fbpx

Մխիթարյանը և «Արսենալի» նոր տրանսֆերային քաղաքականությունը

Արոն Ռեմսին կլինի «Արսենալի» վերջին աստղը, որ ակումբից հեռանում է առանց փոխհատուցման։ Այս մասին հաղորդում է Football London-ը։

Պարբերականը գրում է, որ լոնդոնյան ակումբը լուրջ դասեր է քաղել իր սխալներից։ Ակումբի նախկին գործատիր տնօրեն Իվան Գազիդիսը, որը հոկտեմբերին է թողել պաշտոնը, նախորդ ամռանը մերժել էր մի քանի ակումբների շահավետ առաջարկներ, ինչի պատճառով Ռեմսին մնացել էր թիմում։ Քանի որ ամռանը լրանում է նրա պայմանագրի ժամկետը, ուելսցին անվճար կհեռանա ակումբից՝ տեղափոխվելով «Յուվենտուս»։

«Արսենալի» նոր ֆուտբոլային տնօրեն Ռաուլ Սանլեհին ակումբի ղեկավար մյուս անձանց հետ հանդիպման ժամանակ նշել է՝ յուրաքանչյուր ֆուտբոլիստ, որի հետ չի նախատեսվում երկարաձգել պայմանագիրը և դրա ավարտին մնացել է 2 տարի, պետք է տրանսֆերի հանվի։ Բացառություն կարվի նրանց համար, ովքեր կարիերայի վերջին հատվածում են, և նրանց համար հնարավոր չի լինի լավ առաջարկներ ստանալ։

Սանլեհին նաև նշել է, որ պատրաստ է կտրուկ որոշումներ կայացնել այդ հարցում՝ ի բարօրություն «Արսենալի» ֆինանսական վիճակի։

Եթե լոնդոնյան ակումբը հանձն առնի այս քաղաքականությունը, ապա արդեն առաջիկա ամռանն առանցքային 5 ֆուտբոլիստ կհայտնվի հեռանալու վտանգի տակ։ Հենրիխ Մխիթարյանի, Պյեր-Էմերիկ Օբամեյանգի, Մեսութ Օզիլի, Շկոդրան Մուստաֆիի և Սոկրատիս Պապաստատոպուլոսի պայմանագրերը լրանում են 2021 թվականին, ինչը նշանակում է, որ այս մրցաշրջանի ավարտից հետո նրանց համաձայնագրերի սպառվելուն կմնա 2-ական տարի։

Football London-ը կարծիք է հայտնել, որ Սանլեհիի նշած բացառությունները կարող են վերաբերել Մխիթարյանին, Օզիլին ու Սոկրատիսին, քանի որ նրանք 3-ն էլ իրենց պայմանագրերի ավարտին կլինեն 32 տարեկան։ Իսկ այդ պարագայում ակումբը դժվար թե ստանա շահավետ առաջարկներ այս խաղացողների համար։

Նշված 5 խաղացողներից ամենահավանականը Շկոդրան Մուստաֆիի հեռանալն է, քանի որ Ունայ Էմերին դժգոհ է այս մրցաշրջանում այդ խաղացողի ելույթներից։ «Արսենալը» ծրագրում է ամռանն անպայման հրավիրել նոր կենտրոնական պաշտպանի։ Վտանգի տակ է նաև 29-ամյա Օբամեյանգը, քանի որ Էմերին նախընտրում է խաղալ մեկ հարձակվողով, իսկ այդ պարտականությունը կարող է վստահվել Ալեքսանդր Լակազետին։

Այդուհանդերձ, «Արսենալի» ղեկավարությանը բարդ է լինելու Օբամեյանգին բաց թողնելու որոշում կայացնել, քանի որ նա լավ մարզավիճակում է՝ այս մրցաշրջանում բոլոր մրցաշարերում միասին դառնալով 20 գոլի հեղինակ։

Մխիթարյանը «կշտամբել» է թիմակիցներին Armenia բառը չարտաբերելու համար (տեսանյութ)

Հետևե՛ք VNews.am-ին նաև Youtube-ում և Instagram-ում:


Աղբյուր․ «Նապոլին» մերժել է «Ռեալի» «յուղոտ» առաջարկը Կուլիբալիի տրանսֆերի համար

Մոնիկա Մխիթարյան․ «Հենրիխը գիտի՝ ինչ է ասում»

ՈւԵՖԱ-ի նախագահը՝ Մխիթարյանի՝ Բաքու չմեկնելու մասին․ «Չմեկնելու որոշումը կայացրել է ֆուտբոլիստը»

«Տոտենհեմը» ցանկանում է գնել Ասենսիոյին, «Ռեալը» աստղաբաշխական գումար է պահանջում

The Sun․ «Արսենալը» չի ընդդիմանա, եթե Մխիթարյանը որոշի հեռանալ ակումբից

#Գոլային_օրացույց_19. Ո՞վ է մայիսի 24-ի լավագույնը գոլի հեղինակը (լուսանկար, տեսանյութ)

Անգլիական գրանդը կապ է հաստատել Գրիզմանի հետ

4 առաջարկ, որ արդեն դրված է Ռամոսի սեղանին

Սանեն մոտ է Գերմանիա վերադառնալուն

Արտերկրում հանդես եկող 11 ֆուտբոլիստ հրավիրվել է ազգային հավաքական

Ալվեսը պատրաստ է գրազ գալ Էյֆելյան աշտարակի վրա, որ Նեյմարը չի հեռանա ՊՍԺ-ից

Գվարդիոլան «Մանչեսթեր Սիթիի» ղեկավարներին խնդրել է 3 ֆուտբոլիստի ձեռք բերել

«Արսենալի» ֆուտբոլիստները ցանկանում են ի աջակցություն Մխիթարյանի ակցիա իրականացնել, սակայն ռիսկը մեծ է

10 գոլ հավակնում է դառնալ «Արսենալի» մրցաշրջանի լավագույնը

«Մանչեսթեր Յունայթեդի» առաջարկը կարող է ստիպել դե Լիգտին չտեղափոխվել «Բարսելոնա»

Վենգեր. «Մխիթարյանի հետ տեղի ունեցածը չպետք է լինի ֆուտբոլում»