fbpx
Բաժիններ

Աբրահամ Խաշմանյանի յուրօրինակ հեթ-տրիկը հայկական ֆուտբոլում

«Ալաշկերտի» գլխավոր մարզիչ Աբրահամ Խաշմանյանը մարզչական կարիերայում հերթական նվաճմանը հասավ՝ իր սաներին առաջին անգամ գավաթային բարձունքին հասցնելով: Ընդ որում, Խաշմանյանին դա հաջողվեց առաջին իսկ փորձից:

Այսպիսով, փորձառու մասնագետին հաջողվեց մարզչական հարուստ կարիերայի ընթացքում իր սաների հետ արժանանալ հայկական ֆուտբոլի 3 գլխավոր տիտղոսներին: Աբրահամ Խաշմանյանի գլխավորությամբ «Ալաշկերտը» 2 տարի անընդմեջ (2015/16, 2016/17թթ.) նվաճել է Հայաստանի չեմպիոնի տիտղոսը, իսկ 2016թ. դարձել է երկրի սուպերգավաթակիր:

Աբրահամ Խաշմանյանը հայկական ֆուտբոլում յուրօրինակ հեթ-տրիկի հեղինակ դարձած 8-րդ մարզիչն է: Մինչ այդ իրենց գլխավորած թիմերին ՀՀ չեմպիոնի, գավաթակրի և սուպերգավաթակրի տիտղոսներին էին արժանացրել Խորեն Հովհաննիսյանը, Վարուժան Սուքիասյանը, Օսկար Լոպեսը, Միխայ Ստոյկիցան, Վարդան Մինասյանը, Վարդան Բիչախչյանն ու Սարգիս Հովսեփյանը:

Աբրահամ Խաշմանյանը շնորհակալություն հայտնեց «Լոռիին» շատ լավ ֆուտբոլ խաղալու համար, խոսեց եզրափակիչին վերաբերող այլ թեմաներից (տեսանյութ)

Աբրահամ Խաշմանյանը դարձավ ՀՀ գավաթակիր թիմ պատրաստած 6-րդ մարզիչը, որը ֆուտբոլիստի կարիերայում ևս վայելել էր գավաթի նվաճման բերկրանքը: Հիշեցնենք, որ նա կրկնակի գավաթակիր է դարձել «Միկայում» 2000 և 2001թթ.: Մարզիչներից նախկինում դա հաջողվել էր Վարդան Մինասյանին, Արմեն Շահգելդյանին, Սարգիս Հովսեփյանին, Ռաֆայել Նազարյանին և Աշոտ Բարսեղյանին:

Մարզիչներից  յուրօրինակ ռեկորդակիրը Վարուժան Սուքիասյանն է, որի գլխավորած թիմերը 4 անգամ նվաճել են պատվավոր մրցանակը (1992թ.՝ «Բանանց», 1998-1999թթ.՝ «Ցեմենտ», 2008թ.՝ «Արարատ»): Երկու անգամ էլ նա իր սաների հետ անհաջողության է մատնվել գավաթի եզրափակչում: Նախկինում Սուքիասյանի օրոք 2007թ. գավաթի եզրափակչում պարտություն էր կրել «Արարատը»՝ լրացուցիչ ժամանակում 1-3 հաշվով զիջելով «Բանանցին», իսկ անցյալ տարի գավաթի վճռորոշ խաղում «Ալաշկերտը» հետխաղյա 11մ հարվածներով զիջել էր «Գանձասար-Կապանին»:

Այսպիսով, Վարուժան Սուքիասյանի գլխավորած թիմերը 6 անգամ հանդես են եկել գավաթի եզրափակչում, ինչը ևս յուրօրինակ ռեկորդ է:

Ընդհանուր առմամբ ՀՀ գավաթի 28-ամյա պատմության ընթացքում 19 մարզիչների է հաջողվել գավաթակիր թիմ պատրաստել: Նրանցից 4-ն այլազգի մասնագետներ են: Գավաթի նվաճման բերկրանքն իրենց սաների հետ կիսել են արգենտինացի Օսկար Լոպեսը, ռումինացի Միխայ Ստոյկիցան, չեխ Յան Պոշտուլկան և իսպանացի Տիտո Ռամալյոն:

VNews.am-ը ներկայացնում է այն 19 մարզիչների ցանկը, որոնց բախտ է վիճակվել իրենց սաների հետ Հայաստանի գավաթով պատվո շրջան կատարել մարզադաշտում:

Մարզիչներ Գավաթ Ակումբներ Մրցաշրջան
1.Վարուժան Սուքիասյան 4 «Բանանց», «Ցեմենտ», «Արարատ» 1992, 1998-1999, 2008
2.Արմեն Սարգսյան 2 «Արարատ» 1993-1994
3.Էդուարդ Մարգարով 2 «Միկա» 2000-2001
4.Արմեն Ադամյան 2 «Միկա» 2005-2006
5.Վարդան Մինասյան 2 «Փյունիկ» 2009-2010
6.Սարգիս Հովսեփյան 2 «Փյունիկ» 2013/14-2014/15
7.Վարդան Բիչախչյան 2 «Շիրակ» 2012, 2016/17
8.Սամվել Դարբինյան 1 «Արարատ» 1995
9.Խորեն Հովհաննիսյան 1 «Փյունիկ» 1996
10.Արկադի Անդրեասյան 1 «Արարատ» 1997
11.Օսկար Լոպես 1 «Փյունիկ» 2002
12.Սուրեն Բարսեղյան 1 «Միկա» 2003
13.Միխայ Ստոյկիցա 1 «Փյունիկ» 2004
14.Յան Պոշտուլկա 1 «Բանանց» 2007
15.Արմեն Շահգելդյան 1 «Միկա» 2011
16.Ռաֆայել Նազարյան 1 «Փյունիկ» 2012/13
17.Տիտո Ռամալյո 1 «Բանանց» 2015/16
18.Աշոտ Բարսեղյան 1 «Գանձասար-Կապան» 2017/18
19.Աբրահամ Խաշմանյան 1 «Ալաշկերտ» 2018/19

Աշոտ Հայրապետյան


Հետևե՛ք VNews.am-ին նաև Youtube-ում և Instagram-ում:


Արմեն Գյուլբուդաղյանցը միակն էր, որի օրոք հավաքականը հասել է խփած և բաց թողած գնդակների դրական տարբերության

Գերկարևոր հանդիպում Գյումրիում․ Ամենաուշագրավ փաստերը՝ ԲԽ-ի 11-րդ տուրին ընդառաջ

Ֆինլանդիայի հավաքականը միակ թիմն է, որի դարպասն այս ընտրական փուլում չհաջողվեց գրավել

Հայաստանի հավաքականի կազմը աշխարհի մինչև 23 տարեկանների առաջնության համար

Բարձրագույն խմբի 10-րդ տուրի խորհրդանշական հավաքականը և լավագույն ֆուտբոլիստը

«Արարատն» արդեն ունի այնքան միավոր, ինչքան վաստակել էր նախորդ ամբողջ առաջնությունում

Աշոտ Բարսեղյան․ «Մենք այս ֆուտբոլիստներով չենք կարող շատ բարձր արդյունքներ գրանցել»

Հայկական ակումբների 8 լեգեոներներ հրավիրվել են իրենց երկրների ազգային հավաքականներ

Վարդան Բիչախչյան․ «Մենք ավելի մոտ էինք հաղթանակին»

Դավիդ Կամպանյա․ «Ցույց տվեցինք՝ ավելի լավ թիմ ենք, քան «Փյունիկը»

Ալեքսանդր Տարխանով․ «Խայտառակ մրցավարություն էր»

Արմեն Ադամյան․ «Արարատ-Արմենիան» մեզ գերազանցեց միայն գոլային պահերի ավելի լավ իրացմամբ»

Վարդան Մինասյան․ «Գոռ Մալաքյանը հիմա երևի լավագույն մարզավիճակում է այն պահից, ինչ աշխատում եմ նրա հետ»

11-մետրանոցներով լի խաղ Վանաձորում, «Արարատ-Արմենիան» էլ ընդհատեց «Ալաշկերտի» հաղթարշավը (տեսանյութ)

«Լոռի» – «Փյունիկ», «Արարատ-Արմենիա» – «Ալաշկերտ»․ Մեկնարկային կազմեր, ուղիղ հեռարձակումներ (տեսանյութ)

«Փյունիկն» աղմկահարույց խաղից հետո առաջին անգամ հանդես կգա Վանաձորում․ Ամենաուշագրավ փաստերը՝ ԲԽ-ի 10-րդ տուրին ընդառաջ