կապանը» 4 անընդմեջ հաղթանակ տոնեց: Այդ հաղթանակներին նախորդել էր 417 րոպե տևած գոլային երաշտը:

«Փյունիկի» ելույթների ամփոփումը՝ 10 փաստով

Անցկացրած 17 հանդիպումներից 7-ում կապանցիների դարպասն անառիկ է մնացել, որից 3-ում՝ անընդմեջ: 8 խաղում էլ գանձասարցիներին չի հաջողվել գրավել մրցակիցների դարպասը:

Գանձասարցիները խոշոր հաշվով երկու հաղթանակ տոնեցին («Արարատ»՝ 4-0, «Բանանց»՝ 3-0): «Գանձասար-Կապանը» խոշոր հաշվով պարտվեց «Լոռիին»՝ բաց թողնելով 3 անպատասխան գնդակ:

«Արարատ-Արմենիայի» ելույթների ամփոփումը՝ 10 փաստով

«Ալաշկերտի» և «Արարատ-Արմենիայի» հետ երկուական հանդիպումներում «Գանձասար-Կապանին» այդպես էլ չհաջողվեց գրավել մրցակիցների դարպասը: Ընդ որում ալաշկերտցիներին կապանցիները պարտվել էին միևնույն 0-1 հաշվով, իսկ «Արարատ-Արմենիայի» հետ երկու խաղերում էլ գոլազուրկ ոչ-ոքի էր գրանցվել: Առավել հաջող «Գանձասար-Կապանը» խաղացել է «Արարատի» հետ՝ երկու հանդիպումներում էլ հաղթելով «չոր» հաշվով՝ 4-0, 2-0:

4․ «Գանձասար-Կապանի» մասնակցությամբ հանդիպումներում նշանակվել է 11մ 6 հարված, որից իրացվել է 5-ը: Թիմի օգտին նշանակված 11մ 4 հարվածներն էլ դիպուկ են իրացվել: Միհրան Մանասյանը գրավել է արցախցի Սամուր Ագամագոմեդովի, «Լոռիի» դարպասապահ Դանիլո Ռյաբենկոյի և փյունիկցի Անդրիա Դրագոևիչի պաշտպանած դարպասները: Ալեքս Քրիստիան Ջունիորն էլ 11մ հարվածով խոցել է «Բանանցի» դարպասապահ Արամ Հայրապետյանի պաշտպանած դարպասը:

«Լոռիի» ելույթների ամփոփումը՝ 10 փաստով

Թիմի դարպասին նշանակված 11մ երկու հարվածներից մեկն է ավարտվել դարպասի գրավմամբ: Փյունիկցի Էրիկ Վարդանյանը խոցել է Գևորգ Կասպարովի պաշտպանած դարպասը: Իսկ մինչ այդ Գրիգոր Մելիքսեթյանի դարպասին փյունիկցի Ռումյան Հովսեփյանի կատարած հարվածից հետո գնդակը հետ էր մղվել դարպասաձողից:

5․ Արդյունավետությամբ գանձասարցիները գերազանցեցին միայն «Շիրակին», «Արցախին» և «Արարատին»: Թիմի խփած 19 գոլերի հեղինակներ դարձան 7 գանձասարցիներ, ինչպես նաև արարատցի Գոռ Պողոսյանն ու արցախցի Համլետ Ասոյանը, որոնք դարձան ինքնագոլի հեղինակներ: Միհրան Մանասյանը, Դրիսա Դիարասուբան և Գևորգ Օհանյանը բացեցին գոլերի հաշիվը «Գանձասար- Կապանում»:

«Շիրակի» ելույթների ամփոփումը՝ 10 փաստով

Առաջնության աշնանային հատվածում բոլորից արդյունավետ գործեց թիմի նորեկ, ճանաչված ռմբարկու Միհրան Մանասյանը՝ խփելով 6 գնդակ: 29-ամյա Մանասյանը գերազանցեց նախկին գանձասարցիներ Էդգար Սաֆարյանի (2007թ.) և Սամվել Մելքոնյանի (2013թ.) տարիքային ռեկորդը: Նրանք այդ տարիքում 4 գոլի հեղինակ էին դարձել:

Միհրան Մանասյանը Բարձրագույն խմբում խփած գոլերի քանակը հասցրեց 75-ի և ՀՀ առաջնությունների 100 լավագույն ռմբարկուների ցանկում 20-21-րդ տեղերն է բաժանում Մարկոս Պիզելիի հետ: Այդ ցուցանիշով Մանասյանն ընթացիկ առաջնության մասնակիցների մեջ ամենաարդյունավետն է:

Հետևե՛ք VNews.am-ին նաև Youtube-ում և Instagram-ում:

1 2

Հայկական ակումբների 7 լեգեոներներ հրավիրվել են իրենց երկրների ազգային հավաքականներ

Աբրահամ Խաշմանյանի՝ վայրիվերումներով լի մարզչական ուղին

Առաջնության ամենախոշոր հաշվով հաղթանակն ու ամենագոլառատ խաղը

Աշոտ Բարսեղյան․ «Սա պարտվելու խաղ չէր․ 1-2 մետրից հարվածով գոլ չենք խփում» (տեսանյութ)

«Ուրարտուն» 6-գոլանոց խաղում կամային հաղթանակ տարավ (տեսանյութ)

Պայքարը նոր ուժով է բորբոքվում․ Ամենաուշագրավ փաստերը՝ ԲԽ-ի 13-րդ տուրին ընդառաջ

Մարկոս Պիզելին հրաժեշտի խոսքով դիմել է «Ակտոբեի» երկրպագուներին

«Շիրակն» ու «Փյունիկն» ավելի քան 2 տարի է, ինչ չեն հաղթել VBet Հայաստանի գավաթում

Արմեն Պետրոսյան․ «Ուզում էի այնպիսի թիմ ունենալ, որ ֆուտբոլիստները դաշտում «մեռնեին»․ այսօր տեսա այդ թիմը» (տեսանյութ)

Աշոտ Բարսեղյան․ «Գովեստի խոսքեր եմ ուզում ասել մեր բոլոր ֆուտբոլիստների հասցեին» (տեսանյութ)

Վարդան Բիչախչյան․ «Վատ հանդիպում չանցկացրինք․ իրական գոլային պահեր ունեինք, որոնք չօգտագործեցինք» (տեսանյութ)

Լարված պայքար՝ առաջինից մինչև վերջին րոպեն․ VNews-ի ֆոտոշարքը «Գանձասար-Կապան» – «Շիրակ» խաղից

VBet Հայաստանի գավաթ․ «Գանձասար-Կապանը» հաղթեց «Շիրակին» ու դուրս եկավ հաջորդ փուլ (տեսանյութ)

Գավաթային կրքերի վերադարձը․ VBet Հայաստանի գավաթի խաղարկության 1/8 եզրափակիչին ընդառաջ

Բարձրագույն խմբի 12-րդ տուրի խորհրդանշական հավաքականը և 2 լավագույն ֆուտբոլիստները

«Շիրակը» լավագույն արդյունքը գրանցեց թիմի պատմության մեջ վերջին 17 տարիներին