fbpx

Թիմ, որը «գլխացավանք» է դարձել «Արարատ-Արմենիայի» համար

Բարձրագույն խմբի 25-րդ տուրը՝ 10 փաստով

Առաջնության 25-րդ տուրից հետո չեմպիոնության համար մղվող պայքարը զգալիորեն թեժացավ: Օգտվելով «Արարատ-Արմենիայի»  «սայթաքումից»՝ «Ալաշկերտը» կրկին ստանձնեց առաջատարի դերը: «Բանանցն» էլ, դժվարին հաղթանակ տոնելով, ընդհուպ մոտեցավ առաջատարին: Չեմպիոնական մրցավազքում ներգրավվեց «Լոռին»՝ կրճատելով միավորների տարբերությունն առաջատար եռյակից:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ հյուրերի առավելությամբ, որոնք տոնեցին 2 հաղթանակ, կրեցին մեկ պարտություն, մեկ խաղ ավարտեցին ոչ-ոքի: Առաջնությունում անցկացված 100 հանդիպումներում դաշտի տերերն ու հյուրերը 36-ական հաղթանակ են տոնել, 28 խաղ ավարտվել է ոչ-ոքի:

Ամեն ինչ թեժ էր թե՛ խաղադաշտում, թե՛ տրիբունաներում․ VNews-ի ֆոտոշարքը «Փյունիկ» – «Լոռի» հանդիպումից

4 խաղում 11 գոլ խփվեց: Առաջնության մեկնարկից անցկացված 100 հանդիպումներում 221 գոլ է խփվել: Միջին արդյունավետությունը կազմում է 2,21 գոլ մեկ խաղում:

2․ «Շիրակն» ընդհատեց «Արարատ-Արմենիայի» 7 անընդմեջ հաղթանակների ռեկորդային շարքը: Հետաքրքիր է, որ մինչ այդ Վարդան Մինասյանի սաները վերջին անգամ միավոր էին կորցրել հենց շիրակցիների հետ անցյալ տարվա նոյեմբերի 11-ին Գյումրիում կայացած խաղում, որում պարտվել էին նվազագույն հաշվով:

3․ «Ալաշկերտը», որ 23-րդ տուրում «Արարատ-Արմենիային» պարտվելուց հետո վերջինիս զիջել էր առաջատարի իր դիրքը, կրկին զբաղեցրեց 1-ին հորիզոնականը: Ընթացիկ առաջնությունում ալաշկերտցիները 2-րդ անգամ հաղթեցին «Արցախին», որի հետ անցկացրած 3 խաղերում էլ սեփական դարպասն անառիկ են պահել:

Վարդան Բիչախչյանը՝ Վահան Բիչախչյանի առողջական վիճակի մասին (տեսանյութ)

4․ «Բանանցն» առաջնությունում անպարտելի խաղերի շարքը հասցրեց 6-ի: Առաջնության գարնանային հատվածում Իլշատ Ֆայզուլինի սաները 5 խաղում 9 միավոր են վաստակել:

5․ «Լոռիի» հարձակվող Ջոնել Դեսիրեն առաջնությունում 12-րդ գոլը խփեց և ավելի ամրապնդեց լավագույն ռմբարկուի իր դիրքերը: Նա հիանալի հնարավորություն ունի գերազանցելու նախորդ առաջնության «Ոսկե խաղակոշիկի» դափնեկիր Արտակ Եդիգարյանի ցուցանիշը, որը 13 գոլի հեղինակ էր դարձել: Արտակը 22 խաղից հետո իր հաշվին 11 գոլ էր գրանցել:

Արթուր Պետրոսյան․ «Փյունիկին» չէինք կարող շնորհավորել ֆուտբոլային դաշտում»

6․ «Բանանցի» սենեգալցի ֆուտբոլիստ Պապե Աբդու Կամարան բացեց գոլերի հաշիվը Հայաստանի առաջնությունում՝ հաղթանակ պարգևելով իր թիմին: Իսկ Ալեքսանդր Օգանիսյանն առաջին գոլը խփեց «Գանձասար-Կապանի» կազմում՝ գրավելով իր նախկին թիմի դարպասը:

7․ Ալաշկերտցի Գուստավո Մարմենտինին բացեց գոլերի հաշիվը նաև Հայաստանի առաջնությունում: «Ալաշկերտում» պաշտոնական մրցումներում իր առաջին գոլը Մարմենտինին խփել էր Սուպերգավաթի խաղում՝ գրավելով գանձասարցի Գևորգ Կասպարովի պաշտպանած դարպասը:

Աշոտ Բարսեղյանը՝ խաղին տրիբունայից հետևելու մասին․ «Ամեն ինչ նորմալ է․ եթե ինչ-որ բան լինի, հայտարարություն կանենք» (տեսանյութ)

8․ Բարձրագույն խմբում առաջին գոլերը խփեցին նաև շիրակցի Բունջամին Շաբանին և «Արարատ-Արմենիայի» լեգեոնական Դմիտրի Գուզը: Շաբանին ընդգրկվեց «Շիրակում» գոլ խփած ամենատարեց լեգեոնականների տասնյակում՝ Դմիտրի Աբակումովի պաշտպանած դարպասը գրավելով 28 տարեկան 68 օրականում:

9․ Վբեյմար Անգուլոն Բարձրագույն խմբում 97-րդ խաղն անցկացրեց և ընդգրկվեց ՀՀ առաջնություններում «Գանձասար-Կապանում» առավել շատ հանդիպումների մասնակցած ֆուտբոլիստների տասնյակում՝ ցանկից դուրս թողնելով Ալեն Համբարձումյանին (96 խաղ): Լուբամբո Մուսոնդայից հետո Վբեյմարը տասնյակում ընդգրկված 2-րդ լեգեոնականն է: Թիմի ներկայիս կազմի ֆուտբոլիստներից այդ ցանկում է նաև Գեղամ Հարությունյանը, որը 111 խաղով 5-6-րդ տեղերն է բաժանում Կարեն Զաքարյանի հետ: Իսկ ցուցակը գլխավորում է «Գանձասար-Կապանի» նախկին ավագ Արա Խաչատրյանը, որը հարազատ թիմի կազմում 246 անգամ է խաղադաշտ դուրս եկել:

Հայկ Իշխանյան․ «Լոռին» այս հաղթանակով կարող է միանալ չեմպիոնական պայքարին» (տեսանյութ)

10․ Ալաշկերտցի Օգնեն Չանչարևիչը միակ դարպասապահն էր, ում հաջողվեց 25-րդ տուրում դարպասն անառիկ պահել: Որակազրկումից հետո վերադառնալով խաղադաշտ՝ նա ընթացիկ առաջնությունում 11-րդ անգամ «չոր» դուրս եկավ: Չանչարևիչը հիանալի հնարավորություն ունի գերազանցելու «Ալաշկերտի» նախկին դարպասապահ Գևորգ Կասպարովի ռեկորդային ցուցանիշը: Վերջինս 2015/16թթ. առաջնության 26 հանդիպումներից 12-ում «Ալաշկերտի» դարպասն անառիկ էր պահել:

Աշոտ Հայրապետյան  

Հետևե՛ք VNews.am-ին նաև Youtube-ում և Instagram-ում:


Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

Հայաստանի Մ-19 հավաքականն ընկերական խաղում հաղթել է «Արցախին»

«Արարատ-Արմենիայի» ֆուտբոլիստը ծանր վնասվածք է ստացել

Կարմիր քարտ և գոլ վերջին վայրկյաններին․ «Փյունիկը» հաղթանակ կորզեց «Գանձասար-Կապանի» դեմ խաղում (տեսանյութ)

«Գանձասար-Կապան» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

«Հայաստանից Տաջիկստան տեղափոխվելը հետքայլ չեմ համարում»․ Ռուսլան Կորյանը՝ նոր ակումբի և հավաքականի մասին

Վարդան Մինասյան․ «Բոլոր թիմերն օրացույցի առումով հավասար վատ պայմաններում են․ թիմերի մոտ թարմություն չեմ տեսնում» (տեսանյութ)

Արթուր Պետրոսյան․ «Ես չեմպիոնության անուն ոչ մի անգամ չեմ տվել․ քառյակում հայտնվելը մեզ համար շատ լավ արդյունք կլինի» (տեսանյութ)

Տիգրան Եսայան․ «Նպատակն ամեն հանդիպմանը հաղթանակի համար խաղալը և վերջին տեղից խուսափելն է» (տեսանյութ)

Աբրահամ Խաշմանյան․ «Չգիտեմ՝ ինձնից առաջ ինչ մեկնարկային կազմ է եղել․ 3 օրում ինչ տեսել եմ, այդպես էլ կազմը որոշել եմ» (տեսանյութ)

«Արարատ-Արմենիան» շանս չթողեց «Լոռիին», «Շիրակի» 13-րդ ոչ-ոքին (տեսանյութ)