3 գրանդ պայքարում. Կուլիբալին ընտրել է ապագա ակումբը

«Նապոլիի» ղեկավարությունը տեղեկացրել է գլխավոր մարզիչ Ջենարո Գատուզոյին, որ կենտրոնական պաշտպան Կալիդու Կուլիբալին հեռանալու է ակումբից առաջիկա տրանսֆերային պատուհանի ընթացքում։

«Մանչեսթեր Յունայթեդը» ու «Լիվերպուլը» ֆուտբոլիստի համար մրցավազքում էին, սակայն այս պահին ֆավորիտը «Մանչեսթեր Սիթին» է, այս մասին գրում է The Sun-ը։

Ֆուտբոլիստը նույնպես հակված է «քաղաքաբնակների» շարքերը համալրելու տարբերակին։ 29-ամյա սենեգալցուն գրավում է Անգլիայի Պրեմիեր լիգան։

Աղբյուրը նշում է, որ «Լիվերպուլը» պատրաստ չէ 70 մլն. ֆունտ վճարել Կուլիբալիի դիմաց։

Միացի՛ր հայկական ամենասպորտային Instagram-ին: