fbpx
Բաժիններ

3 բան, որոնց արժե ուշադրություն դարձնել Էլ-Կլասիկոյի ժամանակ

Կիրակի օրը «Բարսելոնան» «Կամպ Նոու» մարզադաշտում կընդունի Մադրիդի «Ռեալին»: Ողջ աշխարհը կհետևի մրցաշրջանի առաջին Էլ-Կլասիկոյին, որն առաջին անգամ թիմերը կանցկացնեն առանց Մեսիի և Ռոնալդուի: Հաշվի առնելով, որ թիմերը կազմերի վերափոխման հետ խնդիրներ ունեն՝ առաջիկա Էլ-Կլասիկոն շատ հարցերի պատասխան կարող է տալ: Ձեզ ենք ներկայացնում այն 3 հարցերը, որոնց պատասխանները պարզ կդառնան Էլ-Կլասիկոյի արդյունքում:

1. Արդյոք Կլասիկոյից հետո Լոպետեգին կպահպանի իր պաշտոնը

Վերջին շրջանում «Ռեալի»   գլխավոր մարզիչ Խուլեն Լոպետեգին դժվար ժամանակներ է ապրում: «Արքայական ակումբը» 5 խաղ շարունակ չէր կարողանում հաղթանակի հասնել: Դեռ ավելին, դրանցից 4-ում «սերուցքայիններին» չէր հաջողվել գրավել մրցակցի դարպասը,  ինչը հսկայական ճնշում էր մարզչի համար:  Նախորդ խաղում «Ռեալին»  հաջողվեց առավելության հասնել «Վիկտորիա Պլզենի» նկատմամբ և վերադառնալ հաղթական ուղուն, բայց սեփական ուժերի հանդեպ հավատը վերգտնելու համար առանցքային դեր կարող է խաղալ առաջիկա Կլասիկոն: Թեև  թիմի խաղացողները պաշտպանում են մարզչին, բայց ակումբի ղեկավարությունը դեռ չի կայացրել իր որոշումը, ուստի «Բարսելոնայի» հետ խաղը կարող է վճռական լինել Լոպետեգիի համար:

2. Ինչպես կխաղա «Բարսելոնան» առանց իր ավագի 

Մեսիի վնասվածքից հետո «Բարսելոնան» նրան փոխարինելու խնդիր ունի և դա բավական հաջող ստացվեց «Ինտերի» հետ խաղում: Էռնեստո Վալվերդեին հաջողվեց լուծել այդ խնդիրը և  անակնկալ մատուցել՝ Ռաֆինյային դաշտ դուրս բերելով  : Այլ տարբերակ մարզիչը ևս ունի  ի դեմ՝ Ուսման Դեմբելեի: Ֆրանսիացին կարող է ավելի մեծ արագություն և կտրուկություն հաղորդել կատալոնական ակումբի գրոհներին, թեև փոխանցումների առումով Ռաֆինյան ավելի լավ տարբերակ կարող է լինել թիմի համար: Այլ փոփոխություններ թիմի հիմնական կազմում չեն սպասվում:

3. Ինչպիսին է Կլասիկոն առանց Մեսիի և Ռոնալդուի

Մեսիի վնասվածքից և Ռոնալդուի Թուրին տեղափոխությունից հետո կիրակի կայանալիք Էլ-Կլասիկոն առաջինը կլինի վերջին տասնամյակում առանց ֆուտբոլի 2 մեծագույն խաղացողների: Շատերն են ընդգծել նրանց խաղի տիեզերական մակարդակը և այս առումով առաջիկա Կլասիկոն ցույց կտա, թե ինչպես են այն խաղում «հասարակ մարդիկ»: Այս խաղը  նաև թույլ կտա պատկերացում կազմել, թե  ապագայում ինչպես կընթանան իսպանական 2 գրանդերի միջև հանդիպումները, որտեղ կենտրոնական տեղ կզբաղեցնեն արդեն ոչ թե Մեսին և Ռոնալդոն, այլ Բեյլը, Ասենսիոն, Կոուտինյոն, Դեմբելեն և այլք:


Հետևե՛ք VNews.am-ին նաև Youtube-ում և Instagram-ում:


Վալվերդե. «Կասկած չունեմ, որ Կլասիկոն կանցնի առանց որևէ խնդրի»

«Բարսելոնան» իր պաշտոնական դիրքորոշումն է հայտնել առաջիկա Կլասիկոյի անցկացման վերաբերյալ

Մեսին ասել է, թե ինչու Ռոնալդուի նման չի բարձրաձայնում իր նվաճումների մասին

«Ռոնալդուի էֆեկտը». ի՞նչ է փոխվել «Յուվենտուսում»՝ պորտուգալացու ժամանումից հետո

«Ռեալի» ևս մեկ առաջատար բաց կթողնի «Մալյորկայի» դեմ խաղը

Մեսի. «Չեմպիոնների լիգայում հաղթելը կարևոր է, բայց Լա լիգան գլխավոր մրցաշարն է»

Էլ Կլասիկոն կարող է հետաձգվել․ Հայտնի է անցկացման հավանական ժամկետը

Ռամոսն Իսպանիայի հավաքականի՝ եզրափակիչ փուլ դուրս գալը նվիրել է Լուիս Էնրիկեին

Մեսին նշել է 2 թիմակցի, առանց որոնց օգնության չէր նվաճի «Ոսկե խաղակոշիկը»

Թոփ-5 լիգաների ուշագրավ 8 հանդիպում, որ տեղի է ունենալու այս ամսվա մնացած հատվածում

Կազեմիրո. «Դա կյանքիս լավագույն որոշումն էր»

Մեսին ստացել է «Ոսկե խաղակոշիկը». Մրցանակը հանձնել են ֆուտբոլիստի որդիները (տեսանյութ)

Առաջիկա Կլասիկոն կարող է չկայանալ «Կամպ Նոու» մարզադաշտում

«Մեսին զվարճալի տղա է, նա միշտ ուրախացնում է բոլորին». «Բարսելոնայի» նախկին դարպասապահ

Մեսին ցանկանում է, որ Ալբային «Բարսելոնայում» փոխարինի այդ ֆուտբոլիստը

Ռոնալդուն 2 անգամ գերազանցում է Մեսիին Instagram-ի եկամուտով