fbpx

Յուրահատուկ խաղ Արտակ Եդիգարյանի ու Վահագն Այվազյանի համար, իսկ Կոբյալկոն կրկին «կրակում» է

Բարձրագույն խմբի 26-րդ տուրը՝ 10 փաստով

Առաջնության 26-րդ տուրից հետո «Արարատ-Արմենիան» կրկին ստանձնեց առաջատարի դերը: Չեմպիոնական մրցավազքում թեժ պայքարը շարունակվում է, և յուրաքանչյուր վրիպում կարող է ճակատագրական լինել:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ հյուրերի առավելությամբ, որոնք տոնեցին 2 հաղթանակ, կրեցին մեկ պարտություն, մեկ խաղ ավարտեցին ոչ-ոքի: Առաջնությունում անցկացված 104 հանդիպումներում դաշտի տերերին հաջողությունն ուղեկցել է 37 անգամ, հյուրերը 38 հաղթանակ են տոնել, 29 խաղ ավարտվել է ոչ-ոքի:

4 խաղում 9 գոլ խփվեց: Առաջնության մեկնարկից անցկացված 104 հանդիպումներում 230 գոլ է խփվել: Միջին արդյունավետությունը կազմում է 2,21 գոլ մեկ խաղում:

2․ «Արարատ-Արմենիան», որ նախորդ տուրում առաջատարի դիրքը զիջել էր «Ալաշկերտին», կրկին գլխավորեց մրցաշարային աղյուսակը: Վարդան Մինասյանի սաները բոլորից հաջող են հանդես գալիս առաջնության գարնանային հատվածում՝ 6 խաղում վաստակելով 16 միավոր:

3․ Արամ Ոսկանյանի գլխավորությամբ «Ալաշկերտը» ՀՀ առաջնություններում առաջին անգամ պարտվեց «Բանանցին»: Նրա օրոք անցկացրած նախորդ երկու խաղերում էլ ալաշկերտցիները հաղթել էին «Բանանցին»:

4․ «Փյունիկի» գլխավոր մարզչի պարտականությունները կատարած Յուրի Նագայցևի նորամուտը հաջող ստացվեց: Նրա սաները կամային հաղթանակ տոնեցին «Արարատի» նկատմամբ՝ ընթացիկ առաջնությունում 2-րդ անգամ պարտության մատնելով արարատցիներին:

5․ Տուրում նշանակվեց 11մ 2 հարված, որոնք հաջող իրացրին «Բանանցի» վետերան Արամ Բարեղամյանն ու արարատցի Արտյոմ Սիմոնյանը: Վերջինս «Արարատում» արդեն 2-րդ 11մ հարվածը դիպուկ իրացրեց:

6․ Անտոն Կոբյալկոն, որ նախորդ տուրում ընդհատել էր արդյունավետ 6 խաղերի շարքը, կրկին աչքի ընկավ՝ խփելով ընթացիկ առաջնությունում 8-րդ գոլը: Այդ գոլերից 5-ը նա խփել է առաջնության գարնանային հատվածում՝ ցույց տալով լավագույն արդյունքը: Կոբյալկոն պաշտոնական մրցումներում խփած 14 գնդակով ընթացիկ մրցաշրջանի լավագույն ռմբարկուն է:

7․ Պետրոս Ավետիսյանը վերջին երկու հանդիպումներում դաշտից չի հեռանում առանց գոլի՝ 3 անգամ գրավելով մրցակիցների դարպասը: Նա «Արարատ-Արմենիայում» անցկացրած 6 խաղում արդեն 4 գոլի հեղինակ է դարձել: Համեմատության համար նշենք, որ առաջնության աշնանային հատվածում Պետրոսը «Փյունիկում» անցկացրած 11 խաղում ընդամենը 2 գոլ էր խփել:

8․ Փյունիկցի Ուսման Մուհամեդը բացեց գոլերի հաշիվը Բարձրագույն խմբում, իսկ Վիգեն Ավետիսյանն առաջին գոլը խփեց «Արցախում»:

9․ Արտակ Եդիգարյանն «Ալաշկերտի» կազմում Բարձրագույն խմբում հոբելյանական՝ 100-րդ խաղն անցկացրեց: Նա դարձավ թիմի կազմում 100 խաղի սահմանագիծը հատած ընդամենը 2-րդ ֆուտբոլիստը: Ռեկորդակիրը Միհրան Մանասյանն է, որն «Ալաշկերտում» ՀՀ առաջնություններում 124 խաղ է անցկացրել: Իսկ ահա «Ալաշկերտից» «Արարատ» տեղափոխված Սարգիս Շահինյանը ֆուտբոլային կարիերայում Բարձրագույն խմբում 100-րդ խաղի հոբելյանը նշեց:

10․ «Բանանցի» ավագ Վահագն Այվազյանի համար «Ալաշկերտի» հետ հանդիպումը թիմի կազմում պաշտոնական մրցումներում անցկացրած 167-րդ խաղն էր: Այդ ցուցանիշով նա ընդգրկվեց «Բանանցում» առավելագույն քանակի խաղեր անցկացրած ֆուտբոլիստների տասնյակում՝ ցանկից դուրս թողնելով Ռոմեո Ջենեբյանին (166 խաղ): Ռեկորդակիրը թիմի նախկին հարձակվող Սամվել Մելքոնյանն է, որը պաշտոնական մրցումներում 228 անգամ կրել է «Բանանցի» մարզաշապիկը:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ

«Ալաշկերտում» գոլ խփած ամենատարեց լեգեոնականը և Հարությունյանի 3-րդ վրիպումը 11մ նշակետից

Դարպասապահ Նռանյանը և «Փյունիկի» ծանրագույն հաղթանակը․ VNews-ի ֆոտոշարքը «Գանձասար-Կապան» – «Փյունիկ» խաղից

Գևորգ Նռանյան․ «Շատ անսովոր էր դարպասապահի դիրքում, բայց ամեն ինչ անում էի թիմին փրկելու համար» (տեսանյութ)

Արմեն Պետրոսյան․ «Փշաքաղվում եմ իմ ֆուտբոլիստների մասին խոսելիս․ ուրախ եմ, որ նման թիմի մարզիչ եմ» (տեսանյութ)

Ալեքսանդր Թարխանովը՝ դրամատիկ խաղի, իր պայմանագրի ժամկետի և Ռոբերտ Արզումանյանի՝ թարգմանչի աշխատանքի մասին (տեսանյութ)

Հայաստանի Մ-19 հավաքականն ընկերական խաղում հաղթել է «Արցախին»

«Արարատ-Արմենիայի» ֆուտբոլիստը ծանր վնասվածք է ստացել

Կարմիր քարտ և գոլ վերջին վայրկյաններին․ «Փյունիկը» հաղթանակ կորզեց «Գանձասար-Կապանի» դեմ խաղում (տեսանյութ)

«Գանձասար-Կապան» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

«Հայաստանից Տաջիկստան տեղափոխվելը հետքայլ չեմ համարում»․ Ռուսլան Կորյանը՝ նոր ակումբի և հավաքականի մասին

Վարդան Մինասյան․ «Բոլոր թիմերն օրացույցի առումով հավասար վատ պայմաններում են․ թիմերի մոտ թարմություն չեմ տեսնում» (տեսանյութ)

Արթուր Պետրոսյան․ «Ես չեմպիոնության անուն ոչ մի անգամ չեմ տվել․ քառյակում հայտնվելը մեզ համար շատ լավ արդյունք կլինի» (տեսանյութ)

Տիգրան Եսայան․ «Նպատակն ամեն հանդիպմանը հաղթանակի համար խաղալը և վերջին տեղից խուսափելն է» (տեսանյութ)

Աբրահամ Խաշմանյան․ «Չգիտեմ՝ ինձնից առաջ ինչ մեկնարկային կազմ է եղել․ 3 օրում ինչ տեսել եմ, այդպես էլ կազմը որոշել եմ» (տեսանյութ)

«Արարատ-Արմենիան» շանս չթողեց «Լոռիին», «Շիրակի» 13-րդ ոչ-ոքին (տեսանյութ)