30 տարի. Ի՞նչ է փոխվել աշխարհում «Լիվերպուլի» վերջին չեմպիոնությունից հետո - VNews
Բաժիններ

30 տարի. Ի՞նչ է փոխվել աշխարհում «Լիվերպուլի» վերջին չեմպիոնությունից հետո

«Լիվերպուլը» դարձավ Պրեմիեր լիգայի չեմպիոն. երեկվանից սկսած, հավանաբար, արդեն 156-րդ անգամ եք կարդում այս նախադասությունը: Եվ «Լիվերպուլի»՝ Պրեմիեր լիգան նվաճելու պատմականությունը կայանում է նրանում, որ մերսիսայդցիներն անում են դա 30 տարվա դադարից հետո:

Քենի Դալգլիշն ու իր թիմը երբեք չէին կարող պատկերացնել, թե ինչեր տեղի կունենային աշխարհում՝ մինչև «Լիվերպուլը» կրկին կդառնար Անգլիայի չեմպիոն: VNews-ը ներկայացնում է այն դարակազմիկ իրադարձությունները մարզական աշխարհում, և ոչ միայն, որ տեղի են ունեցել այս տարիների ընթացքում, երբ «Լիվերպուլը» կրկին թագադրվեց Անգլիայում: 30 տարի՝ մի ամբողջ հավերժություն… Գնացի՜նք:

Մարզական աշխարհ

30 տարվա ընթացքում

  • Տեղի է ունեցել ֆուտբոլի 7 Աշխարհի առաջնություն, Բրազիլիան ու Ֆրանսիան 2-ական անգամ, Իտալիան, Իսպանիան ու Գերմանիան դարձել են Աշխարհի չեմպիոն:
  • Տեղի է ունեցել ամառային 7 Օլիմպիական խաղեր, որոնց ընթացքում Հայաստանը (ԽՍՀՄ կազմում և որպես անկախ պետություն) ունեցավ 5 օլիմպիական չեմպիոն՝ 1992թ. Իսրայել Միլիտոսյան (ծանրամարտ), 1992թ. Հրաչյա Պետիկյան (հրաձգություն), 1992թ. Մնացական Իսկանդարյան (հունահռոմեական ըմբշամարտ), 1996թ. Արմեն Նազարյան (հ. ըմբշամարտ), 2016թ. Արթուր Ալեքսանյան (հ.ըմբշամարտ):
  • Անգլիայի առաջնությունը վերանվանվեց Պրեմիեր լիգա, ու դրա համար է, որ «Լիվերպուլը» հաղթեց իր առաջին Պրեմիեր լիգան:
  • Շվեյցարացի թենիսիստ Ռոջեր Ֆեդերերը հաղթեց Մեծ սաղավարտի 20 մրցաշարում ու դարձավ, շատերի կարծիքով, բոլոր ժամանակների լավագույն թենիսիստը: Ձևավորվեց նաև Ֆեդերեր-Նադալ սկզբունքային ու պատմական դիմակայությունը:

  • Չեմպիոնների գավաթը վերանվանվեց Չեմպիոնների լիգա, մրցաշարի ձևաչափն ամբողջությամբ փոխվեց:
  • «Ռեալն» ու «Բարսելոնան» իրենց թանգարանում ունեին համապատասխանաբար 6 և 0 Չեմպիոնների լիգայի գավաթ: Այժմ «Ռեալն» ունի 13, իսկ «Բարսելոնան»՝ 5 ՉԼ գավաթ:
  • Հայաստանի հավաքականին մեկ քայլ էր բաժանում Եվրոպայի առաջնության ընտրական փուլից, բայց Իտուրալդե Գոնսալեսը փչացրեց ամեն ինչ:
  • Հենրիխ Մխիթարյանը խաղաց Հայաստանի երիտասարդական հավաքականում, «Փյունիկում», «Մետալուրգում», «Շախտյորում», «Բորուսիայում», «Մանչեսթեր Յունայթեդում», «Արսենալում», իսկ հիմա արդեն՝ «Ռոմայում»:

  • Լևոն Արոնյանը Հայաստանի հավաքականի հետ 2 անգամ դարձավ շախմատի օլիմպիադայի հաղթող:
  • Հունաստանի հավաքականը սենսացիոն կերպով դարձավ Եվրոպայի չեմպիոն:
  • Ճամայկացի Ուսեյն Բոլտը թեթև աթլետիկայում խփեց բոլոր ռեկորդներն ու դարձավ բոլոր ժամանակների լավագույն արագավազորդը:
  • Աբրահամ Խաշմանյանը գլխավորեց «Ալաշկերտը», հրաժարական տվեց, գլխավորեց «Ալաշկերտը», հրաժարական տվեց, գլխավորեց «Ալաշկերտը», հրաժարական տվեց, գլխավորեց Հայաստանի հավաքականը, հրաժարական տվեց… չհասցրեց գլխավորել «Լոռին»:
  • Ֆուտբոլում իշխեց տիկի-տական, Իսպանիայի հավաքականը 3 անգամ անընդմեջ միջազգային տիտղոս նվաճեց:
  • «Լեսթերը» 3-րդ դիվիզիոնից հասավ Պրեմիեր լիգա ու 2016-ին դարձավ Անգլիայի չեմպիոն:
  • Եվ վերջապես, մեկ տասնամյակից էլ ավելի ընթացավ Ռոնալդու-Մեսի դիմակայությունը, որն արդեն աստիճանաբար մոտենում է ավարտին:

Կատարե՛ք խաղադրույք Պրեմիեր Լիգայի հանդիպումների վրա

Միացի՛ր հայկական ամենասպորտային Instagram-ին:

1 2

Գերմանական մեծ եզրափակիչ, թուրինյան դերբի. Ինչ ֆուտբոլ դիտել այսօր

«Նա նոր մարտահրավեր է ցանկանում». Ռումենիգեն՝ «Բավարիայի» ֆուտբոլիստի մասին

«Լիվերպուլը» մոտ է «Բավարիայի» ֆուտբոլիստին գնելուն

«Սիթին» չեմպիոնական միջանցք կազմեց, հետո ջախջախեց «Լիվերպուլին» (տեսանյութ)

«Սիթին» առաջին կեսում 3 գնդակ է ուղարկել «Լիվերպուլի» դարպասը (տեսանյութ)

«Սիթին» չեմպիոնական միջանցք կազմեց նորընծա չեմպիոն «Լիվերպուլի» համար (ֆոտո, տեսանյութ)

«Շեֆիլդը» վստահ հաղթանակ տոնեց «Տոտենհեմի» նկատմամբ (տեսանյութ)

«Մանչեսթեր Սիթի» – «Լիվերպուլ»․ Մեկնարկային կազմեր

Քեյնի գոլը չարձանագրվեց Մոուրայի ձեռքով խաղի պատճառով (տեսանյութ)

Աղբյուր․ Սանեն 5 տարվա պայմանագիր է կնքել «Բավարիայի» հետ

Չեմպիոնների առճակատումը, «Ռեալի» հերթական փորձությունը. Ինչ ֆուտբոլ դիտել այսօր

Վան Դեյկը իրեն համեմատել է Ռոջեր Ֆեդերերի հետ

Վիլիանի դուբլը չփրկեց «Չելսիին» լոնդոնյան դերբիում պարտությունից (տեսանյութ)

«Չելսին» արտագնա խաղում ելույթ է ունենում 2020-21 մրցաշրջանի տնային մարզազգեստով (ֆոտոշարք)

«Արսենալը» ջախջախեց «Նորվիչին», «Էվերթոնն» ուժեղ էր «Լեսթերից» (տեսանյութ)

Օբամեյանգը գերազանցեց Թիերի Անրիի ցուցանիշը՝ ռեկորդ սահմանելով «Արսենալում» (տեսանյութ)