Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր - VNews
Բաժիններ

Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր

Գավաթի եզրափակիչը՝ 10 փաստով

2Z7A7004 - Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր
Խաղի մանրամասները

տուր

01 Հունվար 1970 - 15:39

-

-

Ավարտվեց Հայաստանի գավաթի 28-րդ խաղարկությունը, որն ի հայտ բերեց մրցաշարի պատմության մեջ նոր գավաթակրին: Եզրափակչի ամենաուշագրավ իրադարձությունները ներկայացնում ենք 10 փաստի տեսքով:

1․ Հայաստանի գավաթի 28-րդ խաղարկության՝ 2018/19թթ. մրցաշարի հաղթողին որոշելու համար խաղացանկով նախատեսված 21 հանդիպումներից անցկացվեց 20-ը: Դրանցից 5-ում հաղթել են դաշտի տերերը, 8-ում գրանցվել է ոչ-ոքի, 7-ում հաջողությունն ուղեկցել է հյուրերին: Գավաթի մրցաշարում 50 գոլ խփվեց: Միջին արդյունավետությունը բավական բարձր է՝ 2,5 գոլ մեկ խաղում:

2․ «Ալաշկերտը» պատվավոր մրցանակի 28-ամյա պատմության մեջ դարձավ Հայաստանի գավաթը նվաճած ընդամենը 8-րդ ակումբը: Ալաշկերտցիները գավաթի մրցաշարում իրենց առաջին տիտղոսը նվաճեցին 2-րդ փորձից: Նրանք առաջին անգամ գավաթի եզրափակչում հանդես էին եկել անցյալ տարվա մայիսի 16-ին՝ հետխաղյա 11մ հարվածներով (հիմնական և լրացուցիչ ժամանակում՝ 1-1) պարտվելով «Գանձասար-Կապանին»:

2Z7A6919 960x620 - Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր

Աբրահամ Խաշմանյանը շնորհակալություն հայտնեց «Լոռիին» շատ լավ ֆուտբոլ խաղալու համար, խոսեց եզրափակիչին վերաբերող այլ թեմաներից (տեսանյութ)

Գավաթի մրցաշարերի յուրօրինակ ռեկորդակիրը «Փյունիկն» է, որն ութակի գավաթակիր է: 6 անգամ գավաթակիր է դարձել «Միկան», 5 անգամ պատվավոր մրցանակը նվաճել է «Արարատը», 3 անգամ գավաթով պատվո շրջան է կատարել «Բանանցը»: «Ցեմենտն» ու «Շիրակը» կրկնակի գավաթակիրներ են, մեկ անգամ էլ գավաթին տիրել է «Գանձասար-Կապանը»:

«Ալաշկերտը» գավաթի ընթացիկ խաղարկությունում մնաց անպարտելի՝ 5 հանդիպումներից շահելով 3-ը, 2-ն ավարտելով ոչ-ոքի: Առավել հաճախ՝ 6 անգամ գավաթը նվաճելիս անպարտելի է մնացել «Փյունիկը» (2002, 2004, 2009, 2010, 2012/13, 2013/14թթ.), 4 անգամ դա հաջողվել է «Արարատին» (1993, 1994, 1995, 1997թթ.): «Միկան» 3 անգամ է (2001, 2003, 2011թթ.) գավաթակիր դարձել պարտություն չկրելով: 2-ական անգամ անպարտելի են մնացել «Բանանցը» (1992, 2007թթ.) և «Ցեմենտը» (1998, 1999թթ.), մեկական անգամ էլ դա հաջողվել է «Շիրակին» (2016/17թթ.) ու «Գանձասար-Կապանին» (2017/18թթ.):  

12 9 - Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր

Արթուր Պետրոսյան․ «Հավատի պակաս կար, որ կարող ենք փրկել խաղը․ մոտ օրերս կխոսեմ ապագայի իմ ծրագրերի մասին» (տեսանյութ)

3․ «Լոռին» առաջին անգամ վճռորոշ խաղում վիճարկեց ՀՀ գավաթը՝ դառնալով պատվավոր մրցանակի եզրափակչում հանդես եկած 14-րդ ակումբը: Գավաթը նվաճելու վանաձորցիների առաջին փորձն անհաջողության մատնվեց: Ընդ որում «Լոռին» առաջին անգամ էր մասնակցում ՀՀ գավաթի խաղարկությանը:

Գավաթի խաղարկությունների պատմության մեջ նախկինում միայն 1992 և 2000թթ. մրցաշարերում է թիմերին հաջողվել առաջին իսկ փորձից եզրափակչի ուղեգիր նվաճել: 1992թ. գավաթի անդրանիկ խաղարկությունում եզրափակչում հանդես են եկել միանգամից երկու նորաստեղծ թիմեր՝ ՀՄԸՄ-ն (ներկայիս «Փյունիկը») և «Բանանցը»: Հաջողությունն ուղեկցել է «Բանանցին», որը Վարուժան Սուքիասյանի գլխավորությամբ հաղթելով 2-0 հաշվով, դարձել է Հայաստանի առաջին գավաթակիրը:

Varuzhan Suqiasyan 4 960x640 - Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր

Աբրահամ Խաշմանյանի յուրօրինակ հեթ-տրիկը հայկական ֆուտբոլում

2000թ. գավաթի եզրափակչում հանդես է եկել Բարձրագույն խմբի նորեկ, նորաստեղծ «Միկան», որն Էդուարդ Մարգարովի գլխավորությամբ 2-1 հաշվով առավելության է հասել «Զվարթնոցի» նկատմամբ ու դարձել է գավաթակիր:

4․ Հայաստանի գավաթի խաղարկությունների 28-ամյա պատմության ընթացքում առաջին անգամ եզրափակչում պատվավոր մրցանակը վիճարկեցին «Ալաշկերտն» ու «Լոռին»: Ընդհանուր առմամբ գավաթի եզրափակիչ հանդիպումներում մրցավեճի են բռնվել 20 տարբեր զույգեր: Առավել հաճախ՝ 4 անգամ գավաթը վիճարկել են «Փյունիկն» ու «Բանանցը» (1992, 2004, 2009, 2010թթ.):

5․ ՀՀ գավաթի խաղարկություններում 8-րդ անգամ եզրափակչում պատվավոր մրցանակի բախտը վճռեց խփված միակ գոլը: Նախկինում դա պատահել էր «Արարատ» – «Շիրակ» (1994թ.), «Արարատ» – «Փյունիկ» (1997թ.), «Միկա» – «Բանանց» (2003թ.), «Միկա» – «Փյունիկ» (2006թ.), «Փյունիկ» – «Բանանց» (2009թ.), «Շիրակ» – «Իմպուլս» (2012թ.) և «Փյունիկ» – «Շիրակ» (2013թ.) եզրափակիչ հանդիպումներում, որոնցում հաղթել են զույգերում առաջինը նշված թիմերը:

465118 412766328830281 271017683 o 1 960x636 - Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր

«Ալաշկերտի» 3 ֆուտբոլիստ՝ Հայաստանի քառակի գավաթակիր

Ընդհանուր առմամբ գավաթի վճռորոշ հանդիպումներում գրանցվել է խաղի հաշվի 11 տարբերակ: Առավել հաճախ՝ 8 անգամ եզրափակիչ հանդիպումներն ավարտվել են 1-0 հաշվով: 3 անգամ գավաթակիրը մրցակցին պարտության է մատնել խոշոր հաշվով (2010թ. «Փյունիկ» – «Բանանց»՝ 4-0, 2011թ. «Միկա» – «Շիրակ»՝ 4-1, 2016/17թթ. «Շիրակ» – «Փյունիկ»՝ 3-0):

ՀՀ գավաթի 28 մրցաշարերի եզրափակիչ հանդիպումներում ընդհանուր առմամբ խփվել է 73 գոլ՝ միջինը մեկ խաղում՝ 2,6 գնդակ:

6․ Առաջին անգամ գավաթի բախտը վճռեց ինքնագոլը, որի հեղինակը «Լոռիի» լեգեոնական Ուբոնգ Ֆրայդի Ջոնն էր: Դա գավաթի եզրափակիչներում գրանցված 3-րդ ինքնագոլն էր: Առաջինը գրանցվել էր 1995թ. կայացած «Արարատ»-«Կոտայք» խաղում (4-2), որում հաշիվը բացվել էր կոտայքցիների դարպասապահ Էդիկ Երիցյանի ինքնագոլի շնորհիվ: 2-րդ ինքնագոլի հեղինակը «Կիլիկիայի» պաշտպան Կարեն Զաքարյանն էր, որը 2005թ. «Միկայի» հետ գավաթի վճռորոշ խաղում (0-2) բացել էր հաշիվը:

7․ Արտակ Գրիգորյանի համար գավաթի եզրափակիչ հանդիպումը պաշտոնական մրցումներում հոբելյանական՝ 350-րդ խաղն էր: Դրանցից 36-ը նա անցկացրել է գավաթի մրցաշարերում: Արտակն առաջին անգամ դարձավ Հայաստանի գավաթակիր՝ մասնակցելով եզրափակիչ 4-րդ հանդիպմանը: Նախորդ 3 եզրափակիչները (2014թ.՝ «Գանձասարի» կազմում, 2015թ.՝ «Միկայում», 2018թ.՝ «Ալաշկերտում») Գրիգորյանի համար անհաջող են եղել:

2Z7A6845 - Սա գավաթային առաջին եզրափակիչն էր, որ գրանցված միակ դարպասի գրավումն ինքնագոլ էր

Արտակ Գրիգորյան․ «Շատ տպավորված եմ, որովհետև «Ալաշկերտում» 3 անգամ Հայաստանի չեմպիոն էի դարձել ու շատ էի ուզում նաև գավաթը նվաճել» (տեսանյութ)

8․ «Արարատ-Արմենիայի» հարձակվող Անտոն Կոբյալկոն 6 գնդակով ճանաչվեց գավաթի 28-րդ խաղարկության լավագույն ռմբարկու: Նրա ցուցանիշը լավագույնն է գավաթի վերջին 8 խաղարկություններում: 2011թ. գավաթի մրցաշարում «Միկայի» հարձակվող Նարեկ Բեգլարյանին էր հաջողվել 6 գոլի հեղինակ դառնալ: Իսկ գավաթի մեկ խաղարկությունում առավել արդյունավետ են գործել Արման Քարամյանը (2002թ., «Փյունիկ»), Արամ Ոսկանյանը (2003թ., «Միկա») և Սեմյոն Մուրադյանը (2007թ., «Բանանց»)՝ դառնալով 9-ական գոլի հեղինակ:

9․ Գավաթի 28-րդ խաղարկության եզրափակչի մասնակիցներից ամենատարեցն ալաշկերտցի Դենիս Թումասյանն էր, որը գավաթակիր դարձավ 34 տարեկան 14 օրականում: Պատվավոր մրցանակի խաղարկությունների պատմության մեջ ամենատարեց գավաթակիրը «Գանձասար-Կապանի» դարպասապահ Գևորգ Կասպարովն է, որն անցյալ տարի գավաթակիր էր դարձել 37 տարեկան 295 օրականում՝ գերազանցելով «Փյունիկի» նախկին ավագ Սարգիս Հովսեփյանի ռեկորդային ցուցանիշը: Վերջինս գավաթը ֆեդերացիայի նախագահից ստացել էր 37 տարեկան 189 օրականում 2010թ. մայիսի 10-ին «Բանանցի» հետ կայացած հաղթական եզրափակչից հետո (4-0):

10․ Արթուր Եդիգարյանը 22-րդ ավագն էր, որ ֆեդերացիայի նախագահից ստացավ գավաթը: Առավել հաճախ՝ 4 անգամ (1993-1996թթ.) որպես թիմի ավագ գավաթը հանձնվել է Արամայիս Տոնոյանին:

Աշոտ Հայրապետյան

Միացի՛ր հայկական ամենասպորտային Instagram-ին:


Արամ Ոսկանյանը կարող է ազատվել «Ատիրաուի» գլխավոր մարզչի պաշտոնից

«Շիրակ» – «Ալաշկերտ» խաղի ժամանակացույցը

Արտակ Գրիգորյանը՝ VBET ՀՊԼ փետրվար-մարտ ամիսների լավագույն ֆուտբոլիստ ճանաչվելու և այլ թեմաների մասին (տեսանյութ)

«Շիրակ» – «Ալաշկերտ» խաղը հետաձգվել է

VBET Հայաստանի Պրեմիեր լիգա. «Նոա» – «Փյունիկ», մեկնարկային կազմեր, ուղիղ հեռարձակում

VBET ՀՊԼ փետրվար-մարտ ամիսների լավագույն մարզիչ Վարդան Բիչախչյանը՝ մրցանակին արժանանալու մասին (տեսանյութ)

Վարդան Բիչախչյան. «Այսօր մենք մեզ նման չէինք» (տեսանյութ)

Տիգրան Եսայան. «Ամեն ինչ դեռ առջևում է, անգամ մենք պետք է պայքարենք չեմպիոնության համար» (տեսանյութ)

Արսեն Բեգլարյան․ «Արարատը» հենց այնպես չէ գլխավորում աղյուսակը․ շատ հաճելի է հաղթել նման լուրջ մրցակցի» (տեսանյութ)

Արսեն Բեգլարյանն այդ ցուցանիշին հասած ընդամենը 10-րդ դարպասապահն է

«Ուրարտուն» հաղթեց առաջատար «Արարատին» (տեսանյութ)

VBET Հայաստանի Պրեմիեր լիգա. «Ուրարտու» – «Արարատ», մեկնարկային կազմեր, ուղիղ հեռարձակում

Հայտնի է փետրվար-մարտ ամսվա VBET Հայաստանի Պրեմիեր լիգայի լավագույն ֆուտբոլիստի անունը

Վարդան Բիչախչյանը՝ VBET ՀՊԼ փետրվար-մարտ ամիսների լավագույն մարզիչ

«Հավերժական» մրցակիցները 28 օրում կառերեսվեն 4-րդ անգամ․ Ամենակարևորը՝ VBET ՀՊԼ 19-րդ տուրին ընդառաջ

«Ուրարտուն» առաջին անգամ վերջին 9,5 տարում, «Արարատը»՝ 13 տարում․ ուշագրավ վիճակագրություն