fbpx
Բաժիններ

Բարեղամյանը հայ գործող ֆուտբոլիստներից ընդամենը 3-ին է զիջում պաշտոնական խաղերի քանակով

Բարձրագույն խմբի 31-րդ տուրը՝ 10 փաստով

Առաջնության վերջնագծում Ալեքսանդր Տարխանովի գլխավորությամբ ունեցած տպավորիչ ելույթների շնորհիվ «Փյունիկը» ոչ միայն ստանձնեց առաջատարի դերը, այլև չեմպիոնի տիտղոսը նվաճելու լուրջ հայտ ներկայացրեց: Իսկ ահա «Արարատ-Արմենիան» 2-րդ անընդմեջ խաղում «սայթաքեց», ինչը կարող է ճակատագրական լինել Վարդան Մինասյանի սաների համար: «Բանանցն» ու «Ալաշկերտն» էլ չեն թաքցնում ոսկե մեդալներին տիրելու իրենց լուրջ հավակնությունները:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ դաշտի տերերի առավելությամբ, որոնք հաղթեցին 3 խաղում, պարտվեցին մեկում: Առաջնությունում անցկացված 124 հանդիպումներում դաշտի տերերը 48 հաղթանակ են տոնել, հյուրերին հաջողությունն ուղեկցել է 43 անգամ, 33 խաղ ավարտվել է ոչ-ոքի: Հյուրընկալվելիս միակ հաղթանակը տոնեց «Բանանցը»:

4 խաղում 12 գոլ խփվեց: Առաջնության մեկնարկից անցկացված 124 հանդիպումներում 281 գոլ է խփվել: Միջին արդյունավետությունը կազմում է 2,26 գոլ մեկ խաղում:

2․ «Փյունիկը» 5-րդ անընդմեջ հաղթանակը տոնեց, որից 4-ը գրանցվել է Ալեքսանդր Տարխանովի օրոք: Վերջինս գերազանց է սկսել մարզչական գործունեությունը «Փյունիկում»: Թիմը մարզած օտարերկրացի մարզիչներից առայժմ բոլորից հաջող նորամուտը «Փյունիկում» նշել է արգենտինացի Օսկար Լոպեսը՝ 2002թ. առաջնության մեկնարկային 13 հանդիպումներն ավարտելով հաղթանակով: Ավելորդ չէ նշել, որ այդ մրցաշրջանում «Փյունիկը» Լոպեսի գլխավորությամբ յուրօրինակ հեթ-տրիքի հեղինակ էր դարձել՝ նվաճելով Հայաստանի չեմպիոնի, գավաթակրի և սուպերգավաթակրի տիտղոսները:

«Փյունիկը» բոլորից հաջող է հանդես գալիս առաջնության գարնանային հատվածում՝ 11 հանդիպումներում վաստակելով 25 միավոր: «Ալաշկերտի» և «Արարատ-Արմենիայի» հաշվին գրանցվել է 23-ական միավոր: Ընդ որում ալաշկերտցիները մեկ խաղ պակաս են անցկացրել:

Ալեքսանդր Տարխանով․ «Հավաքականի գլխավոր մարզիչն Էրիկ Վարդանյանին ընդգրկել է ընտրանու ընդլայնված հայտացուցակում» (տեսանյութ)

3․ «Գանձասար-Կապանին» ոչ միայն հաջողվեց առաջնությունում վերջապես գրավել «Արարատ-Արմենիայի» դարպասը, այլև առաջին հաղթանակը տոնել մրցակցի նկատմամբ: Իսկ ահա Վարդան Մինասյանի սաները 2-րդ անընդմեջ պարտությունը կրեցին՝ երկու խաղում սեփական դարպասը բաց թողնելով 6 գնդակ: Հետաքրքիր է, որ այդ քանակությամբ գոլեր «Արարատ-Արմենիան» բաց էր թողել նախորդ 8 հանդիպումներում:

4․ «Արարատն» առաջնության գարնանային հատվածում առաջին հաղթանակը տոնեց՝ ընդհատելով 5 անընդմեջ պարտությունների և առանց հաղթանակների 10 խաղերի շարքը: Այդ հաղթանակը նաև առաջինն էր Տիգրան Եսայանի օրոք: Վերջին հաղթանակն «Արարատը» տարել էր անցյալ տարվա դեկտեմբերի 2-ին՝ նվազագույն հաշվով առավելության հասնելով «Ալաշկերտի» նկատմամբ:

Տիգրան Եսայան․ «Հոգեբանական առումով շատ կարևոր հաղթանակ էր․ հուսով ենք, որ ճիշտ ուղու վրա ենք» (տեսանյութ)

5․ Արամ Բարեղամյանը գոլով նշեց պաշտոնական մրցումներում հոբելյանական՝ 350-րդ խաղը: Այդ խաղերից 187-ը նա անցկացրել է «Բանանցի» կազմում: Հայ գործող ֆուտբոլիստներից պաշտոնական խաղերի քանակով Բարեղամյանին գերազանցում են միայն Գևորգ Կասպարովը՝ 447, Արթուր Յուսպաշյանը (այս պահին ակումբ չունի, բայց կարիերայի ավարտի մասին դեռ չի հայտարարել)՝ 360, և Վահագն Մինասյանը՝ 357:

Արամ Բարեղամյանն ընդգրկվեց ՀՀ առաջնություններում «Բանանցում» գոլ խփած ամենատարեց ֆուտբոլիստների տասնյակում՝ «Լոռիի» դարպասը գրավելով 31 տարեկան 118 օրականում: Նա ցանկից դուրս թողեց թիմի նախկին ֆուտբոլիստ Արմեն Սահակյանին, որը 2001թ. գոլի հեղինակ էր դարձել 31 տարեկան 112 օրականում: «Բանանցում» գոլ խփած ամենատարեց ֆուտբոլիստը թիմի ներկայիս մարզիչ Կարեն Սիմոնյանն է, որը 2007թ. աչքի է ընկել 36 տարեկան 341 օրականում:

Սևադա Արզումանյան․ «Այս պարտությունը կօգնի հասկանալ, որ եթե ինչ-որ մեկը մտածի՝ բավարարված է ինքն իրենով, նման խաղերը կպատժեն այդպիսի մտածելակերպը» (տեսանյութ)

6․ Փյունիկցի Մաքսիմ Ժեստոկովն ընթացիկ առաջնությունում 4-րդ գոլը խփեց և ընդգրկվեց թիմի ամենաարդյունավետ լեգեոնականների տասնյակում: Ցանկը գլխավորում է Մարկոս Պիզելին, որը 31 գոլի հեղինակ է դարձել «Փյունիկում»:

7․ Գեղամ Հարությունյանը Բարձրագույն խմբում 40-րդ գոլը խփեց: Այդ գոլերից 38-ը նա խփել է «Գանձասար-Կապանի» կազմում՝ հանդիսանալով թիմի բոլոր տարիների լավագույն ռմբարկուն: Ընթացիկ առաջնության մասնակիցներից Հարությունյանից ավելի արդյունավետ են գործել նրա թիմակից Միհրան Մանասյանը՝ 75, «Արցախից» հեռացած Նորայր Գյոզալյանը՝ 60, ալաշկերտցիներ Էդգար Մանուչարյանը՝ 54, և Արտակ Եդիգարյանը՝ 44, գանձասարցի Գևորգ Նռանյանը՝ 41:

8․ Դավիթ Մինասյանն առաջին գոլը խփեց «Գանձասար-Կապանում», իսկ Ուիլյամս Իկեչուկվու Նվանին գոլով նշեց նորամուտը «Լոռիի» կազմում Բարձրագույն խմբում:

Վարդան Բիչախչյանը՝ «Փյունիկից» կրած պարտության, «Շիրակի» ապագայի և առաջնության չեմպիոնական մրցավազքի մասին (տեսանյութ)

9․ Արտյոմ Սիմոնյանն ընթացիկ առաջնությունում «Արարատում» 3-րդ 11մ հարվածն անվրեպ իրացրեց: Նա 5 գնդակով թիմի լավագույն ռմբարկուն է: «Արցախի» դարպասը Սիմոնյանի խփած գոլը Բարձրագույն խմբում «Արարատի» 1150-րդ գնդակն էր: Հիշեցնենք, որ ապրիլի 26-ին «Արարատ-Արմենիայի» հետ խաղում Սիմոնյանը դարձել էր ՀՀ առաջնություններում «Արարատի» մասնակցությամբ հանդիպումներում գրանցված հոբելյանական՝ 2000-րդ գոլի հեղինակը:

10․ Շիրակցի Արամ Շախնազարյանը Բարձրագույն խմբում հոբելյանական՝ 150-րդ խաղն անցկացրեց: Դրանցից 22-ում նա խաղադաշտ է դուրս եկել «Շիրակի» մարզաշապիկով: Արարատցի Անդրանիկ Քոչարյանը նշեց Բարձրագույն խմբում 100-րդ խաղի հոբելյանը:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Մարտնչելու ոգով․ «Բանանցի» վերջին մարզումը «Չուկարիչկիի» հետ խաղից առաջ․ VNews-ի ֆոտոշարքը

Իլշատ Ֆայզուլինի և Արամ Հայրապետյանի մամուլի ասուլիսը «Բանանց» – «Չուկարիչկի» խաղից առաջ (տեսանյութ)

«Չուկարիչկիի» մարզիչ․ «Բանանցը» վաղը շատ մոտիվացված է լինելու»

Իլշատ Ֆայզուլին․ «Այն, ինչ եղել է նախորդ խաղում, մոռացվել է»

ԱԻԿ-ն առաջնությունում վստահ հաղթանակ է տոնել «Արարատ-Արմենիայի» հետ խաղից առաջ

«Լոռին» Պիտեր Կրաուչին հորդորում է տեղափոխվել վանաձորյան ակումբ

Մանուչարյանը 15 տարի անց կրկին գոլ խփեց եվրագավաթներում, «Բանանցի» հերթական ֆիասկոն

Սեկուլիչ․ «Կարծում եմ՝ կհաղթենք նաև մրցակցի հարկի տակ»

«Մակեդոնիայի» մարզիչ․ «Եթե մեր թիմն այդքան սխալներ թույլ չտար, ավելի լավ արդյունքի կհասնեինք»

Հայկ Իշխանյան․ «Չեմ ուզում՝ այս հանդիպման հաշիվը հիշելով մասնակցենք պատասխան խաղին» (տեսանյութ)

Արտակ Գրիգորյան․ «Եթե պատասխան խաղում մի պահ թուլանանք, անպայման կպատժվենք» (տեսանյութ)

Բագրատ Նավոյան․ «Խոստանում եմ, որ անպայման հաղթանակով ենք հետ գալու պատասխան խաղից» (տեսանյութ)

Աբրահամ Խաշմանյանի մամուլի ասուլիսն «Ալաշկերտ» – «Մակեդոնիա» հանդիպումից հետո (տեսանյութ)

«Բանանցը» պարտվեց խոշոր հաշվով (տեսանյութ)

«Չուկարիչկի» – «Բանանց». Արամ Հայրապետյանը, բարեբախտաբար, խուսափեց վնասվածքից (տեսանյութ)

«Չուկարիչկի» – «Բանանց». Առաջին կեսից հետո երևանյան ակումբը պարտվում է (տեսանյութ)