«Լոռիում» գոլ խփած ամենաերիտասարդ ֆուտբոլիստը, «Արցախի» «ամենասիրելի» մրցակիցը - VNews
Բաժիններ

«Լոռիում» գոլ խփած ամենաերիտասարդ ֆուտբոլիստը, «Արցախի» «ամենասիրելի» մրցակիցը

Բարձրագույն խմբի 24-րդ տուրը՝ 10 փաստով

Թեև «Արարատ-Արմենիան» 24-րդ տուրում հանգստանում էր, ոչ «Փյունիկը», ոչ էլ «Ալաշկերտը» չկարողացան շրջանցել առաջնության առաջատարին՝ հանդիպումներն ավարտելով ոչ-ոքի:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ դաշտի տերերի առավելությամբ, որոնք տոնեցին մեկ հաղթանակ, երեք խաղ ավարտեցին ոչ-ոքի: Առաջնությունում անցկացված 96 հանդիպումներում դաշտի տերերը 35 հաղթանակ են տոնել, հյուրերին հաջողությունն ուղեկցել է 34 անգամ, 27 խաղ ավարտվել է ոչ-ոքի:

Աշոտ Բարսեղյանը՝ «Փյունիկի» ղեկավարությանը․ «Մի՛ նեղացեք, ձեզնից էլ ենք շնորհակալ խաղադաշտեր տրամադրելու համար» (տեսանյութ)

4 խաղում 10 գոլ խփվեց: Առաջնության մեկնարկից անցկացված 96 հանդիպումներում 210 գոլ է խփվել: Միջին արդյունավետությունը կազմում է 2,18 գոլ մեկ խաղում:

2․ «Լոռին» առաջնության գարնանային հատվածում առաջին գոլերը բաց թողեց: Մինչև արարատցի Վարդան Արզոյանի խփած գոլը, «Լոռիի» դարպասապահ Արսեն Սիուկաևը 329 րոպե շարունակ դարպասն անառիկ էր պահել: Նրան չհաջողվեց գերազանցել իր գործընկեր Ալեքսանդր Կոնովի ցուցանիշը, որն առաջնության աշնանային հատվածում «Լոռիի» դարպասը 350 րոպե շարունակ անառիկ էր պահել:

Արթուր Պետրոսյանի գլխավորությամբ անցկացրած առաջնության 4 հանդիպումներում «Լոռին» անպարտելի է՝ վաստակելով 6 միավոր:

Արթուր Պետրոսյան․ «Ցավալի է, որ ընդմիջմանը մեր ֆուտբոլիստներին ուղղված զգուշացումները տեղ չհասան» (տեսանյութ)

3․ «Շիրակին» «Ալաշկերտի» հետ անցկացրած առաջնության 3-րդ խաղում էլ չհաջողվեց հաղթել չեմպիոնին՝ գրանցելով 2-րդ ոչ-ոքին: Փոխարենը գյումրեցիներին վերջապես հաջողվեց ընթացիկ առաջնությունում գրավել «Ալաշկերտի» դարպասը: Շիրակցիների համար ընթացիկ առաջնությունում առայժմ անառիկ է մնացել միայն «Բանանցի» դարպասը:

4․ Սևադա Արզումանյանի գլխավորությամբ «Արցախն» անդրանիկ հաղթանակը տոնեց, որն առաջինն է առաջնության գարնանային հատվածում: «Արցախն» ընդհատեց առանց հաղթանակների 7 խաղերի շարքը: Հետաքրքիր է, որ վերջին անգամ «Արցախը» հաղթանակի բերկրանքը վայելել էր հենց «ԳանձասարԿապանի» հետ 2-րդ շրջանում կայացած խաղում: Նախորդ 3 խաղերում արցախցիներին չէր հաջողվել գրավել մրցակիցների դարպասը:

Սևադա Արզումանյանը՝ «Արցախի» հաղթանակի, ինչպես նաև Նորայր և Նարեկ Գյոզալյանների հեռանալու պատճառների մասին (տեսանյութ)

5․ «ԳանձասարԿապանը» շատ անհաջող է հանդես գալիս առաջնության գարնանային հատվածում՝ 4 հանդիպումներում վաստակելով ընդամենը մեկ միավոր: Վերջին 3 խաղերում գանձասարցիները գոլ չեն խփել:

6․ Ջոնել Դեսիրեն առաջնությունում 11-րդ գոլը խփեց և գլխավորեց լավագույն ռմբարկուների ցանկը: «Լոռիի» հարձակվողն «Արարատի» հետ առաջնության 3-րդ խաղում էլ գոլի հեղինակ դարձավ: Նախորդ երկու հանդիպումներում էլ նա մեկական անգամ գրավել էր արարատցիների դարպասը: Դեսիրեն առավել արդյունավետ է գործել «Արցախի» հետ հանդիպումներում՝ խփելով 6 գնդակ:

7․ Նանա Կվամե Անտվին բացեց գոլերի հաշիվը Բարձրագույն խմբում: Նա դարձավ Բարձրագույն խմբում «Լոռիում» գոլ խփած ամենաերիտասարդ ֆուտբոլիստը՝ «Արարատի» դարպասը գրավելով 18 տարեկան 233 օրականում: Նանա Կվամե Անտվին գերազանցեց իր թիմակից Ուգոչուկվու Իվուի ցուցանիշը, որն առաջնության աշնանային հատվածում «Բանանցի» դարպասը գրավել էր 18 տարեկան 267 օրականում:

Աբրահամ Խաշմանյան․ «Կա հոգեբանական խնդիր․ տղաներին ասում եմ՝ այնքան եք պարտվել, որ չեք հավատում՝ կարող եք հաղթել» (տեսանյութ)

Նանա Կվամե Անտվին նաև ընդգրկվեց Հայաստանի առաջնություններում գոլի հեղինակ դարձած ամենաերիտասարդ լեգեոնականների տասնյակում՝ զբաղեցնելով 6-րդ հորիզոնականը: Նա ցանկից դուրս թողեց իր թիմակից Իսահ Ալիյուին, որը գոլի հեղինակ էր դարձել 19 տարեկան 14 օրականում: Ռեկորդակիրը նախկին փյունիկցի Նդումբուկ Բալեպ Բան է, որը 2003թ. ՀՀ առաջնությունում գոլերի հաշիվը բացել էր 15 տարեկան 231 օրականում:

8․ Վարդան Բակալյանը բացեց գոլերի հաշիվն «Արցախում», իսկ Էդուարդ Ավագյանը, 3-րդ գնդակը խփելով, հավասարվեց թիմի ռմբարկուներ Գրիգոր Աղեկյանին ու Ակմալ Բախտիյարովին, որոնք հեռացել են ակումբից:

9․ Սոլոմոն Իմե Ուդոն ՀՀ առաջնություններում 97-րդ խաղն անցկացրեց և ընդգրկվեց Բարձրագույն խմբում հանդես եկած ամենափորձառու լեգեոնականների տասնյակում՝ ցանկից դուրս թողնելով 96 խաղի մասնակցած Անատոլի Այվազովին: Իսկ ցուցակը գլխավորում է «Միկայի» նախկին պաշտպան Ալեքս Էնրիկե դա Սիլվան, որը 230 խաղ է անցկացրել:

Իլշատ Ֆայզուլին․ «Աբսուրդ կլինի կարծելը, թե մեր ֆուտբոլիստներն արագ գոլից հետո արդեն մտածում էին հաղթանակի մասին» (տեսանյութ)

10․ Փյունիկցի Արմեն Մանուչարյանը Բարձրագույն խմբում հոբելյանական՝ 100-րդ խաղն անցկացրեց: Դրանցից 78-ին նա մասնակցել է «Փյունիկի» կազմում:

Աշոտ Հայրապետյան

Միացի՛ր հայկական ամենասպորտային Instagram-ին:


Մեկ ակումբի ֆուտբոլիստներ․ Ովքեր են «200-ի ակումբի» 21 անդամները

«Ուրարտուի» գլխավոր մարզիչ Ալեքսանդր Գրիգորյանը կորոնավիրուսի ստուգման թեստ է հանձնել

«Շիրակը» համակարգիչներով է ապահովել տեղի դպրոցներին

Երևանի ազգային հավաքական. Ինչու Հայաստանի մարզերում ֆուտբոլիստներ չեն ծնվում

Տիտո Ռամալյո. «Կապառոսը կարող է օգուտ տալ Հայաստանի հավաքականին»

«Լոռիի» հիմնադիրը առաջարկում է քննարկման դնել ՀՖՖ արտասահմանցի աշխատակիցների վճարման հարցը

Հայկական ակումբները ստացել են ՈւԵՖԱ-ի «համերաշխության վճարները»

Բերեզովսկի. «Եթե բանկիր Սարին դարձել է լավ մարզիչ, ապա դարպասապահը հաստատ կարող է դառնալ»

Թվեք Ֆուտբոլի Հայաստանի առաջնության մասնակից բոլոր թիմերը՝ 1992 թվականից սկսած. VNews-ի Quiz-ը

«Նոան» տարբերվող ֆուտբոլ է խաղում, ափսոս, առանց հայ ֆուտբոլիստների․ Թիմի տակտիկական գաղտնիքները

«Շիրակի» բժիշկը օգնում է պայքարել կորոնավիրուսի դեմ

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում

Ալեքսանդր Գրիգորյան․ «Նոան» ամբողջապես արժանի հաղթանակ տոնեց» (տեսանյութ)

Վադիմ Բորեց․ «Հանգստություն չպետք է լինի․ երկրորդ խաղն ավելի ծանր է լինելու» (տեսանյութ)

Արմեն Պետրոսյան․ «Լավ կպատրաստվենք երկրորդ խաղին․ պայքարելու ենք մինչև վերջ» (տեսանյութ)

Վարդան Մինասյան․ «Այսօր ստեղծած գոլային պահերի քանակը կբավականացներ մի քանի հանդիպման համար» (տեսանյութ)