fbpx

11 լավագույնները․ Բարձրագույն խմբի 22-րդ տուրի խորհրդանշական հավաքականը

Ձեր ուշադրությանն ենք ներկայացնում Հայաստանի Բարձրագույն խմբի առաջնության 22-րդ տուրի խորհրդանշական հավաքականն ըստ VNews.am-ի։

Դարպասապահ՝ Արսեն Սիուկաև («Լոռի»)

«Լոռին» մնում է առաջնության միակ թիմը, որ գարնանային հատվածում գոլ դեռ բաց չի թողել։ «Բանանցի» հետ մրցավեճի առաջին խաղակեսում վանաձորյան թիմի պաշտպաններն ու հենակետայինները հաճախ էին «անմեղ» իրավիճակներում կորցնում գնդակը, սակայն դարպասապահ Սիուկաևը հասցնում էր ապահովագրել նրանց։ «Բանանցի» հաղթանդամ հարձակվող Ալեքսանդր Գլիշիչը դրվագներից մեկում գլխի անչափ սպառնալից հարված կատարեց, բայց Սիուկաևն այդտեղ նույնպես կանգնեց գնդակի ճանապարհին։

Պաշտպաններ՝ Արմեն Մանուչարյան («Փյունիկ»)

Մանուչարյանը մեր ֆուտբոլի «նոր Արտակ Եդիգարյանն» է դառնում։ Հիմա նրան «Փյունիկում» օգտագործում են թե՛ որպես եզրային պաշտպան, թե՛ որպես հենակետային, իսկ վերջին մրցավեճում պաշտպանության կենտրոնում էր։ Մանուչարյանը բավականին լավ տպավորություն թողեց։ Կարելի է առանձնացնել այն պահը, երբ Մուսա Փոլ Բակայոկոն արդեն պատրաստվում էր եզրափակիչ հարված կատարել, իսկ Մանուչարյանը, թիկունքից մոտենալով, «մաքուր» սահանկումով փախցրեց գնդակը մրցակցի ոտքերի առջևից։

Հովհաննես Նազարյան («Արցախ»)

Այս պաշտպանի խաղային առաջընթացն ակնառու է։ Ունի դիրք ընտրելու կարողություն, տակտիկական գրագիտություն։ Ֆիզիկական ուժը բարելավելու դեպքում ավելի հզոր տեսք կունենա։ «Արցախը» որոշ խաղերում հանդես է գալիս 3 կենտրոնական պաշտպաններով, որոշներում՝ 2։ Նազարյանն այդ սխեմաներից յուրաքանչյուրում էլ իրեն «զով ու ապահով» է զգում։ Նույն որակներով աչքի ընկավ նաև «Արարատի» հետ հանդիպմանը։ Եղածով չբավարարվելու ցանկություն և աշխատասիրություն․ հիմա Նազարյանի համար այս գործոններն ամենակարևորն են։

Անդրանիկ Ոսկանյան («Բանանց»)

Այս ֆուտբոլիստն «Ալաշկերտի»՝ վերջին տարիների ամենակայուն խաղացողներից մեկն էր։ Նա այս առաջնության առաջին հատվածում անհասկանալի պատճառներով անտեսվում էր չեմպիոնի մարզչական շտաբի կողմից և հիմա «Բանանցում» է։ Էդվարդ Կպոդոյի վնասվածքը «Բանանց» – «Լոռի» մրցավեճի առաջին խաղակեսում շանս ընձեռեց Ոսկանյանին։ Նա անհատական մենամարտերում ուղղակի «կերավ» մրցակցի «գիշատիչ» հարձակվող Ջոնել Դեսիրեին, թիմն իր դարպասն անառիկ պահեց։ Անկասկած, կարող է ամրապնդվել «Բանանցում»։

Ալբերտ Գաջիբեկով («Բանանց»)

«Բանանցի» պաշտպանությունը քիչ սխալներ թույլ տվեց «Լոռիի» հետ հանդիպմանը։ Թիմի նորեկ Գաջիբեկովից առաջին տպավորությունները պարզապես հիասքանչ են։ Թե ինչպես էր նա սահանկումներով խլում գնդակը մրցակցի խաղացողներից, միանշանակ, պետք էր տեսնել սեփական աչքերով։ Գաջիբեկովը չէր վախենում ռիսկի դիմել, բայց հետաքրքիրն այն է, որ բոլոր դեպքերում էլ ռիսկն արդարացվում էր։ Տեսնենք՝ ինչպես կխաղա առաջիկայում։

Կիսապաշտպաններ՝ Արթուր Գրիգորյան («Արցախ»)

Մեր առաջնության ամենաթերագնահատված ֆուտբոլիստներից մեկը։ Գրիգորյանն այն սակավաթիվ տղաներից մեկն է, որ խաղում է համարյա առանց տատանումների՝ պահպանելով կայունություն։ 25-ամյա հենակետային կիսապաշտպանը նշանակալի աշխատանք է կատարում միջին օղակում ու իրականացնում թե՛ գնդակի խլում, թե՛ գրոհի շարունակության ընտրություն։ Այսօրվա «Արցախում» Գրիգորյանի դերակատարությունը չափից դուրս մեծ է։

«Շիրակը» մոտ 7 ամսվա դադարից հետո գոլ բաց թողեց Գյումրիում, իսկ Անտոն Կոբյալկոն անկասելի է

Հետևե՛ք VNews.am-ին նաև Youtube-ում և Instagram-ում:

1 2

Կոբյալկոն իր ծանրակշիռ խոսքն ասաց ամենակարևոր պահին․ VNews-ի ֆոտոշարքն «Արարատ-Արմենիա» – «Արցախ» խաղից

«Արարատ-Արմենիային» 1 հաղթանակ է պետք Հայաստանի չեմպիոն հռչակվելու համար (տեսանյութ)

«Ալաշկերտ» – «Բանանց», «Արարատ-Արմենիա» – «Արցախ»․ Մեկնարկային կազմեր, ուղիղ հեռարձակումներ (տեսանյութ)

«Փյունիկ»-«Արարատ» հանդիպումը կսպասարկի Անտոնիո Մատեու Լաոսը

«Փյունի՞կ», թե՞ «Արարատ-Արմենիա»․ ա՛յս է խնդիրը․ Ամենահետաքրքիր փաստերը՝ ԲԽ-ի 35-րդ տուրին ընդառաջ

Անհավատալի. Օմար Մոմանիի ծաղրանկարը՝ նվիրված Պետրոս Ավետիսյանին (նկար)

Արթուր Սողոմոնյան. «Ես մեծ հարգանքով եմ վերաբերվում «Լոռիին», և իմ խոսքերում ոչինչ չպետք է մեկնաբանվի որպես մեղադրանք»

«Արարատ-Արմենիան» ևս պաշտոնական հայտարարություն է տարածել

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 34-րդ տուրը

«Արարատ-Արմենիա» – «Արցախ» հանդիպումը կսպասարկի իսպանական մրցավարական անձնակազմը

ՊԱՇՏՈՆԱԿԱՆ. «Լոռի»-«Փյունիկ» հանդիպման հայտնի մրցավարը որակազրկվեց

Նման երևույթները պետք է անհապաղ արմատախիլ արվեն հայկական ֆուտբոլից. «Փյունիկի» պաշտոնական հայտարարությունը

Ընդամենը 2 թիմ է Գյումրիում հաղթել «Շիրակին», իսկ Դենիս Թումասյանն «Ալաշկերտի» ռեկորդակիրն է

Վահե Գևորգյան. «Արդյունքը արդարացի էր»

Ալեքսանդր Տարխանով. «Խաղի ելքը վճռեց մրցավարը, մենք բողոք ենք ներկայացնելու»

Դեսիրեն «Փյունիկին» գցում է չեմպիոնական գրաֆիկից՝ ոչ-ոքի Վանաձորում (տեսանյութ)