Ռիբերի․ «Մինչ օրս չեմ հասկանում, թե ինչու չստացա «Ոսկե գնդակը» - VNews
Բաժիններ

Ռիբերի․ «Մինչ օրս չեմ հասկանում, թե ինչու չստացա «Ոսկե գնդակը»

«Բավարիայի» հարձակողական ոճի կիսապաշտպան Ֆրանկ Ռիբերին France Football-ին տված հարցազրույցում անդրադարձել է «Ոսկե գնդակ» մրցանակին, որը նվաճելուն մոտ էր 2013 թվականին, երբ հայտնվել էր հավակնորդների եռյակում։

Պատվավոր ավարն այդ տարի բաժին էր հասել տվյալ պահին դեռ Մադրիդի «Ռեալում» հանդես եկող Կրիշտիանու Ռոնալդուին, որը 2013 թվականի ընթացքում ոչ մի տիտղոս չէր նվաճել ո՛չ ակումբում, ո՛չ էլ Պորտուգալիայի հավաքականում։

«Ես ինձ պատկերացնում էի «Ոսկե գնդակի» դափնեկրի դերում։ Դա է ճշմարտությունը։ Առ այսօր մտածում եմ, որ արժանի էի մրցանակին, չեմ հասկանում, թե ինչու չստացա այն։ Չեմ համակերպվում արդյունքների հետ։ Արել էի ամեն ինչ, որ ստանայի պարգևը, «լրացրել» էի բոլոր կետերը։ «Բավարիայի» հետ հաղթել էի հնարավոր բոլոր մրցաշարերում՝ Բունդեսլիգա, Գերմանիայի գավաթ, Չեմպիոնների լիգա, ՈՒԵՖԱ-ի Սուպերգավաթ, աշխարհի ակումբային առաջնություն։ ՈՒԵՖԱ-ի կողմից ճանաչվել էի մրցաշրջանի լավագույն ֆուտբոլիստ։

Տեսականորեն հնարավոր չէր դրանից ավելի լավ հանդես գալ։ Անհատապես շատ-շատ-շատ լավ տարի էի անցկացրել, հաջողության հասել ակումբիս, նաև՝ հավաքականիս հետ, քանի որ վճռորոշ դեր էի խաղացել Ուկրաինայի ընտրանու հետ ընտրական փուլի փլեյ-օֆֆի պատասխան խաղում (3-0)։

Մինչ օրս չեմ հասկանում, թե ինչու էր քվեարկության անցկացման ժամկետը երկարաձգվել մոտ 15 օրով։ Եթե լրագրողներն ընտրելիս լինեին այդ շաբաթների լավագույնին, ես կհասկանայի, բայց դա այդպես չէր։ Որևէ բան չունեմ Կրիշտիանու Ռոնալդուի կամ Լիոնել Մեսիի դեմ։

Ես, իրոք, մեծ հարված էի ստացել։ Քվեարկությունում ստացածս 3-րդ հորիզոնականն ընդունել եմ որպես սարսափելի անարդարություն։ Ինքս ինձ հարցրել եմ 10 հազար անգամ՝ ինչո՞ւ ոչ ես։ Ինչքան երկար եմ մտածում, այնքան ավելի շատ եմ տանջվում։ Շատ բաներ «մաքուր» չէին այդ քվեարկությունում․․․»,- ասել է Ռիբերին։

Ռիբերի. «Բավարիան» իսկական ընտանիք է, մենք մեծ սիրո պատմություն ունենք»

Միացի՛ր հայկական ամենասպորտային Instagram-ին:


Ա սերիայի խորհրդանշական հավաքականը՝ ըստ VNews-ի

«Էլի «Յուվեն», փայլուն «Լացիոն», գոլահար Բերգամոն ու մեռած ՍՊԱԼ-ը». Ամփոփում ենք Ա սերիայի 19/20 մրցաշրջանը

Ինչ պայմաններ էր «Ռեալն» առաջարկել Լևանդովսկիին 2013 թվականին

«Նա ապագայում կարող է նվաճել «Ոսկե գնդակը»․ Ֆաբիո Կապելո

Գատուզո․ «Միայն երազում կամ որդուս PlayStation-ով կարող եմ մրցակցել Մեսիի հետ»

Սետյենը գտել է Մեսիից առավելագույնը քաղելու տարբերակը

«ՍուպերԲավարիան», որ ցանկանում էր տեսնել Գվարդիոլան

Արդեն պաշտոնապես. Իմոբիլեն նվաճեց «Ոսկե խաղակոշիկ» 2019/20-ը

«ԱնSpasito». Եվրոպայի թոփ լիգաների անկանխատեսելի 5 չեմպիոնությունները

«Ես Ալաբային նմանեցնում եմ Բեկենբաուերին». Ռումենիգե

21-րդ դար․ 11-մետրանոցից ամենաշատ վրիպած ֆուտբոլիստները

Ռոնալդուն 6 մլն. եվրո արժողությամբ զբոսանավ է գնել՝ նշելու Ա սերիայում չեմպիոնությունը

«Բավարիան» սահմանել է Տիագո Ալկանտարայի գինը

Կոնտե. «Ավելի հեշտ է տեղափոխել Միլանի տաճարը, քան ձեռք բերել Մեսիին»

Ռոնալդուն կարող է բաց թողնել «Յուվենտուսի» առաջիկա խաղը

«Կրիշտիանու Ռոնալդուն ֆուտբոլի Մայքլ Ջորդանն է». Ջեսի Լինգարդ