fbpx

«Գանձասար-Կապանն» ու իր «առեղծվածային» շարքը, առաջնության «դիպուկահար-հարձակվողը»

Բարձրագույն խմբի 23-րդ տուրը՝ 10 փաստով

23-րդ տուրն անվանեց առաջնության նոր առաջատարին: «Ալաշկերտի» հետ անչափ կարևոր մրցավեճում շարունակելով հաղթարշավը՝ «Արարատ-Արմենիան» գլխավորեց մրցաշարային աղյուսակը: «Փյունիկն» ու «Բանանցն» էլ, հաղթանակներ տոնելով, էլ ավելի ամրապնդեցին դիրքերն առաջատար քառյակում:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ դաշտի տերերի առավելությամբ, որոնք տոնեցին երկու հաղթանակ, կրեցին մեկ պարտություն, մեկ խաղում էլ գոլազուրկ ոչ-ոքի գրանցվեց: Առաջնությունում անցկացված 92 հանդիպումներում դաշտի տերերն ու հյուրերը 34-ական հաղթանակ են տոնել, 24 խաղ ավարտվել է ոչ-ոքի:

Աշոտ Բարսեղյանը վրդովված է․ «Մարզվելու տեղ չունենք, ֆեդերացիան պետք է աջակցի մեզ» (տեսանյութ)

4 խաղում ընդամենը 6 գոլ խփվեց: Առաջնության մեկնարկից անցկացված 92 հանդիպումներում 200 գոլ է խփվել: Միջին արդյունավետությունը կազմում է 2,17 գոլ մեկ խաղում: Հոբելյանական՝ 200-րդ գոլի հեղինակը «Բանանցի» լեգեոնական Ալեքսանդր Գլիշիչն էր:

2․ «Արարատ-Արմենիան» առաջնությունում 7-րդ անընդմեջ հաղթանակը տոնեց և գերազանցեց «Ալաշկերտին» պատկանող ընթացիկ մրցաշրջանի ռեկորդային ցուցանիշը: Հետաքրքիր է, որ վերջին 7 խաղերում միայն առաջնության հետնապահներ «Արցախին» և «Արարատին» է հաջողվել մեկական անգամ գրավել «Արարատ-Արմենիայի» դարպասը:  Ընթացիկ առաջնությունում «Արարատ-Արմենիան» 2-րդ անգամ հաղթեց «Ալաշկերտին» և կրկին առավելության հասավ մրցակցի հարկի տակ:

«Արարատ-Արմենիան» ընթացիկ առաջնությունում 2-րդ անգամ գլխավորեց մրցաշարային աղյուսակը: Առաջին անգամ թիմն առաջատարի դերը ստանձնել էր մեկնարկային տուրից հետո: Հետաքրքիր է, որ 16 խաղից հետո «Արարատ-Արմենիան» 23 միավորով 5-րդ տեղում էր և 10 միավորով զիջում էր առաջատար «Ալաշկերտին»: Չեմպիոնը վերջին 4 հանդիպումներում 3-րդ պարտությունը կրեց՝ վաստակելով ընդամենը 3 միավոր:

Վարդան Մինասյան․ «Մենք վաղը մոռանալու ենք այս հաղթանակի մասին ու պատրաստվելու հաջորդ խաղին» (տեսանյութ)

3․ «Գանձասար-Կապանն» առաջնության գարնանային հատվածում առաջին միավորը վաստակեց: Արդեն 10 խաղ է, ինչ «Գանձասար- Կապանին» չի հաջողվում ՀՀ առաջնություններում հաղթել «Շիրակին»՝ կրելով 3 պարտություն, 7-ն ավարտելով ոչ-ոքի: Վերջին հաղթանակը գյումրեցիների նկատմամբ կապանցիները տոնել են գրեթե երկու տարի առաջ՝ 2017թ. ապրիլի 29-ին սեփական հարկի տակ առավելության հասնելով 3-2 հաշվով:

4․ Անտոն Կոբյալկոն շարունակեց առաջնությունում արդյունավետ հանդիպումների տպավորիչ շարքը՝ 6-րդ անընդմեջ խաղում դառնալով գոլի հեղինակ: Այդ խաղերից 3-ում նա փոխարինման է մտել: Կոբյալկոն 7 գնդակով եզրափակում է առաջնության լավագույն ռմբարկուների եռյակը՝ 3 գոլով զիջելով իր նախկին թիմակից Իվայլո Դիմիտրովին և «Լոռիի» հարձակվող Ջոնել Դեսիրեին:

Առաջնության գարնանային հատվածում 33-ամյա Կոբյալկոն 4-րդ գոլը խփեց և գերազանցեց լեգեոնականների մեջ «Միկայի» նախկին պաշտպան Ալեքսին պատկանող արդյունավետության տարիքային ռեկորդը: Նա նաև դարձավ «Ալաշկերտի» հետ «Արարատ-Արմենիայի» դիմակայության լավագույն ռմբարկուն՝ 2-րդ անգամ գրավելով չեմպիոնի դարպասը:

Մարզային դերբին, իհարկե, տխուր էր, քանի որ տեղի էր ունենում Երևանում․ VNews-ի ֆոտոշարքը

5․ Մոհամեդ Կոնատեն ընթացիկ առաջնությունում 4-րդ գոլը խփեց և ընդգրկվեց «Փյունիկի» ամենաարդյունավետ լեգեոնականների տասնյակում, որը 31 գնդակով գլխավորում է Մարկոս Պիզելին:

6․ Եվգենի Կոբզարը բացեց գոլերի հաշիվը «Բանանցում»: Նա ընթացիկ առաջնությունում «Բանանցում» գոլի հեղինակ դարձած 9-րդ լեգեոնականն է:

7․ Անդրիա Դրագոևիչը Բարձրագույն խմբում 28-րդ խաղն անցկացրեց և ընդգրկվեց ՀՀ առաջնություններում անցկացրած խաղերի քանակով լեգեոնական դարպասապահների տասնյակում: Նա ցանկից դուրս թողեց «Շիրակի» նախկին դարպասապահ Իգոր Լոգվինովին, որը 27 խաղում էր պաշտպանել թիմի դարպասը: Այլազգի դարպասապահներից Բարձրագույն խմբում բոլորից շատ հանդիպումների է մասնակցել Անատոլի Այվազովը՝ 96:

Յուրի Նագայցևը՝ հավաքականի թեկնածուների մարզավիճակի, Ալիկ Առաքելյանին ավելի ուժեղ ակումբ բաց թողնելու պատրաստակամության և այլ թեմաների մասին (տեսանյութ)

8․ Վարդան Մինասյանը մարզչական կարիերայում ՀՀ առաջնություններում 100-րդ հաղթանակը տոնեց: Նման տպավորիչ ցուցանիշի նա հասավ գլխավոր մարզչի պաշտոնում անցկացրած 147 հանդիպումներում (մնացած խաղերից 28-ում գրանցվել է ոչ-ոքի, 19-ում նրա սաները պարտվել են): Ստացվում է, որ Մինասյանի գլխավորությամբ անցկացված խաղերի 68 տոկոսը հաղթական է եղել թիմի համար: Այդ հաղթանակներից 92-ը փորձառու մարզիչը տոնել է «Փյունիկի» իր սաների հետ՝ 4 անգամ նրանց հասցնելով չեմպիոնական բարձունքին:

9․ Վահագն Այվազյանը Բարձրագույն խմբում հոբելյանական՝ 200-րդ հանդիպումն անցկացրեց: Այդ խաղերից 136-ը նա անցկացրել է «Բանանցի» կազմում: Թիմի ներկայիս կազմի ֆուտբոլիստներից ՀՀ առաջնություններում Այվազյանից ավելի շատ հանդիպումների են մասնակցել միայն Արամ Բարեղամյանը (278) և Արթուր Ավագյանը (207):

Իլշատ Ֆայզուլին․ «Բանանցում» հանդես եկող հայ բոլոր ֆուտբոլիստներն էլ արժանի են հրավիրվելու հավաքական» (տեսանյութ)

10․ «Արարատ-Արմենիայի» դարպասապահ Դմիտրի Աբակումովն ու շիրակցի Վսևոլոդ Երմակովն ընթացիկ առաջնությունում 12-րդ անգամ դարպասն անառիկ պահեցին: Նրանք ընդգրկվեցին լեգեոնական դարպասապահների լավագույն տասնյակում՝ ցանկից դուրս թողնելով «Միկայի» նախկին դարպասապահ Սոսո Գրիշիկաշվիլուն, որը Բարձրագույն խմբում 11 անգամ էր դարպասն անառիկ պահել: Այլազգի դարպասապահներից լավագույն արդյունքն ունի Անատոլի Այվազովը, որն անցկացրած 96 հանդիպումներից 42-ում գոլ բաց չի թողել:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

Հայաստանի Մ-19 հավաքականն ընկերական խաղում հաղթել է «Արցախին»

«Արարատ-Արմենիայի» ֆուտբոլիստը ծանր վնասվածք է ստացել

Կարմիր քարտ և գոլ վերջին վայրկյաններին․ «Փյունիկը» հաղթանակ կորզեց «Գանձասար-Կապանի» դեմ խաղում (տեսանյութ)

«Գանձասար-Կապան» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

«Հայաստանից Տաջիկստան տեղափոխվելը հետքայլ չեմ համարում»․ Ռուսլան Կորյանը՝ նոր ակումբի և հավաքականի մասին

Վարդան Մինասյան․ «Բոլոր թիմերն օրացույցի առումով հավասար վատ պայմաններում են․ թիմերի մոտ թարմություն չեմ տեսնում» (տեսանյութ)

Արթուր Պետրոսյան․ «Ես չեմպիոնության անուն ոչ մի անգամ չեմ տվել․ քառյակում հայտնվելը մեզ համար շատ լավ արդյունք կլինի» (տեսանյութ)

Տիգրան Եսայան․ «Նպատակն ամեն հանդիպմանը հաղթանակի համար խաղալը և վերջին տեղից խուսափելն է» (տեսանյութ)

Աբրահամ Խաշմանյան․ «Չգիտեմ՝ ինձնից առաջ ինչ մեկնարկային կազմ է եղել․ 3 օրում ինչ տեսել եմ, այդպես էլ կազմը որոշել եմ» (տեսանյութ)

«Արարատ-Արմենիան» շանս չթողեց «Լոռիին», «Շիրակի» 13-րդ ոչ-ոքին (տեսանյութ)

Խաշմանյանի հաղթական վերադարձը․ «զոհը» նրա նախկին թիմն էր՝ «Արարատը» (տեսանյութ)

«Արարատ-Արմենիա» – «Լոռի», «Շիրակ» – «Բանանց»․ Մեկնարկային կազմեր, ուղիղ հեռարձակումներ (տեսանյութ)