Խաշմանյանն ընդդեմ «Արարատի», նաև հերթական «ոսկե» խաղը․ Ամենահետաքրքիր փաստերը՝ ԲԽ-ի 28-րդ տուրին ընդառաջ - VNews
Բաժիններ

Խաշմանյանն ընդդեմ «Արարատի», նաև հերթական «ոսկե» խաղը․ Ամենահետաքրքիր փաստերը՝ ԲԽ-ի 28-րդ տուրին ընդառաջ

«ԱԼԱՇԿԵՐՏ» – «ԱՐԱՐԱՏ»

19 ապրիլի, ժ.15:00, Երևան, «Նաիրի» մարզադաշտ

27 խաղ, «Ալաշկերտը» հաղթել է 16 անգամ, «Արարատը»՝ 7,  գրանցվել է 4 ոչ-ոքի, խփած և բաց թողած գոլերի հարաբերակցությունը՝ 45-32

1-ին շրջան. 05.08.2018 «Արարատ» 0-1 «Ալաշկերտ»
Գոլը՝ Դանիել Ստոյկովիչ 58՛

2-րդ շրջան. 30.09.2018 «Ալաշկերտ» 2-1 «Արարատ»
Գոլերը՝ 1-0՝ Ուրոշ Նենադովիչ 25՛, 1-1՝ Անդրանիկ Քոչարյան 67՛, 2-1՝ Ուրոշ Նենադովիչ 78՛

3-րդ շրջան. 02.12.2018 «Արարատ» 1-0 «Ալաշկերտ»
Գոլը՝ Գոռ Պողոսյան 8՛

«Ալաշկերտ»՝ 4-րդ տեղ (40 միավոր), «Արարատ»՝ 9-րդ տեղ (15 միավոր):

Հետաքրքիր 5 փաստ՝ հանդիպմանն ընդառաջ

1․ Վերջին տարիներին «Ալաշկերտն» «Արարատի» ամենաանհարմար մրցակիցն էր ՀՀ առաջնություններում: Մինչև ընթացիկ առաջնության 3-րդ շրջանի խաղը, մրցակիցների միջև կայացած նախորդ 13 հանդիպումներն էլ ավարտվել էին ալաշկերտցիների օգտին: Եվ ահա անցյալ տարվա դեկտեմբերի 2-ին արարատցիներն Աբրահամ Խաշմանյանի գլխավորությամբ վերջապես հաղթեցին չեմպիոնին: Դա ընթացիկ առաջնությունում «Արարատի» առայժմ վերջին հաղթանակն է: Հաջորդ 7 խաղերում արարատցիներն ընդամենը 2 միավոր վաստակեցին:

2․ «Ալաշկերտն» անհաջող է հանդես գալիս առաջնության գարնանային հատվածում՝ 7 խաղերում վաստակելով նույնքան միավոր: Վերջին երկու հանդիպումներում չեմպիոնը պարտվել է՝ չկարողանալով գրավել մրցակիցների դարպասը:

3. Ընթացիկ առաջնությունում «Ալաշկերտում» մարզչական արդեն 3-րդ փոփոխությունը տեղի ունեցավ: Մեկնարկային 7 խաղերում թիմի ղեկին Վարուժան Սուքիասյանն էր, որի օրոք «Ալաշկերտը» վաստակեց 10 միավոր (+3=1-3, 10-6), ինչը հնարավոր միավորների 47,6 տոկոսն է: 8-րդ տուրում «Լոռիի» հետ խաղում (2-1) գլխավոր մարզչի պարտականությունները կատարում էր Սերգեյ Էրզրումյանը: Հաջորդ 16 խաղերը չեմպիոնն անցկացրեց Արամ Ոսկանյանի գլխավորությամբ՝ վաստակելով հնարավոր միավորների 56,2 տոկոսը (+8=3-5, 15-12): Ընդ որում Ոսկանյանը հենց «Արարատի» հետ 2-րդ շրջանի խաղում էր երկրորդ անգամ ստանձնել «Ալաշկերտի» ղեկը:

4․ Ճակատագրի քմահաճույքով Աբրահամ Խաշմանյանը վերադարձն «Ալաշկերտ» կնշի հենց իր նախկին թիմի հետ մրցախաղում: Մարզչական իր կարիերայում Խաշմանյանը 3-րդ անգամ է գլխավորում «Ալաշկերտը»: Առաջին անգամ նա թիմի ղեկը ստանձնել էր 2014/15թթ. առաջնության 6-րդ տուրում՝ փոխարինելով Արմեն Գյուլբուդաղյանցին: Խաշմանյանը պաշտոնավարեց մինչև 2016/17թթ. առաջնության 9-րդ տուրը ներառյալ, որից հետո կարճ ժամանակով հեռացավ թիմից ու 21-րդ տուրից կրկին գլխավորեց «Ալաշկերտը»: Հաջորդ պաշտոնանկությունը տեղի ունեցավ նախորդ առաջնության 20-րդ տուրից հետո, երբ Խաշմանյանը տեղը զիջեց Վարուժան Սուքիասյանին:

5․ «Արարատում» էլ ընթացիկ առաջնությունում մարզչական 3-րդ փոփոխությունը տեղի ունեցավ: «Արարատն» առաջնությունը սկսել էր Արմեն Ստեփանյանի գլխավորությամբ, որի օրոք անցկացրած 9 հանդիպումներում ընդամենը 5 միավոր էր վաստակել (+1=2-6, 7-17), ինչը հնարավոր միավորների 18,5 տոկոսն է: Ի դեպ, Արմեն Ստեփանյանը հենց «Ալաշկերտի» հետ առաջնության 2-րդ շրջանի հանդիպումից հետո է պաշտոնանկ արվել:

Աբրահամ Խաշմանյանի գլխավորությամբ արարատցիները համեմատաբար ավելի հաջող հանդես եկան՝ 14 հանդիպումներում վաստակելով 10 միավոր (+2=4-8, 9-20), ինչը հնարավոր միավորների 23,8 տոկոսն է: Խաշմանյանն արդեն 3-րդ անգամ է հեռանում «Արարատից»: Նախորդ տուրում արարատցիները Տիգրան Եսայանի գլխավորությամբ զիջեցին «Գանձասար-Կապանին»:

Դիմակայության լավագույն ռմբարկուները՝

«Արարատ»՝ Ալեքսանդր Ռակիչ՝ 6 գոլ:

«Ալաշկերտ»՝ Միհրան Մանասյան՝ 17 գոլ:

Հանդիպմանը չի մասնակցի նախորդ խաղում խաղադաշտից հեռացված արարատցի Միխայլո Կալուգինը:

Միացի՛ր հայկական ամենասպորտային Instagram-ին:

1 2 3 4

«Ուրարտուի» գլխավոր մարզիչ Ալեքսանդր Գրիգորյանը կորոնավիրուսի ստուգման թեստ է հանձնել

«Շիրակը» համակարգիչներով է ապահովել տեղի դպրոցներին

Երևանի ազգային հավաքական. Ինչու Հայաստանի մարզերում ֆուտբոլիստներ չեն ծնվում

Տիտո Ռամալյո. «Կապառոսը կարող է օգուտ տալ Հայաստանի հավաքականին»

«Լոռիի» հիմնադիրը առաջարկում է քննարկման դնել ՀՖՖ արտասահմանցի աշխատակիցների վճարման հարցը

Հայկական ակումբները ստացել են ՈւԵՖԱ-ի «համերաշխության վճարները»

Բերեզովսկի. «Եթե բանկիր Սարին դարձել է լավ մարզիչ, ապա դարպասապահը հաստատ կարող է դառնալ»

Ովքեր են հայկական ֆուտբոլի տիտղոսակիր մարզիչները

Թվեք Ֆուտբոլի Հայաստանի առաջնության մասնակից բոլոր թիմերը՝ 1992 թվականից սկսած. VNews-ի Quiz-ը

«Շիրակի» բժիշկը օգնում է պայքարել կորոնավիրուսի դեմ

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում

Ալեքսանդր Գրիգորյան․ «Նոան» ամբողջապես արժանի հաղթանակ տոնեց» (տեսանյութ)

Վադիմ Բորեց․ «Հանգստություն չպետք է լինի․ երկրորդ խաղն ավելի ծանր է լինելու» (տեսանյութ)

Արմեն Պետրոսյան․ «Լավ կպատրաստվենք երկրորդ խաղին․ պայքարելու ենք մինչև վերջ» (տեսանյութ)

Վարդան Մինասյան․ «Այսօր ստեղծած գոլային պահերի քանակը կբավականացներ մի քանի հանդիպման համար» (տեսանյութ)

Նվազագույն հաշիվ գրանցվեց նաև VBet Հայաստանի գավաթի կիսաեզրափակիչ մյուս խաղում (տեսանյութ)