Առաջնությունում ընդամենը 1 թիմ կա, որ անպարտելի է գարնանային հատվածում - VNews
Բաժիններ

Առաջնությունում ընդամենը 1 թիմ կա, որ անպարտելի է գարնանային հատվածում

Բարձրագույն խմբի 32-րդ տուրը՝ 10 փաստով

«Փյունիկը» հերթական հաղթանակի շնորհիվ ամրապնդեց առաջատարի դիրքն ու ավելի իրատեսական դարձրեց ոսկե մեդալների նվաճման իր հավակնությունները: Չեմպիոնի կոչման համար պայքարում «Արարատ-Արմենիան» անչափ կարևոր հաղթանակ տոնեց, իսկ «Բանանցը» թանկարժեք երկու միավորի կորուստ ունեցավ, ինչը կարող է ճակատագրական լինել Իլշատ Ֆայզուլինի սաների համար: Իսկ ահա վերջին 3 տարիների անփոփոխ չեմպիոն «Ալաշկերտը» գործնականում զրկվեց իր տիտղոսը պաշտպանելու հնարավորությունից:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Դաշտի տերերն ու հյուրերը մեկական հաղթանակ տոնեցին, երկու խաղ ավարտվեց ոչ-ոքի: Առաջնությունում անցկացված 128 հանդիպումներում դաշտի տերերը 49 հաղթանակ են տոնել, հյուրերին հաջողությունն ուղեկցել է 44 անգամ, 35 խաղ ավարտվել է ոչ-ոքի:

Ռումյան Հովսեփյանը պատմում է Տարխանովի՝ «Փյունիկի» խաղում կատարած փոփոխությունների ու իր մարզավիճակի մասին (տեսանյութ)

4 խաղում 8 գոլ խփվեց: Առաջնության մեկնարկից անցկացված 128 հանդիպումներում 289 գոլ է խփվել: Միջին արդյունավետությունը կազմում է 2,25 գոլ մեկ խաղում:

2․ «Փյունիկը» շարունակեց հաղթարշավը՝ տոնելով 6-րդ անընդմեջ հաղթանակը: Դրանցից 5-ը գրանցվել է Ալեքսանդր Տարխանովի օրոք: Այդ հանդիպումներում փյունիկցիները 13 գնդակ են խփել՝ սեփականը բաց թողնելով ընդամենը 2-ը:

Ընթացիկ առաջնությունում «Փյունիկը» խոշոր հաշվով 2-րդ հաղթանակը տոնեց: Երկուսն էլ գրանցվել են Տարխանովի գլխավորությամբ: Մինչև «Արցախին» հաղթելը, «Փյունիկը» 4-1 հաշվով առավելության էր հասել «Արարատ-Արմենիայի» նկատմամբ: Փյունիկցիները 3-րդ անգամ հաղթեցին «Արցախին», որին այդպես էլ չհաջողվեց ընթացիկ առաջնությունում գտնել մրցակցի դարպասի բանալին՝ փոխարենը սեփական դարպասն ընդունելով 6 գնդակ:

Ալեքսանդր Տարխանով․ «Վերջին 3 խաղում 4 գո՞լ ենք խփել անկյունայիններից․ մենք մարզում ենք այդ խաղարկումները» (տեսանյութ)

3․ «Բանանցն» ընթացիկ առաջնությունում «Արարատի» հետ մրցավեճում առաջին անգամ չկարողացավ հաղթել՝ երկու շատ թանկարժեք միավոր կորցնելով: Իլշատ Ֆայզուլինի սաները 12-րդ անընդմեջ խաղում անպարտելի մնացին՝ կրկնելով «Արարատ-Արմենիայի» ռեկորդային ցուցանիշը: «Բանանցն» առաջնության գարնանային հատվածում միակ անպարտելի թիմն է: Վերջին պարտությունը «Բանանցը» կրել է անցյալ տարվա նոյեմբերի 28-ին՝ 0-3 հաշվով զիջելով «Արարատ-Արմենիային»:

4․ Քրիստի Մարկուն բացեց գոլերի հաշիվը ՀՀ առաջնությունում: Նա ընդգրկվեց «Փյունիկում» գոլ խփած ամենաերիտասարդ լեգեոնականների տասնյակում՝ «Արցախի» դարպասը գրավելով 24 տարեկան 27 օրականում:

5․ Ընթացիկ առաջնությունում 30-ամյա Ալեքսանդր Պրուդնիկովը 3-րդ գոլը խփեց և գերազանցեց «Ալաշկերտի» նախկին հարձակվող Յուրի Ֆոմենկոյի տարիքային ռեկորդը: Վերջինս այդ տարիքում 2016թ. 2 գոլի հեղինակ էր դարձել:

Աբրահամ Խաշմանյան․ «Ես իրատես եմ․ պետք է ամեն ինչ անենք, որ լինենք լավագույն եռյակում» (տեսանյութ)

6․ Անտոն Կոբյալկոն առաջնությունում 2-րդ 11մ հարվածն անվրեպ իրացրեց՝ խփելով 12-րդ գնդակը: Այդ գոլերից 9-ը Կոբյալկոն խփել է առաջնության գարնանային հատվածում: Նա կրկնեց «Միկայի» նախկին լեգեոնական Անդրեյ Բուլանովի ռեկորդային ցուցանիշը, որը ռուսաստանցի ֆուտբոլիստներից մեկ մրցաշրջանում (2001թ.) բոլորից շատ՝ 12 գոլ էր խփել:

7․ «Բանանցի» 24-ամյա կիսապաշտպան Սոլոմոն Իմե Ուդոն ՀՀ առաջնություններում 104-րդ խաղն անցկացրեց և գերազանցեց Գագա Թբիլաշվիլու տարիքային ռեկորդը: Վերջինս Բարձրագույն խմբում հանդես եկած լեգեոնականներից այդ տարիքում բոլորից շատ՝ 103 խաղ է անցկացրել:

8․ Արամ Հայրապետյանն ընդգրկվեց «Բանանցում» հանդես եկած ամենատարեց ֆուտբոլիստների տասնյակում: «Արարատի» հետ խաղում «Բանանցի» դարպասապահը 32 տարեկան 169 օրական էր: Նա ցանկից դուրս թողեց թիմի նախկին ֆուտբոլիստ Մուրադ Անգթյանին, որն իր վերջին խաղը «Բանանցում» անցկացրել էր 32 տարեկան 165 օրականում:

Վարդան Բիչախչյան․ «Լավ է՝ այսօր նման խաղով չհաղթեցինք․ տղաները պետք է գիտակցեն, որ հարկավոր է ամբողջությամբ նվիրվել» (տեսանյութ)

9․ Վսևոլոդ Երմակովն ընթացիկ առաջնությունում 16-րդ անգամ դարպասն անառիկ պահեց: Նրա արդյունքը լավագույնն է ընթացիկ առաջնությունում: ՀՀ առաջնություններում հանդես եկած լեգեոնական դարպասապահների մեջ Երմակովն իր ցուցանիշով զիջում է միայն Լևան Բուբուտեիշվիլուն, որը 2011թ. «Գանձասարի» դարպասը պաշտպանելիս 28 հանդիպումներից 17-ում գոլ բաց չէր թողել:

10․ Արտակ Գրիգորյանը ՀՀ առաջնություններում 100-րդ խաղն անցկացրեց «Ալաշկերտում»՝ դառնալով թիմի՝ նման ցուցանիշի հասած 3–րդ ֆուտբոլիստը: Ալաշկերտցիների կազմում բոլորից շատ հանդիպումների է մասնակցել թիմի նախկին հարձակվող Միհրան Մանասյանը (124), որին հաջորդում է 105 խաղ անցկացրած Արտակ Եդիգարյանը: Արտակ Գրիգորյանը թիմի ներկայիս կազմի ֆուտբոլիստներից ամենափորձառուն է: Նա ֆուտբոլային կարիերայի ընթացքում Բարձրագույն խմբում ընդհանուր առմամբ 266 խաղ է անցկացրել:

Արցախցի Արթուր Գրիգորյանը Բարձրագույն խմբում 100-րդ խաղի հոբելյանը նշեց:

Աշոտ Հայրապետյան

Միացի՛ր հայկական ամենասպորտային Instagram-ին:


«Ուրարտուի» գլխավոր մարզիչ Ալեքսանդր Գրիգորյանը կորոնավիրուսի ստուգման թեստ է հանձնել

«Շիրակը» համակարգիչներով է ապահովել տեղի դպրոցներին

Երևանի ազգային հավաքական. Ինչու Հայաստանի մարզերում ֆուտբոլիստներ չեն ծնվում

Տիտո Ռամալյո. «Կապառոսը կարող է օգուտ տալ Հայաստանի հավաքականին»

Ովքեր են հայկական ֆուտբոլի ամենատիտղոսակիր ֆուտբոլիստները

Հայկական ակումբները ստացել են ՈւԵՖԱ-ի «համերաշխության վճարները»

Բերեզովսկի. «Եթե բանկիր Սարին դարձել է լավ մարզիչ, ապա դարպասապահը հաստատ կարող է դառնալ»

Թվեք Ֆուտբոլի Հայաստանի առաջնության մասնակից բոլոր թիմերը՝ 1992 թվականից սկսած. VNews-ի Quiz-ը

«Նոան» տարբերվող ֆուտբոլ է խաղում, ափսոս, առանց հայ ֆուտբոլիստների․ Թիմի տակտիկական գաղտնիքները

«Շիրակի» բժիշկը օգնում է պայքարել կորոնավիրուսի դեմ

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում

Ալեքսանդր Գրիգորյան․ «Նոան» ամբողջապես արժանի հաղթանակ տոնեց» (տեսանյութ)

Վադիմ Բորեց․ «Հանգստություն չպետք է լինի․ երկրորդ խաղն ավելի ծանր է լինելու» (տեսանյութ)

Արմեն Պետրոսյան․ «Լավ կպատրաստվենք երկրորդ խաղին․ պայքարելու ենք մինչև վերջ» (տեսանյութ)

Վարդան Մինասյան․ «Այսօր ստեղծած գոլային պահերի քանակը կբավականացներ մի քանի հանդիպման համար» (տեսանյութ)

Նվազագույն հաշիվ գրանցվեց նաև VBet Հայաստանի գավաթի կիսաեզրափակիչ մյուս խաղում (տեսանյութ)