fbpx
Բաժիններ

Ընդամենը 2 թիմ է Գյումրիում հաղթել «Շիրակին», իսկ Դենիս Թումասյանն «Ալաշկերտի» ռեկորդակիրն է

Բարձրագույն խմբի 34-րդ տուրը՝ 10 փաստով

Առաջնության 34-րդ տուրի հանդիպումներից հետո ևս մեկ թիմ՝ «Բանանցը» դուրս մնաց չեմպիոնական մրցավազքից: Ոսկե մեդալների համար պայքարը շարունակող «Փյունիկը» կրկին երկու թանկարժեք միավոր կորցրեց՝ զգալիորեն մեծացնելով «Արարատ-Արմենիայի» չեմպիոնական հավակնությունները, որն առաջատար քառյակից այս տուրում հաղթանակ տոնած միակ թիմն էր:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ հյուրերի առավելությամբ, որոնք երկու հաղթանակ տոնեցին, նույնքան խաղ ավարտեցին ոչ-ոքի: Առաջնությունում անցկացված 136 հանդիպումներում դաշտի տերերը 51 հաղթանակ են տոնել, հյուրերին հաջողությունն ուղեկցել է 47 անգամ, 38 խաղ ավարտվել է ոչ-ոքի:

Ջևան Չելոյանց․ «Ծափահարում եմ Հայաստանի առաջնության խաղային օրացույցը կազմողներին»

Տուրում 12 գոլ գրանցվեց: Առաջնության մեկնարկից անցկացված 136 հանդիպումներում 306 գոլ է խփվել: Միջին արդյունավետությունը կազմում է 2,25 գոլ մեկ խաղում:

2․ «Բանանցն» առաջնության գարնանային հատվածում առաջին պարտությունը կրեց՝ ընդհատելով 13 անպարտելի խաղերի ռեկորդային շարքը: Նախորդ պարտությունը «Բանանցը» կրել էր անցյալ տարվա նոյեմբերի 28-ին՝ 0-3 հաշվով զիջելով «Արարատ-Արմենիային»: «Բանանցը» 2-րդ անգամ խոշոր հաշվով պարտվեց «Գանձասար-Կապանին», որն ընթացիկ առաջնությունում 3-րդն էր:

3․ «Գանձասար-Կապանն» ընթացիկ առաջնությունում իր ամենախոշոր հաշվով հաղթանակը տոնեց, որը 3-րդն էր: Մինչ այդ գանձասարցիները հաղթել էին «Արարատին» (4-0), իսկ «Բանանցի» հետ 2-րդ շրջանի խաղում 3 անպատասխան գնդակ էին ուղարկել մրցակցի դարպասը: ՀՀ առաջնություններում գանձասարցիները 4-րդ անգամ խոշոր հաշվով պարտության մատնեցին «Բանանցին»՝ առաջին անգամ 5 անպատասխան գնդակ խփելով մրցակցի դարպասը:

Արմեն Պետրոսյանը՝ գերվստահ հաղթանակի, նպատակների և «հայի բնավորություն ունեցող» Վբեյմարի մասին (տեսանյութ)

«Գանձասար-Կապանը» ռևանշի հասավ 2010թ. «Բանանցից» 0-5 հաշվով կրած պարտության դիմաց: Սակայն ամենախոշոր հաշվով պարտությունը «Բանանցից» կապանցիները կրել են 2006թ. հունիսի 28-ին սեփական հարկի տակ կայացած խաղում՝ 1-7: Ի դեպ, այդ պարտությունից հետո գանձասարցիների գլխավոր մարզիչ Ալբերտ Սարգսյանը հրաժարական էր տվել:

4․ «Արարատ-Արմենիան» դարձավ առաջնության մասնակից 2-րդ թիմը, որին հաջողվեց Գյումրիում հաղթել «Շիրակին»: Մինչ այդ միայն «Փյունիկին» էր հաջողվել հյուրընկալվելիս հաղթել «Շիրակին» (2-1, 2-0): «Արարատ-Արմենիան» ընդհատեց Գյումրիում «Շիրակի» 5 անպարտելի խաղերի շարքը, որի ընթացքում շիրակցիները տոնել էին մեկ հաղթանակ, 4 խաղ ավարտել էին ոչ-ոքի: Ընդ որում սեփական հարկի տակ անցկացրած նախորդ 4 խաղերում «Շիրակի» դարպասն անառիկ էր մնացել:

5․ «Արցախին» վերջապես հաջողվեց գրավել «Ալաշկերտի» դարպասը: Դրա համար արցախցիներից 318 րոպե պահանջվեց: Իսկ գոլի հեղինակ դարձած Էդուարդ Ավագյանը 4 գնդակով գլխավորեց «Արցախի» լավագույն ռմբարկուների ցանկը՝ վերջապես գերազանցելով առաջնության աշնանային հատվածում 3-ական գոլ խփած Գրիգոր Աղեկյանի և Ակմալ Բախտիյարովի ցուցանիշը:

Սևադա Արզումանյան․ «Բոլոր թիմերի համար էլ դժվար է խաղացանկի տեսանկյունից, բայց պետք է հարմարվել» (տեսանյութ)

6․ Առաջնության լավագույն ռմբարկուների ցանկը գլխավորող Ջոնել Դեսիրեն, դուբլի հեղինակ դառնալով, գոլերի թիվը հասցրեց 16-ի և գործնականում նվաճեց «Ոսկե խաղակոշիկը»: Այդ պայքարում նրա գլխավոր մրցակից Անտոն Կոբյալկոն արդեն 4 գնդակով է զիջում «Լոռիի» հարձակվողին: Ջոնել Դեսիրեն դարձավ «Փյունիկի» հետ «Լոռիի» դիմակայության լավագույն ռմբարկուն՝ ընթացիկ առաջնությունում 3 անգամ գրավելով փյունիկցիների դարպասը:

Դեսիրեն ընդգրկվեց մեկ մրցաշրջանում խփած գոլերի քանակով լեգեոնականների լավագույն տասնյակում: Նրա ներկայիս ցուցանիշը լավագույնն է լեգեոնականների մեջ վերջին 3 մրցաշրջաններում: 2015/16թթ. առաջնությունում 16 գոլի հեղինակ էր դարձել ալաշկերտցի Հեբեր Արաուխոն՝ Միհրան Մանասյանի հետ ճանաչվելով մրցաշարի լավագույն ռմբարկու: Այլազգի ֆուտբոլիստներից մեկ մրցաշրջանի ռեկորդակիրը բրազիլացի Մարկոս Պիզելին է, որը 2007թ. «Արարատում» 22 գոլի հեղինակ է դարձել:

7․ Գեղամ Հարությունյանը «Բանանցի» հետ ՀՀ առաջնությունների հանդիպումներում 10-րդ գոլը խփեց և դարձավ երկու թիմերի դիմակայության լավագույն ռմբարկուն՝ մեկ գնդակով գերազանցելով մրցակցից լավագույն արդյունքն ունեցող Սամվել Մելքոնյանի ցուցանիշը: «Գանձասար-Կապանի» բոլոր տարիների լավագույն ռմբարկուն Բարձրագույն խմբում 41-րդ գոլը խփեց, որից 39-ը նրա օգտին գրանցվել է կապանյան թիմում խաղալիս:

Ալեքսանդր Տարխանով. «Խաղի ելքը վճռեց մրցավարը, մենք բողոք ենք ներկայացնելու»

Իսկ ահա Բակար Բալդեն բացեց գոլերի հաշիվը ՀՀ առաջնությունում՝ դառնալով դուբլի հեղինակ: 27-ամյա Բալդեն կրկնեց «Գանձասար-Կապանի» նախկին ֆուտբոլիստ Լեանդրո Թեոֆիլո Սանթոսի տարիքային ռեկորդը, որն այդ տարիքում լեգեոնականներից առավել արդյունավետ էր գործել՝ 2008թ. առաջնությունում դառնալով 2 գոլի հեղինակ:

8․ Ալֆոնսե Կասեն ոչ միայն բացեց գոլերի հաշիվը Հայաստանի առաջնությունում և անչափ կարևոր հաղթանակ պարգևեց «Արարատ-Արմենիային», այլև դարձավ ընթացիկ առաջնությունում խփված հոբելյանական՝ 300-րդ գոլի հեղինակը:

9․ Դենիս Թումասյանն էլ, «Ալաշկերտին» փրկելով պարտությունից, դարձավ թիմի կազմում ՀՀ առաջնություններում գոլ խփած ամենատարեց ֆուտբոլիստը: «Արցախի» դարպասը նա գրավեց 34 տարեկան 25 օրականում: Թումասյանը գերազանցեց «Ալաշկերտի» նախկին ֆուտբոլիստ Արարատ Առաքելյանի ցուցանիշը, որն իր վերջին գոլը թիմի կազմում խփել էր 33 տարեկան 81 օրականում:

Աբրահամ Խաշմանյան․ «Ես գոհ եմ մեր տարեց ֆուտբոլիստներից, բայց մեզ նաև երիտասարդներ են պետք» (տեսանյութ)

Թումասյանն «Ալաշկերտի» ներկայիս կազմում ամենատարեց ֆուտբոլիստն է, իսկ ընդհանրապես թիմում հանդես եկած ֆուտբոլիստներից առայժմ զիջում է միայն Գևորգ Կասպարովին, որն «Ալաշկերտում» իր վերջին խաղն անցկացրել է 36 տարեկան 310 օրականում: Ի դեպ, Կասպարովը ՀՀ առաջնություններում դարպասն անառիկ պահած խաղերի ռեկորդային թիվը հասցրեց 120-ի:

10․ Էդգար Մանուչարյանը Բարձրագույն խմբում հոբելյանական՝ 100-րդ խաղն անցկացրեց:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


«Մեր մյուս դրոշը Երևանում է». «Վուլվերհեմփթոնի» երկրպագուների հնարամիտ քայլը (լուսանկար)

«Լոռին» պայմանագիր է ստորագրել վրացի երիտասարդ ֆուտբոլիստի հետ

«Արարատ-Արմենիան» բարելավեց իր ռեկորդային ցուցանիշները

Լուիս Օգանա. «Առանց երկրպագուների չէինք հասնի այս արդյունքին» (տեսանյութ)

Պատմության կերտման ճանապարհին. VNews-ի ֆոտոշարքն «Արարատ-Արմենիա» – «Դյուդելանժ» խաղից

Վարչապետ Նիկոլ Փաշինյանն անդրադարձել է «Արարատ-Արմենիայի» հաղթանակին

Գեորգի Պաշով. «Շնորհակալություն երկրպագուներին, նրանք այսօր փառահեղ էին» (տեսանյութ)

Գոռ Մալաքյան. «Էմոցիաներն աննկարագրելի են» (տեսանյութ)

Պողոս Գալստյան. «Կար վստահություն, որ այսօր հաղթելու ենք ու տոն ենք պարգևելու հայ ժողովրդին» (տեսանյութ)

Անտոն Կոբյալկո. «Բնավորության հաշվին հաղթանակ կորզեցինք» (տեսանյութ)

Պետրոս Ավետիսյան. «2-1-ը շատ վտանգավոր հաշիվ է» (տեսանյութ)

Վարդան Մինասյան. «Ամենակարևոր բանը, որ ինձ գոհացրեց, իմ թիմի բնավորությունն էր» (տեսանյութ)

«Արարատ-Արմենիան» խաղավերջում գոլ է խփում և հաղթում «Դյուդելանժին» (տեսանյութ)

1-1. «Դյուդելանժը» հավասարեցնում է հաշիվը (տեսանյութ)

1-0. «Արարատ-Արմենիան» առավելությունը վերածում է գոլի (տեսանյութ)

«Արարատ»-Արմենիայի» մեկնարկային կազմը «Դյուդելանժի» հետ խաղում