fbpx

Պաշտոնական․ Միրչա Լուչեսկուն հեռացել է Թուրքիայի հավաքականից

Ռումինացի մասնագետ Միրչա Լուչեսկուն լքել է Թուրքիայի հավաքականի գլխավոր մարզչի պաշտոնը, հաղորդում է երկրի ֆուտբոլի ֆեդերացիայի պաշտոնական կայքը։ Կողմերը համաձայնության են եկել համագործակցությունը դադարեցնելու վերաբերյալ։

«Կարծում եմ՝ Թուրքիայի հավաքականին լավ արդյունքների հասնելու համար անհրաժեշտ է կազմի երիտասարդեցում։ Իմ աշխատանքն այստեղ ավարտված է։ Թիմին նոր մարզիչ է անհրաժեշտ, որը նրա հետ կաշխատի 2020 թվականի Եվրոպայի առաջնության ընտրական փուլում։ Մենք ամեն ինչի մասին պայմանավորվածության ենք հասել Թուրքիայի ֆուտբոլի ֆեդերացիայի հետ և եկել փոխադարձ համաձայնության»,- ասել է Լուչեսկուն։

Լուչեսկուն Թուրքիայի հավաքականի գլխավոր մարզչի պաշտոնը զբաղեցնում էր 2017 թվականի օգոստոսից։ Ռումինացի մասնագետն ավելի վաղ աշխատել է «Ինտերում», «Գալաթասարայում», «Շախտյորում», «Զենիթում», «Ռապիդում», «Բեշիքտաշում» և այլ թիմերում։ Լուչեսկուն մարզել է նաև Ռումինիայի հավաքականը։ Նա «Շախտյորում» աշխատել է Հայաստանի ընտրանու կիսապաշտպան Հենրիխ Մխիթարյանի հետ։

Սուլշերը բարձր է գնահատել ՊՍԺ-ի շանսերը Չեմպիոնների Լիգայի առաջիկա խաղում

Հետևե՛ք VNews.am-ին նաև Youtube-ում և Instagram-ում: