3 ֆուտբոլիստ, որ Կլոպը ցանկանում է հրավիրել «Լիվերպուլ»

«Լիվերպուլի» գլխավոր մարզիչ Յուրգեն Կլոպը 3 ֆուտբոլիստից կազմված տրանսֆերային ցանկ է ներկայացրել «Լիվերպուլի» ղեկավարությանը:

Ինչպես տեղեկացնում է Daily Mirror-ը, Կլոպը ցանկանում է իր թիմում տեսնել «Ինտերի» կիսապաշտպան Նիկոլո Բարելային, «Բավարիայի» պաշտպան Դավիդ Ալաբային և կիսապաշտպան Ջամալ Մուսիալային: Բարելան խաղային զգալի աճ է գրանցել «Ինտերում» այս մրցաշրջանում, որին արդեն համեմատում են Սթիվեն Ջերարդի հետ:

Ինչ վերաբերում է Ալաբային, ապա ավստրիացին, ըստ վերջին լուրերի, արդեն համաձայնության է եկել «Ռեալի» հետ ու կհամալրի մադրիդյան ակումբի շարքերը: Մուսիալայի ծառայություններով հետաքրքրված է նաև «Մանչեսթեր Յունայթեդը»:

Միացի՛ր հայկական ամենասպորտային Instagram-ին: