Կասեմիրո․ «Ռոնալդո՞ւն․ Բենզեման մեկ շաբաթ առաջ աշխարհի լավագույն հարձակվողն էր»

Մադրիդի «Ռեալի» կիսապաշտպան Կասեմիրոն պատասխանել է այն հարցին, թե հարձակվող Կրիշտիանու Ռոնալդուի հեռանալն «Արքայական» ակումբից արդյոք անդրադարձել է Իսպանիայի գավաթի խաղարկության կիսաեզրափակիչում «Բարսելոնայի» հետ պատասխան խաղում գրանցված արդյունքի վրա (0-3)։

«Չենք կարող խոսել նրանց մասին, որոնք այժմ այստեղ չեն։ Ռոնալդուն չի խաղում «Ռեալում», իսկ Բենզեման մեկ շաբաթ առաջ աշխարհի լավագույն հարձակվողն էր։ Այժմ պետք է համառ պայքար մղենք մեր անվան համար։

Չկարողացանք գոլ խփել, սակայն շատ լուրջ պայքար մղեցինք ու ստեղծեցինք գոլային պահեր։ Բայց եթե դու չես օգտագործում քո հնարավորությունները, ապա մրցակիցը կարող է քեզ համար խնդիրներ ստեղծել։

Անընդունելի եմ համարում քննադատության սլաքները Վինիսիուսի կողմն ուղղելը։ Նա իսկական մարտիկ է ու ոչնչից չի վախենում։ Վինիսիուսի ցուցադրած խաղամակարդակը տպավորում է, հատկապես եթե նկատի ունենանք նրա տարիքը»,- Կասեմիրոյի խոսքերը մեջբերում է Marca-ն։

34-ամյա Ռոնալդուն նախորդ ամռանը 117 մլն եվրոյի դիմաց համալրել է «Յուվենտուսի» շարքերը։

Կլասիկոյի ժամանակ թալանել են Բենզեմայի տունը

Հետևե՛ք VNews.am-ին նաև Youtube-ում և Instagram-ում: